Ara86Ali

ئەگەر ژمارەی باجی یۆنانیت هەیە، پێویستە پێش ٢٦ی مانگی ٦/ ٢٠٢٤ بەیاننامەی باجەکەت ئەنجام بدەیت

ژمارەی باجی یۆنانی (AFM) بە شێوەیەکی ئۆتۆماتیکی دەدرێت بە هەموو پەناخوازان لە سەرەتای ڕێکارەکانیاندا. بۆیە نزیکەی هەموو ئەو پەناخوازانە و ئەو کەسانەی کە بڕیاری پەنابەری ئەرێنییان وەرگرتووە، پێویستە خاوەنی ژمارەیەکی باجی یۆنانی بن. هەر کەسێک ژمارەی باجی یۆنانی (AFM)ی هەیە، پێویستە پێش ٢٦ی تەمموزی ٢٠٢٤ بەیاننامەی باج بۆ ساڵی ٢٠٢٣ بدات.

چەند هۆکارێک هەیە کە گرنگە پێش وادەی دیاریکردنی باج بەیاننامەی باج ئەنجام بدرێت. بۆ نموونە ئەگەر تۆ بەیاننامەی باجەکەت لە کاتی خۆیدا پێشکەش نەکەیت، ناتوانیت داوای هەندێک یارمەتی لە دەوڵەت بکەیت، وەک، بۆ نموونە، داهاتی هاوپشتی کۆمەڵایەتی (SSI)، یان هەندێک دەرماڵەی دیکە وەک دەرماڵەی خێزان. SSI بەرنامەیەکی پاڵپشتی داراییە لە دەوڵەتی یۆنان بۆ ئەو کەسانەی لە ژێر هێڵی هەژاریدان، کە بۆ ئەو کەسانەش دەستڕاگەیشتنیان هەیە کە دۆخی پەنابەرییان وەرگرتووە (بەڵام بۆ پەناخوازان نا). ئەگەر بەیاننامەی باجت لە کاتی خۆیدا پێشکەش نەکردبێت، ناتوانیت بچیتە ناو SSI.

هەروەها ئەگەر بتەوێت داوای ئیقامەی درێژخایەن یان ڕەگەزنامەی یۆنانی بکەیت یان پەنابەرێکی دانپێدانراو بیت و دوای وادەی ٣ مانگ داوای یەکگرتنەوەی خێزانی ئەندامانی خێزانەکەت بکەیت. لە هەموو ئەم حاڵەتانەدا پێویستە بیسەلمێنیت کە داهاتی دارایی تەواوت هەیە بۆ ئەوەی شایستەی وەرگرتنی مۆڵەتی مانەوەی درێژخایەن، ڕەگەزنامەی یۆنانی یان هێنانی ئەندامانی خێزانەکەت بیت. تاکە ڕێگە بۆ سەلماندنی داهاتی پێویست لەم ڕێکارانەدا، پێشکەشکردنی بەیاننامەی باج لە وادەی دیاریکراودا.

ئەگەر لە ساڵی ٢٠٢٣ هەر داهاتێکت وەرگرتبێت، بۆ نموونە ئەگەر کارت کردبێت، لە هەندێک حاڵەتدا دەبێت غەرامە بەلایەنی کەمەوە ١٠٠ یۆرۆ بکەیت ئەگەر لە کاتی خۆیدا باجەکانت ڕانەگەیەنیت. تەنانەت ئەگەر بە پێویستی نەزانیت ئێستا بەیاننامەی باج دەربکەیت، ئێمە بە توندی پێشنیار دەکەین کە هێشتا یەکێکیان بکەیت لە ئەگەری سەرهەڵدانی دۆخێک لە داهاتوودا کە سوودێکی زۆرت لێ وەربگرێت ئەگەر لە ڕابردوودا بەیاننامەی باجی ساڵانەت ئەنجامدابێت.

بیرۆکەیەکی باشە کە داوای یارمەتی بکەیت بۆ پێشکەشکردنی بەیاننامەی باج. دەتوانیت ژمێریارێکی یۆنانی بەکرێ بگرێت، کە تێچووی نزیکەی ٣٠ یۆرۆ دەبێت. یانیش هەندێک ڕێکخراو هەن کە پشتگیری بێبەرامبەر پێشکەش دەکەن بۆ پێشکەشکردنی بەیاننامەی باجەکەت. دەتوانن لێرە بیاندۆزنەوە:

سالۆنیکی: سەنتەری بلؤ رێفیوجی. تکایە چاوپێکەوتن لە ڕێگەی ئیمەیڵ یان تەلەفۆنەوە ڕێکبخە. زانیاری زیاتر و زانیاری پەیوەندی لێرە (تەنها بە زمانی ئینگلیزی): https://greece.refugee.info/en-us/services/361

