01/08/2026
उहाँहरूले केवल हिमाल मात्र आरोहण गर्नुभएन, नेपाली साहस, अठोट, त्याग र आत्मविश्वासलाई विश्वसामु उभ्याउनुभयो। शिखरहरू जित्ने यात्रामा अन्ततः आफ्नै प्रिय हिमालको काखमा विश्राम लिनुपरेको यो क्षण सम्पूर्ण नेपालका लागि अत्यन्त पीडादायी छ।
उहाँहरूको साहस, समर्पण, संघर्ष र राष्ट्रको गौरव बढाउनुभएको योगदान इतिहासमा सदैव अमर रहनेछ। शरीर हामीबाट टाढिए पनि उहाँहरूले छोड्नुभएको प्रेरणा, कीर्तिमान र राष्ट्रप्रेम सधैं जीवित रहनेछ।
भगवानले दिवंगत आत्माहरूलाई चिरशान्ति प्रदान गरून्। शोकसन्तप्त परिवारजन, आफन्त तथा सम्पूर्ण पर्वतारोहण समुदायलाई यो असह्य पीडा सहने शक्ति प्रदान गरून्।
भावपूर्ण हार्दिक श्रद्धाञ्जली। 🕯️🏔️🇳🇵🙏
