Umugenzi Ministries

Umugenzi Ministries Sola Scriptura

06/09/2026

Faith is not the absence of questions. Faith is holding onto Christ when circumstances seem to contradict God's promises.

30/08/2026

“Niba koko Imana ari isoko y’ibyiza n’icyubahiro cyacu cyose, ubwiza n’imigisha yacu, uko turushaho kugira kuyemerera kuba muri twe, uko turushaho guhuza imibereho yacu n’ubushake bwayo, uko turushaho kwitangira kwemera kudukoresha, kandi uko turushaho kwemera ko itegeka kandi igakorera muri twe muri byose, ni na ko turushaho kugira ibyishimo by’ukuri.

Kandi ubuzima bw’idini bw’ukuri kandi bwiza ni ubuzima butwegereza Imana buri munsi, bukadutera kureka byose kugira ngo turusheho kugira Imana muri twe.

Nta kumvira gushobora kuba gukomeye cyane, nta kwishingikiriza ku Mana gushobora kuba ku rwego rwo hejuru cyane, kandi nta kwizera Imana bishobora kuba bikomeye cyane, ku mutima uri kwiga kubona ko Imana ubwayo ari yo mugisha uruta iyindi, ndetse ikaba n’ibyishimo byacu birenze ibyo dutekereza byose.

Isezerano Rishya rishobora kutubera rimwe mu madirishya yo mu ijuru, aho tubonera mu maso h’Imana, ndetse tukareba mu mutima wayo bwite.” The Gospel of the covenant, p.45

30/08/2026

UKO DUKWIYE KUBAHO UBUZIMA BW'INTSINZI BURI MUNSI.

Ndasaba ko twakoresha ubu buryo bufatika bwo kwakira intsinzi ya buri munsi: Buri gitondo, mbere y’uko dusohoka tujya mu mirimo guhura n’ibitazwi by’intambara yo muri uwo munsi, dushimire Imana ku ntsinzi yamaze kudutsindira, tuyishimire n’intsinzi iza kuduha muri uwo munsi. Hanyuma, nubwo haba hari umwanzi ukora cyane imbere yacu ndetse n’inkuta ndende zidukikije, twizere kandi twakire intsinzi mbere y’uko tuyibona igaragarira amaso yacu.

Muri buri gihe, ukwizera kwacu kugomba kuba gushingiye ku Ijambo ry’Imana, kandi tugaharanira icyubahiro cy’Imana, aho gushaka guhaza ibyifuzo byacu bwite cyangwa kwikunda.

Ntidukwiye na rimwe kwirata ku ntsinzi twakiriye muri ubwo buryo; ahubwo tugomba kwicisha bugufi, tugashimira Imana ku bw’impano z’ubuntu bwayo zigaragarira mu mibereho yacu.

Imigisha yose y’Isezerano Rishya ibumbiye muri Kristo, kandi tuyakira binyuze mu kwizera Kristo. Tumwumva aduhamagara ati:

“Nimuze aho ndi.”
“Munyigireho.”
“Mwizeye.”
“Munkurikire.”
“Mugume muri Jye.”

Kandi uko tumwumva, tukamwizera, tukamukurikira kandi tukaguma muri We, Kristo ubwe aba intsinzi yacu.

Ni yo mpamvu intsinzi ya Gikristo atari ikintu twigezaho ku bw’imbaraga zacu, ahubwo ari Kristo ubwe uba muri twe kandi agakorera muri twe. Ukwizera kwakira uwo Kristo ari We n’ibyo yadukoreye, maze ubuzima bwe bukagaragarira muri twe. The Gospel of the covenant, p.45

30/08/2026

UBUZIMA BWO GUTSINDA ICYAHA

Umwe mu mugisha w’ingenzi w’Isezerano Rishya, tugomba kwakira no kugira mu mibereho yacu, ni ubuzima bwo gutsinda icyaha; ni ubuzima bwo kubohorwa mu bubata bw’icyaha, ubuzima bw’umudendezo tubonera muri Kristo.

Kristo yatsinze isi, umubiri wa kamere n’Umwanzi. Ni amahirwe ndetse n’uburenganzira bw’umuntu wese wakurikiye Kristo kugira uruhare muri iyo ntsinzi. Ariko tugomba gusobanukirwa neza icyo ubwo bunararibonye busobanura.

Ubuzima bwo gutsinda icyaha ntibusobanura ubuzima butagira ibishuko cyangwa intambara zihoraho. Kristo na we “yageragejwe mu buryo bwose nkatwe, ariko ntiyigeze akora icyaha.” — Abaheburayo 4:15.

Biragaragara rero ko kugeragezwa atari icyaha. Icyaha kiza iyo umuntu yemeye kugwa mu gishuko, cyangwa agakora nkana ibinyuranye n’ubushake bw’Imana azi ko ari bwo bugomba kumuyobora.

