30/03/2020
شاركنا "شو أهم موضوع بحياتك لازم تعيد ترتيب أوراقا فيه؟"
هلا أفضل وقت للإنسان أنه يرجع يرتب أوراقه، أوراق حياته، أوراق علاقاته يللي حوله، بعلاقاته مين بيحب، وعلاقاته مع مین بيکره، علاقته مع الناس اللي زعلان منها ألو سنين، او علاقته مع الناس اللي بيحبها كثير و مش شايفها من زمان.
و عيد ترتيب أوراقك مع ربك، و عيد ترتيب أوراقك مع جسدك، مع عقلك الي ممكن تكون مهملة إلك فترة كتير طويلة.
رتب أوراقك مع قلبك لتعرف شو الأشي إللي بيسعده و شو الأشي اللي ما بیسعده.
طبيعي جدا الفرد زي الشركة، الشركة لازم دايما تعيد ترتيب أوراقها مع المتغيرات اللي في السوق، و الإنسان لازم يرتب أوراقه دائما في كل موقف صعب زي هاي المواقف اللي احنا فيها.
ما تخلي هاي الفترة تمر عليك و تطلع منها نفس الإنسان بتكون ظلمت حالك ظلم کتیر كتير کبیر.
رکز و خد وقت لحالك تأمل، أدعي، و فكر مين الشخص إللي بدك إياه يطلع من هاي الأزمة؟ هل هو نفس الشخص اللي إنت هلأ عليه، ولا هل هو شخص تاني ؟
وشو أهم موضوع بحياتك لازم تعيد ترتيب أوراقك فيه؟
