14/06/2020
معظم الطلاب دلوقتي بيفضلو يدرسو طب عام هنا في روسيا!
و الكل بيدور علي الجامعات المعتمدة في بلاد معينة و تكون ضمن تصنيف شنغهاي و كلام كتير كدة.
انا هتكلم النهردة علي ما بعد ال MD (ال٦ سنين طب الي هتدرسهم).
هتكلم عن التخصص و المعادلة (الامريكية) اذاي بعد متخلص ال ٦ سنين تكمل تخصصك و تدريبك في امريكا.
=لية امريكا؟
-امريكا يعني احترام و تقدير لمهنة الطبيب قبل كل شيء.
-يعني اكبر رواتب في العالم يتقاضي الطبيب في امريكيا من 294 الف دولار ل 663 الف دولار سنويا من 24 الف دولار ل 55 الف دولار شهريا.
لو عايز بعد متخلص ال MD بتعتك في روسيا تسافر امريكا تعمل residency بمرتب من 3000 دولا ل 4000 دولار شهريا يبقي لازم ال USMLE يبقي في حساباتك من سنة اولي
طب!
=اية هو ال USMLE ؟
United States Medical Licensing Examination.
-ال USMLE ( المعادلة الامريكية ) هو عبارة عن ٣ خطوات للحصول علي الترخيص للمارسة مهنة الطب في الولايات المتحدة 🇺🇸، الامتحان برعاية اتحاد المجلس الطبي الحكومي (FSMB) و المجلس الوطني للممتحنين الطبيين (NBME).
=طيب اي طالب في طب في روسيا ممكن يقدم للامتحان ؟
- لا لازم تكون الجامعة بتعتدك مدرجة في قاموس الجامعات المعترف بها في الولايات المتحدة.
=اعرف اذاي طيب ان الجامعة بتعتي معترف بيهيا؟
-ممكن تدخل هنا و تعمل بحث عن اسم المدينة الي انت بتدرس فيها او هتدرس فيها و هيجبلك الجامعات المعتمدة هناك.
https://search.wdoms.org/
