IFAE - Міжнародны фонд развіцця адукацыі дарослых

Завяршэнне першага сезона Беларускага Універсітэта Залатога Веку адбудзецца ў чатырох гарадах Польшчы - наперадзе сустрэчы, на якіх мы разам падвядзём вынікі, успомнім гэты важны для ўсіх нас час і проста правядзём час у добрай, цёплай кампаніі.

За першы сезон у Гданьску прайшлі 8 курсаў і 56 заняткаў, адбыліся агульныя сустрэчы і майстар-класы. У Беластоку - 6 курсаў і 58 заняткаў, а таксама 5 агульных лекцый. У Варшаве - 11 курсаў, 63 заняткі і 6 агульных сустрэч. Ва Уроцлаве - 6 курсаў і 38 заняткаў, экскурсіі, прэзентацыі кніг, майстар-класы і нават кінапаказ.

І так хочацца сказаць «дзякуй» - кожнай і кожнаму, хто быў побач у гэтым сезоне. За цікавасць, за ўключанасць, за гатоўнасць вучыцца і дзяліцца. І, канешне, выкладчыцам і выкладчыкам - за веды, за натхненне, якое адчувалася на кожнай сустрэчы.

Ініцыятыву падтрымлівае Fundusz Obywatelski im. Ludwiki i Henryka Wujców.

#узвваршава #узвбеласток #узвгданьск #узвуроцлаў

На нашым сайце вы можаце знайсці матэрыял пра сторытэлінг: як абіраць фарматы і платформы.

Гісторыю можна перадаць у розных фарматах: тэкст, фотагісторыі, відэа або аўдыё (падкасты). Кожны фармат уплывае на тое, як будзе ўспрынята гісторыя і які эфект яна зробіць.

Пасля выбару фармату важна вызначыцца з платформай для публікацыі, бо кожная з іх мае сваю аўдыторыю і асаблівасці.

На старонцы таксама ёсць заданне і тэст, каб праверыць і замацаваць веды.

Пераходзьце па спасылцы і паспрабуйце https://media.ifae.live/2026/02/05/storytjeling-abiraem-farmaty-i-platformy/

#іфаерэсурсы

Новы тыдзень ва Універсітэце Залатога Веку - і зноў шмат цікавага!

У Беластоку студэнты асвойвалі карысныя прылады для паўсядзённага жыцця, выконвалі практыкаванні для ўвагі і памяці, шукалі новыя спосабы “разварушыць” мысленне. Таксама завяршыліся курсы па ткацтве паясоў і вышыўцы - вынікі хутка можна будзе ўбачыць.

Разынкамі мінулага тыдня ва Уроцлаве сталі пробныя заняткі па скандынаўскай хадзе, а таксама творчая сустрэча з паэтам Андрэям Хадановічам. На занятках па гісторыі Беларусі гаварылі пра Сярэднявечча і яго ўплыў на сучаснасць, а сустрэчы па бібліятэрапіі зноў сталі прасторай даверу і самапазнання.

У Гданьску вучыліся карыстацца Telegram і Zoom, завяршылі курс па мастацтве і з’ездзілі на экскурсію ў Сопат.

У Варшаве вывучалі беларускую кухню, фінансавую граматнасць і асновы бяспекі - ад планавання бюджэту да падрыхтоўкі да небяспечных сітуацый.

Заняткі працягваюцца, і кожны тыдзень прыносіць новыя веды, сустрэчы і натхненне.

Падрабязна пра ўсе падзеі чытайце на сайце https://uzv.ifae.live

Ініцыятыву падтрымлівае Fundusz Obywatelski im. Ludwiki i Henryka Wujców Fundusz Obywatelski im. Ludwiki i Henryka Wujców

#узвваршава #узвбеласток #узвгданьск #узвуроцлаў

Засталося 2 дні, каб далучыцца да нашага базавага курса Школы журналістыкі.
І сёння знаёмім вас з нашым апошнім экспертам - Вітаўтам.

Вітаўт Руднік - заснавальнік і выкладчык Школы журналістыкі IFAE. Чалавек, які прысвяціў журналістыцы больш за 30 гадоў.

Ён працаваў у вядомых беларускіх выданнях, быў каментатарам на тэлебачанні і з 1997 года навучае журналістаў-пачаткоўцаў. Школа журналістыкі ў Гродне падрыхтавала сотні вядомых беларускіх журналістаў і журналістак.

На занятках з Вітаўтам вы пазнаёміцеся з асновамі прафесіі, навучыцеся пісаць навіны, ствараць загалоўкі і ліды, а таксама працаваць з інфаграфікай.

Форму рэгістрацыі можна знайсці ў апісанні профілю або на сайце https://ifae.live/be/2026/03/01/shkola-zhurnalistyki-ifae-raspachaty-30-ty-nabor/



Заяўляйся, мы цябе чакаем!

Працягваем знаёмства з камандай Школы журналістыкі - і сёння прадстаўляем вам нашу другую экспертку :)

Школа журналістыкі IFAE - гэта чатыры дні інтэнсіўнай працы з журналістамі-прафесіяналамі, дадатковыя онлайн-заняткі па актуальных тэмах, стажыроўка ў беларускіх медыя і ментарская падтрымка на кожным этапе.

Гэта магчымасць не проста паслухаць, а паспрабаваць сябе ў журналістыцы і зразумець, як усё працуе на практыцы.

Мы праводзім Школу ўжо 30 гадоў - і за гэты час дапамаглі сотням людзей зрабіць першыя крокі ў медыя.