ئەسینای پایتەخت: سەنتەری هاوپشتی ئەسینای پایتەخت. تکایە چاوپێکەوتن لە ڕێگەی ئیمەیڵ یان تەلەفۆنەوە ڕێکبخە. زانیاری زیاتر و زانیاری پەیوەندی لێرە (تەنها بە زمانی ئینگلیزی): https://greece.refugee.info/en-us/services/2635

ئەسینای پایتەخت: سەنتەری کۆمەڵایەتی ئەکشن ئاید هێلاس.
هیچ وەرگێڕێک لەبەردەستدا نییە، بۆیە تەنها ئەو کەسانەی کە بە زمانی ئینگلیزی یان یۆنانی قسە دەکەن یان وەرگێڕی خۆیان دەهێنن دەتوانن دەستیان بە خزمەتگوزارییەکانیان بگات. بۆ ڕێکخستنی کات، تکایە لە ڕۆژانی چوارشەممە یان هەینی لە نێوان کاتژمێر ٩ی بەیانی تا ١٠.٣٠ی بەیانی پەیوەندی بکەن بەم ژمارەیەی خوارەوە:
2155557345

هەر پرسیارێکتان هەیە لەسەر ئەم بابەتە یان هەر بابەتێکی تر دەتوانن لە فەیسبووک مەسنجەر نامەیەکمان بۆ بنوسن یان لە ڕێگەی واتس ئەپەوە نامەیەکی دەنگی یان کورتەنامەمان بۆ بنێرن. تکایە پەیوەندی مەکەن، چونکە ئێمە ناتوانین وەڵامی پەیوەندییەکان بدەینەوە. لێرەدا تێڕوانینێکی گشتی بۆ ژمارەی هێڵی گەرمی واتسئەپەکەمان دەخەینەڕوو:
عەرەبی: 2535 222 694 30+
فارسی: 8922 228 694 30+
ئوردو: 5104 828 694 30+
ئینگلیزی: 5026 828 694 30+
فەرەنسی/کوردی: 5102ئەگەر ژمارەی باجی یۆنانیت هەیە، پێویستە پێش ٢٦ی مانگی ٦/ ٢٠٢٤ بەیاننامەی باجەکەت ئەنجام بدەیت

ژمارەی باجی یۆنانی (AFM) بە شێوەیەکی ئۆتۆماتیکی دەدرێت بە هەموو پەناخوازان لە سەرەتای ڕێکارەکانیاندا. بۆیە نزیکەی هەموو ئەو پەناخوازانە و ئەو کەسانەی کە بڕیاری پەنابەری ئەرێنییان وەرگرتووە، پێویستە خاوەنی ژمارەیەکی باجی یۆنانی بن. هەر کەسێک ژمارەی باجی یۆنانی (AFM)ی هەیە، پێویستە پێش ٢٦ی تەمموزی ٢٠٢٤ بەیاننامەی باج بۆ ساڵی ٢٠٢٣ بدات.

چەند هۆکارێک هەیە کە گرنگە پێش وادەی دیاریکردنی باج بەیاننامەی باج ئەنجام بدرێت. بۆ نموونە ئەگەر تۆ بەیاننامەی باجەکەت لە کاتی خۆیدا پێشکەش نەکەیت، ناتوانیت داوای هەندێک یارمەتی لە دەوڵەت بکەیت، وەک، بۆ نموونە، داهاتی هاوپشتی کۆمەڵایەتی (SSI)، یان هەندێک دەرماڵەی دیکە وەک دەرماڵەی خێزان. SSI بەرنامەیەکی پاڵپشتی داراییە لە دەوڵەتی یۆنان بۆ ئەو کەسانەی لە ژێر هێڵی هەژاریدان، کە بۆ ئەو کەسانەش دەستڕاگەیشتنیان هەیە کە دۆخی پەنابەرییان وەرگرتووە (بەڵام بۆ پەناخوازان نا). ئەگەر بەیاننامەی باجت لە کاتی خۆیدا پێشکەش نەکردبێت، ناتوانیت بچیتە ناو SSI.

هەروەها ئەگەر بتەوێت داوای ئیقامەی درێژخایەن یان ڕەگەزنامەی یۆنانی بکەیت یان پەنابەرێکی دانپێدانراو بیت و دوای وادەی ٣ مانگ داوای یەکگرتنەوەی خێزانی ئەندامانی خێزانەکەت بکەیت. لە هەموو ئەم حاڵەتانەدا پێویستە بیسەلمێنیت کە داهاتی دارایی تەواوت هەیە بۆ ئەوەی شایستەی وەرگرتنی مۆڵەتی مانەوەی درێژخایەن، ڕەگەزنامەی یۆنانی یان هێنانی ئەندامانی خێزانەکەت بیت. تاکە ڕێگە بۆ سەلماندنی داهاتی پێویست لەم ڕێکارانەدا، پێشکەشکردنی بەیاننامەی باج لە وادەی دیاریکراودا.

