24/06/2025
الفتره ال فاتت كنت بحضر مجموعه كبيره من الطلبه لامتحان كامبردچ لمستوي B1.
B1 preliminary.
PET ( preliminary English Test)
وده امتحان من جامعة Cambridge بيثبت إن مستواك في الإنجليزي "(B1)" حسب الإطار الأوروبي CEFR.
الامتحان دا ببساطه هو تركيز تام علي مهاراتك الاربعه في اللغه
Productive skills: speaking and writing.
Receptive skills: listening and reading.
يعني الامتحان محتاج تركيز كبير جدا و مجهود كبير مع الطلبه لان الطالب ال انا شايف انه مينفعش يدخل امتحان زي دا، انا مش هشتغل معاه واحضره ( ودا لاسباب كتير طبعا منها ان لو دخل وانا شايف انه مش جاهز وجاب درجه مش كويس دا تحطيم ليه هو قبل ما يكون تجربه مش لطيفه ليا انا + ان الامتحان بمبلغ مش قليل ) . المهم الحمد لله كل الطلبه جابت درجات خرافيه انا نفسي مكنتش متوقعها ✊💙.
ولكن لحظه.....
ال ف الاسكرين دا طالب ممتاز جداا كويس جدا في الاربع مهارات بس معندوش ثقه في نفسه. حاولت اقنعه ان ينضم معانا ف جروب التحضير للامتحان ورفض. بس لما نتائج زمايله ظهرت شجعته ان يخوض التجربه. ف الطالب دا حاليا شِبه بيحضر للامتحان لوحده و هيسافر لوحده مدينه بعيده عنه ب اكتر من الف كيلو متر عشان يخوض التجربه وانا متأكد ان هيجيب درجه كويسه جدا..
خلاصه البوست.
لازم تثق بنفسك ويكون عندك شجاعه انك تخوض التجربه حتي ولو طلعت بنتائج مش مرضيه من التجربه ف انت اكتسبت خبره ومع الخبرات سواء سلبيه او ايجابيه عقلك بيكتسب كفائة تأهلك تاخد قرارات اكثر صوابا.
المسدچ بتاعته فيها اخطاء دي نتيجة لتسرعه في الرد عليا كنت بحمسه 😂