Жывы фармат, прыязная атмасфера , падтрымка і зваротная сувязь - усё, каб ты адчуў(ла) сябе ўпэўнена і не баяўся(лася) пачаць.

Заяўкі прымаюцца да 1 красавіка - застаўся ўсяго тыдзень!

Форму рэгістрацыі можна знайсці ў апісанні профілю або на сайце https://ifae.live/be/2026/03/01/shkola-zhurnalistyki-ifae-raspachaty-30-ty-nabor/

Як прайшоў ваш мінулы тыдзень? А ў нас у УЗВ - вельмі насычана!

У Гданьску - рэлаксацыя, беларуская мова, італьянская мова, творчасць і цікавая экскурсія.
У Беластоку - скандынаўская хадзьба, тэатр, маляванне і трэніроўка памяці.
У Варшаве - новы курс пра ўнутраныя апоры ў эміграцыі, беларуская кухня і важная лекцыя пра медыцыну ў Польшчы.

Што з гэтага вам было б найбольш цікава? Напішыце нам 🙂

І ўжо на гэтым тыдні ў трох гарадах адбудуцца адкрытыя лекцыі: ва Уроцлаве 26 сакавіка а 16:00 - “Польская паэзія ў беларускім перакладзе: ад Міцкевіча да Шымборскай” Андрэя Хадановіча, у Варшаве 26 сакавіка а 17:00 - “Рызыкі ў нашым жыцці. Асабістая і сямейная бяспека” Уладзіміра Зуева, у Беластоку 26 сакавіка а 12:00 - “Мабільная адукацыя для “эмерытаў”: карысныя прылады для паўсядзеннага жыцця” Юліі Чарняўскай.

А калі хочаце даведацца больш - зазірніце да нас на сайт, там усё падрабязна https://uzv.ifae.live ❤️

Ініцыятыву падтрымлівае Fundusz Obywatelski im. Ludwiki i Henryka Wujców Fundusz Obywatelski im. Ludwiki i Henryka Wujców

#узвваршава #узвбеласток #узвгданьск #узвуроцлаў

Студэнткі і студэнты ў Беластоку падтрымліваюць свае кагнітыўныя здольнасці ў тонусе. Чулая і прафесійная Аня кіруе працэсам ды матывуе на вырашэнне новых задач і пабудову нейронных сувязяў

Сёння знаёмім вас з выкладчыцай вясновага набору Школы журналістыкі - Лолай Бурыевай.

Лола Бурыева - журналістка, рэдактарка і медыяменеджарка з больш як 20 гадамі досведу ў незалежных СМІ. Працавала на тэлебачанні («Белсат»), у журналісцкіх расследаваннях, была галоўнай рэдактаркай выдання «Вот Так».

З 2023 года кіруе сайтам Беларускага расследавальніцкага цэнтра, дзе ўкараняе інструменты штучнага інтэлекту ў працу рэдакцыі: ад чат-ботаў і агучкі матэрыялаў да сціслага пераказу лонгрыдаў.

Калі вы даўно думалі паспрабаваць сябе ў журналістыцы або хочаце лепш зразумець, як у яе трапіць - магчыма, гэта менавіта той момант, каб пачаць.

Падавай заяўку да 1 красавіка

Форма і падрабязная інфармацыя:

https://ifae.live/be/2026/03/01/shkola-zhurnalistyki-ifae-raspachaty-30-ty-nabor/

Заяўляйся, мы цябе чакаем!

Ва Універсітэце Залатога Веку пачаўся апошні месяц першага сезона. Некаторыя курсы ўжо скончыліся, іншыя толькі стартуюць.

На мінулым тыдні ў Варшаве скончыліся заняткі па польскай мове - студэнты ў захапленні ад Касі Рэмбезы і ўжо чакаюць новых заняткаў.
У гэты ж час распачаліся іншыя курсы: Таццяна Бародкіна пазнаёміла студэнтаў з беларускай кухняй і падарыла набор паштовак з рэцэптамі, а на майстар-класе са Станіславам Ботвіным вучыліся вырашаць канфлікты і выступаць у ролі медыятараў.

У Беластоку таксама адбылося шмат цікавага: студэнты трэніравалі памяць, увагу і мысленне, займаліся тэатрам і маляваннем, вышывалі новыя ўзоры, пашыралі слоўнікавы запас, а разынкай тыдня стала сустрэча з журналістам і краязнаўцам Русланам Кулевічам.

Ва Уроцлаве на мінулым тыдні скончыліся заняткі курса па генеалогіі з Людмілай Уладысік, удзельнікі ацанілі яго карыснасць і натхненне. Таксама прайшлі заняткі па бібліятэрапіі і гісторыі, а творчы майстар-клас па шыцці птушак натхніў усіх яго ўдзельніц.

Гданьск: на мінулым тыдні скончыўся курс Галіны Самойлавай «Жыць з радасцю і не хварэць», студэнты атрымалі карысныя веды і ўжо ўжываюць іх у жыцці. На занятках беларускай мовы з Юрасём Каласоўскім вывучалі новыя словы, трэніравалі творчыя здольнасці і ўзгадалі беларускіх паэтаў і пісьменнікаў. У курсе «Чароўны свет мастацтва» скончылі малюнкі кветак і пазнаёміліся з тэхнікай манатыпія.

Ініцыятыву падтрымлівае Fundusz Obywatelski im. Ludwiki i Henryka Wujców

#УЗВ #узвваршава #узвгданьск #узвбеласток #узвуроцлаў