غزالة - Ghazalah

المشكلة مش في العمر نفسه، المشكلة في التأجيل المستمر
كل مرة قلتي ( بعدين ) جسمك كان بيكمل الطريق اوحده ومكنش بيستنى
استمتعي، افرحي، قربي من نفسك ومن جسمك وحسي بيه
مش لما تبقى الظروف مثالية، لإن لأن العمر مرة واحدة بس

و دي ٣ نقط عملية عشان الكلام ده يتحقق :
1️⃣ خصصي وقت ثابت لنفسك :
حتى لو وقت بسيط، الدلع مش محتاج وقت كبير، المهم تستمري عليه بشكل يومي
2️⃣ اعملي حاجة جديدة كل فترة :
ستايل مختلف، تجربة أول مرة، مكان جديد، التجديد بيحافظ على الإحساس بالحياة وبنفسك وجسمك
3️⃣ حاولي متربطيش المتعة بمرحلة مثالية :
لا وزن معين، ولا سن معين، ولا وقت مثالي، دايمًا المرحلة اللي إنتي فيها دلوقتي هي المرحلة الصح والمثالية

حبي نفسك واستمتعي بيها كل يوم ♥️

⁨ خمس خطوات عملية من ACT عشان تعمل الصح :

1️⃣ ركز على اللحظة الحالية : لاحظ اللي بتحس بيه من غير ما تحكم عليه
2️⃣ اقبل مشاعرك : خوفك أو إحباطك طبيعي، لكن مش لازم يتحكموا في سلوكياتك 
3️⃣ حدد قيمك : اسأل نفسك، إيه اللي يهمك فعلًا في حياتك؟
4️⃣ خد خطوة صغيرة : ولو كل يوم خطوة صغيرة تقربك من قيمك، ده هيقوي شجاعتك
5️⃣ افصل نفسك عن أفكارك : فكر في مشاعرك كأحداث بتعدي، مش كحقيقة لازم تتحرك على أساسها

قولنا بتقدر ازاي تاخد قرارات مصيرية حتى وانت خايف ؟ 🤍⁩

⁨ القبول قبل الجواز خطوة أساسية وحق للجنسين
والقبول الشكلي خصوصًا والإنجذاب والإعجاب المبدأي هما أساس العلاقة الصحية بين الشريكين
وعلى قدر أهمية الصفات الشخصية والقيم والمبادىء او الطباع، اللي بنختار شريك حياتنا على أساسها، الا ان هيفضل الخطوة الأولى هي القبول الشكلي والجسدي ❤️⁩

⁨ التعدد له ضوابطه الشرعية، والخيانة حاجة تانية تمامًا وكبيرة من أكبر الكبائر
مبيتحطوش مع بعض في مقارنة ابداً
مهما اختلفنا في فكرة وجود ست تانية في حياة الراجل اللي بنحبه، لازم نحترم شرع ربنا ونفهم الفرق بين التعدد والزنا اللي بيجيب السخط والغضب على البيت كله
قيمنا ومبادئنا بتعلمنا نتعامل مع الألم بطريقتنا احنا مهما كان تصرف الشخص التاني عامل ازاي

وعكس ما الدراما بتصورلنا دايماً وطول الوقت ان النزوة اسهل واخف ونقدر نسامح فيها ونسونا حقيقة ان اسمها الحقيقي ( زنا )⁩

عند الستات القلق بيأثر على الاداء الجنسي في شكل :
١- ألم أو وجع وقت العلاقة
التوتر بيشد عضلات الحوض، وبيقلل الترطيب الطبيعي، فالعلاقة تبقى مش مريحة أو مؤلمة
٢- رغبة أقل
القلق بيقلل هرمون الأستروجين، فالمزاج والرغبة بيقلوا جدا
٣- بُعد عاطفي
الست ممكن تبقى مش عايزة تقرب، تحس بخوف أو نفور
٤- إحساس بالذنب أو خجل شديد غير مبرر
القلق بيخلي الست تحس إنها مش كويسة أو مش من حقها تستمتع
٥- يحرك الست بدافع الخوف
القلق بيزود مخاوف الستات، بيخليها تضطر تضغط على نفسها وتجبر نفسها على العلاقة اوقات، عشان خايفة زوجها يخونها او يتزوج عليها

الريل الجاي هنقولكم تأثير القلق على الزوجين وايه هي الحلول العلمية للوضع ده ❤️
ولو مشوفتوش الريل اللي فات عن تأثير القلق على الرجال، ارجعوا شوفوه

عند الرجالة اللغبطة بسبب القلق بتحصل في شكل :
١- مشكلة في الانتصاب
التوتر بيقلل ضخ الدم للعضو الذكري، فبيبقى صعب يحصل انتصاب أو يفضل موجود مدة طبيعية
٢- قلة الرغبة
القلق بيهلك الجسم وبيقلل التستوستيرون، فالرغبة بتقل
٣- سرعة أو تأخير في القذف
القلق بيقلل التحكم في القذف
٤- تفكير زيادة وخوف من الفشل
الخوف من انه مش هيعرف يعمل كل حاجه صح بيزود القلق، ويدخل الراجل في دايرة مقفولة

اعملولنا فولو واستنوا باقي الريلز عن تأثير القلق على الستات، والزوجين سوا وايه الحلول ❤️

⁨ ⁨ الحميمية الحقيقية بين الزوجين مش بس حميمية جنسية جسدية، دي وعي
وفهم واحترام وحب وتراحم كبير
جربوا الـ ٣ مفاتيح دول وهتلاحظوا فرق كبير في العلاقة✨🧡⁩⁩