Icyizere kidakuka cy’uko umwizera ashobora kugira intsinzi mu mibereho ye, gishingiye ku kuri kw’amateka kudahinduka: Yesu w’i Nazareti yarwanye iyo ntambara ku bwacu kandi yarayitsinze.

Bityo, intsinzi y’Umukristo ntabwo ishingiye ku mbaraga ze bwite zo gutsinda icyaha, ahubwo ishingiye kuri Kristo wamaze gutsinda, kandi ukwizera kukakira iyo ntsinzi mu mibereho y’umwizera. The Gospel of the covenant, p.43,44

Kristo ni we ntsinzi yacu. Iyo tugumye muri We, intsinzi yatsindiye ku bwacu itangira kugaragarira mu mibereho yacu.. The Gospel of the covenant, p.,43,44

30/08/2026

UBUSABANE N’IMANA MURI KRISTO

Ubu busabane n’Imana muri Kristo ni imbuto y’Umwuka, kandi impano y’Umwuka Wera ni yo ntego y’umurimo wa Kristo wo gucungura umuntu. Ni ko byanditswe ngo: “Kristo yaducunguye umuvumo w’amategeko, ahindutse umuvumo ku bwacu; kuko handitswe ngo: ‘Havumwe umuntu wese umanitswe ku giti’; kugira ngo umugisha wa Aburahamu ugere no ku banyamahanga bawuheshejwe na Yesu Kristo, kugira ngo kubwo kwizera duhabwe isezerano ry’Umwuka.”— Abagalatiya 3:13–14. Umugisha wa Aburahamu ni ugukiranuka kubwo kwizera, kandi impano y’Umwuka Wera ni ikimenyetso gishimangira uko gukiranuka kandi uwo Mwuka ukaba ingwate y’uko gukiranuka gukomeza kuba muri twe.

Mu yandi magambo, kubaho k’Umwuka w’Imana-muntu muri twe ni ukubaho k’Uwo witwa “Uwiteka Gukiranuka kwacu,” kandi muri We ni ho tubonera inzira yo kugera ku Mana. “Kuko ari We utuma twembi tugera kuri Data mu Mwuka umwe.” Ariko na none aha ni ho dusanga ibanga ry’ubusabane bwacu n’Imana, nk’uko Umwami wacu ubwe yabihishuriye abigishwa be ati: “Kuri uwo munsi muzamenya yuko ndi muri Data, namwe mukaba muri jye, nanjye nkaba muri mwe. … Umuntu nankunda, azitondera ijambo ryanjye; Data na we azamukunda, tuzaza aho ari, kandi tuzabana na we.”— Yohana 14:20–23. Bityo, kuguma muri Data no mu Mwana ni umugisha w’ingenzi kandi ukaba izingiro ry’Isezerano Rishya.

Isezerano Rishya rero rituganisha ku kintu kirenze kubabarirwa ibyaha gusa. Ritugarura mu busabane bwimbitse n’Imana muri Kristo, aho Kristo aba muri twe, natwe tukaba muri Kristo, binyuze mu Mwuka Wera.— Abefeso 2:18. The Gospel of the covenant, p.,42

29/08/2026

KWAKIRA UMUGISHA UKOMOKA KU UBUSABANE N’IMANA

Intambwe ya mbere mu bunararibonye bwo kwakira no kugira umugisha w’ubusabane n’Imana, ni ukwizera Imana, ku bw’ibyo Kristo yadukoreye, uko yatubabariye ibyaha twatuye, kandi ko yaduhaye kwakirwa muri Kristo Ukundwa.

Icya kabiri, kandi kidashobora gutandukanywa n’icya mbere, ni kwakira no gushimira Imana ku mpano yo gukiranuka kwayo, kuko gukiranuka kw’Imana ari igice cy’ingenzi cyo kubabarirwa.

Hanyuma, ku bw’ubuntu bwa Kristo, tugomba kugaragaza ubuzima bw’umunyabyaha wababariwe, ari bwo buzima bwa Kristo uba muri twe, binyuze mu murimo wo kwitangira abandi, ku buryo tubagezaho wa mugisha natwe twahawe.

Kandi ubwo bunararibonye bwo gukorera abandi twitangiye, buzongera ibyishimo byacu n’imbaraga dufite zo gutsinda no kugendera mu ntsinzi.

Mu yandi magambo, kubabarirwa, kwakira gukiranuka kwa Kristo, no kumureka akabaho ubuzima bwe muri twe, ntibigomba kurangirira kuri twe. Umugisha twahawe ugomba kunyura muri twe ukagera ku bandi. Iyo twitangiye abandi mu rukundo rwa Kristo, ibyishimo n’imbaraga byacu mu gutsinda birushaho kwiyongera.The Gospel of the covenant, p.42

