16/08/2025
مش كل الخلافات ينفع معاها العتاب…
في حاجات العتاب بيرجع يصلّحها ويقرّب،
لكن الأذى؟ الأذى ما يتعاتبش عليه.
العتاب مكانه لما يحصل سوء تفاهم،
لما كلمة تطلع بالغلط وتوجعك،
أو حد يتأخر عن ميعاد كنت منتظره،
أو لما يحصل لخبطة صغيرة تباعد بينك وبين اللي قدامك.
ساعتها بنعاتب عشان نفهّم ونوضح،
عشان العلاقة ترجع زي ما كانت.
لكن لما يبقى فيه ظلم؟ إهانة؟ خيانة؟
هتعاتب تقول إيه؟
“ليه كسرتني؟”
“ليه حرمتني من الأمان؟”
“ليه رخصتني وإنت عارف قيمتي؟”
العتاب ما ينفعش مع اللي اختار يوجعك،
ولا مع اللي باعك وهو عارف إنه بيخسرك،
ولا مع اللي شاف دموعك وكمل وكأن ما فيش حاجة.
الحقيقة إن بعد الأذى مافيش كلام،
لأن اللي أذاك شاف وجعك وسكت،
وشاف نزيفك وكمل.
عشان كده… لو في يوم لقيت نفسك عايز تعاتب حد أذاك،
قف مع نفسك وفكّر: هو يستاهل منك كلمة أصلاً؟
#اذي
#عتاب
#وجع
#صحة نفسيه
#سحرعون
