15/03/2015
فشة غل بدون ذكر اسماء مرة استاز كان معطينا بروجكت تسليمو الساعة 5 وكان يوم دوام، الكل اجا ع الجامعة بدري عشان يرفع البروجكت ع السيرفر ويزبط البروجكت تاعو وفصل الانترنت بالجامعة طول هداك اليوم وما قدرنا نرفع البروجكت ع السيرفر .. استاز المادة طبعا مستحيل يتفهم ويأجللنا التسليم كمان يوم ، مع انو المشكلة مش مشكلتنا .. المفروض في نت بالجامعة دايما. . رحت لعميد الكلية عشان يساعدنا بالموضوع لأني بقدرش ارفع ع السيرفر بدون نت ! ما عندي قوى خارقة .. انا كنت معصبة كتير وهو كان يضحك ومش هامّو .. واجا النت بعد ما طلعت روحنا ورفعنا البروجكت بعد ما نشف دمّنا .. وما قدرنا نستغل هداك اليوم بأنه نزبط البروجكت ونعدل عليه .. وطبعا وقت المناقشة تبهدلنا بهدلة مرتبة من استاز المادة لأنه البروجكت الخرافي اللي معطينا ياه ما كان جاهز 100% .. هو بصراحة ولا حتى 40% جاهز .. بس مش مشكلتنا ازا بحطولنا كل البروجكتات بأسبوع واحد .. وطبعا الطلاب جبانين محدا بعترض.
http://www.yallarate.com/site/stories/8
بتقدروا ترسلونا فشات غل او شكاوي اما عن طريق الموقع او عن طريق مسجات للصفحة و رح ننشرها