29/08/2026

Uyu ni wo mugisha nyamukuru w’Isezerano Rishya—ni ukuvugurura ubusabane bwa hafi kandi bwimbitse hagati y’umuntu n’Imana. Ariko birahita bigaragara ko kugira ngo umuntu yishimire uyu mugisha w’ingenzi, bisaba umurimo wose wo kunga abantu n’Imana ukorwa na Kristo, aho akemura ikibazo cy’icyaha kugira ngo gishobore gukurwaho. Icyaha ni uburyo bwo kugaragaza ubugome cyangwa kwanga Imana, bityo ntigishobora na mba kubangikana n’ubusabane nyakuri n’Imana. Icyaha kigomba kubabarirwa, kandi umutima ugomba kwezwa. Ibi byashobotse muri Kristo, kuko Bibiliya ivuga iti: “Nitwatura ibyaha byacu, ni iyo kwizerwa kandi ikiranuka, ikatubabarira ibyaha byacu, ikatwezaho gukiranirwa kose.” — 1 Yohana 1:9. Bityo, intego y’Isezerano Rishya si ukubabarirwa gusa, ahubwo ni no gusubiza umuntu mu busabane bwa hafi n’Imana, binyuze muri Kristo. Kristo akuraho inzitizi y’icyaha, akatweza, kugira ngo Imana ibashe kuba mu mutima wacu kandi natwe tube muri Yo..The Gospel of the covenant, p.41,42

29/08/2026

Tugomba kwibuka ko, nubwo Isezerano ry’Ubuntu ari igikorwa Imana ubwayo yiyemeje kugira ngo ikize umuntu, ariko mu bunararibonye bwo gukizwa, umuntu ntaba ari indorerezi gusa. Ibyo Imana itanga mu rukundo rwayo rutagira icyo isaba, umuntu abyakira abikunze, akoresheje ubushake bwe. Si ibyo gusa; ahubwo ibyo twakiriye tugomba no kubisangiza abandi. Umuntu utekereza mu buryo bw’ubwenge bw’iyi si ashobora kubona ko ari ubusazi kuvuga ko uburyo bwonyine bwo kubungabunga impano z’Imana ari ukuzisangira n’abandi. Ariko Uwatwitangiye ubwe kandi akaduha n’ubuzima bwe, yashyizeho iri hame ry’Imana: “Mwahawe ubuntu, mutangire ubuntu.”— Matayo 10:8. Abakurikije aya magambo bafite imitima yuzuye urukundo bazi ko ari ryo tegeko nyakuri ryo kwiyongera; kandi ko imbuto zibibwe muri ubwo buryo zera imbuto nyinshi, ni ukuvuga ko ibyo Imana yaduhaye iyo tubisangiye n’abandi, bidatakara ahubwo birushaho kwiyongera.The Gospel of the covenant, p.41

29/08/2026

Umuntu wese wiga icyo bisobanura kugira amategeko y’Imana yanditswe mu mutima, azakira kandi yishimire cyane ubwo bunararibonye nk’urwego rwo hejuru cyane rw’ubuzima bwa Gikristo. Azatanga n’umutima ukunze umubiri we nk’igitambo kizima, kugira ngo ubushake bw’Imana busohore mu buryo bwuzuye mu mibereho ye, binyuze mu kumvira Imana yishimye, Imana iriho kandi ni Data, yarasezeranye iti: “Nzashyira Umwuka wanjye muri mwe, mbatere kugendera mu mategeko yanjye, no kwitondera amabwiriza yanjye, kandi muzayakurikiza.” — Ezekiyeli 36:27. Mbese umutima wawe ntushimishwa no kwakira amahirwe nk’aya? Mbese ntunezezwa no kumenya ko Imana ubwayo isezeranya gushyira Umwuka wayo muri twe, ikadutera kugendera mu nzira zayo, kugira ngo ubushake bwayo bube ubuzima bwacu bwa buri munsi? The Gospel of the covenant, p.40

29/08/2026

Iyo Imana isohoje ibyo yasezeranye aribyo Isezerano Rishya ryo kwandika amategeko yayo mu mutima w’umuntu, ndetse no mu mibereho ye yose, hinjiramo ubuzima bushya—ubuzima buva ku Mana, aho kwera kwayo kugaragarira mu mategeko yayo. Ibi bigerwaho binyuze ku mpano y’Umwuka Wera uhabwa umutima w'uwizeye, akaza ari igisubizo cyo kwizera. Uwo Mwuka ni we uyobora umuntu mu kuri, kandi akaba ari na we mbaraga zituma umuntu ashobora kumvira ukuri. Bityo, Isezerano Rishya ntirisobanura gusa ko Imana iduha amategeko ngo tuyasome cyangwa tuyamenye; ahubwo Imana ishyira Umwuka wayo muri twe, maze ubuzima bwayo bugatangira gukorera muri twe. Umwuka Wera atuyobora mu kuri kandi akaduha imbaraga zo kubaho imibereho ishingiye mu kuri. The Gospel of the Covenant, p.40

Address

KIGALI
Kigali

Telephone

+250788892471

Website

Alerts

Be the first to know and let us send you an email when Umugenzi Ministries posts news and promotions. Your email address will not be used for any other purpose, and you can unsubscribe at any time.

Shortcuts

Share

Category