ئەگەر لە ساڵی ٢٠٢٣ هەر داهاتێکت وەرگرتبێت، بۆ نموونە ئەگەر کارت کردبێت، لە هەندێک حاڵەتدا دەبێت غەرامە بەلایەنی کەمەوە ١٠٠ یۆرۆ بکەیت ئەگەر لە کاتی خۆیدا باجەکانت ڕانەگەیەنیت. تەنانەت ئەگەر بە پێویستی نەزانیت ئێستا بەیاننامەی باج دەربکەیت، ئێمە بە توندی پێشنیار دەکەین کە هێشتا یەکێکیان بکەیت لە ئەگەری سەرهەڵدانی دۆخێک لە داهاتوودا کە سوودێکی زۆرت لێ وەربگرێت ئەگەر لە ڕابردوودا بەیاننامەی باجی ساڵانەت ئەنجامدابێت.

بیرۆکەیەکی باشە کە داوای یارمەتی بکەیت بۆ پێشکەشکردنی بەیاننامەی باج. دەتوانیت ژمێریارێکی یۆنانی بەکرێ بگرێت، کە تێچووی نزیکەی ٣٠ یۆرۆ دەبێت. یانیش هەندێک ڕێکخراو هەن کە پشتگیری بێبەرامبەر پێشکەش دەکەن بۆ پێشکەشکردنی بەیاننامەی باجەکەت. دەتوانن لێرە بیاندۆزنەوە:

سالۆنیکی: سەنتەری بلؤ رێفیوجی. تکایە چاوپێکەوتن لە ڕێگەی ئیمەیڵ یان تەلەفۆنەوە ڕێکبخە. زانیاری زیاتر و زانیاری پەیوەندی لێرە (تەنها بە زمانی ئینگلیزی): https://greece.refugee.info/en-us/services/361

ئەسینای پایتەخت: سەنتەری هاوپشتی ئەسینای پایتەخت. تکایە چاوپێکەوتن لە ڕێگەی ئیمەیڵ یان تەلەفۆنەوە ڕێکبخە. زانیاری زیاتر و زانیاری پەیوەندی لێرە (تەنها بە زمانی ئینگلیزی): https://greece.refugee.info/en-us/services/2635

ئەسینای پایتەخت: سەنتەری کۆمەڵایەتی ئەکشن ئاید هێلاس.
هیچ وەرگێڕێک لەبەردەستدا نییە، بۆیە تەنها ئەو کەسانەی کە بە زمانی ئینگلیزی یان یۆنانی قسە دەکەن یان وەرگێڕی خۆیان دەهێنن دەتوانن دەستیان بە خزمەتگوزارییەکانیان بگات. بۆ ڕێکخستنی کات، تکایە لە ڕۆژانی چوارشەممە یان هەینی لە نێوان کاتژمێر ٩ی بەیانی تا ١٠.٣٠ی بەیانی پەیوەندی بکەن بەم ژمارەیەی خوارەوە:
2155557345

هەر پرسیارێکتان هەیە لەسەر ئەم بابەتە یان هەر بابەتێکی تر دەتوانن لە فەیسبووک مەسنجەر نامەیەکمان بۆ بنوسن یان لە ڕێگەی واتس ئەپەوە نامەیەکی دەنگی یان کورتەنامەمان بۆ بنێرن. تکایە پەیوەندی مەکەن، چونکە ئێمە ناتوانین وەڵامی پەیوەندییەکان بدەینەوە. لێرەدا تێڕوانینێکی گشتی بۆ ژمارەی هێڵی گەرمی واتسئەپەکەمان دەخەینەڕوو:
عەرەبی: 2535 222 694 30+
فەرەنسی/کوردی: 5102 828 694 30+

Kurdish version

Thank you to everyone who participated in this beautiful project.

Crafting our dream house: Refugee Children Building a House Model from Recyclable Materials This is "Crafting our dream house: Refugee Children Building a House Model from Recyclable Materials" by DRC Dansk Flygtningehjælp on Vimeo, the…

خزمەتگوزارییەکانی پڕۆژەی هێلیۆس کە پشتگیری ئەو کەسانە دەکات کە بڕیاری ئەرێنی پەنابەرییان وەرگرتووە، سەرلەنوێ دەستی پێکردەوە

پڕۆژەی هێلیۆس یەکێکە لەو ئەگەرە کەمانەی بۆ ئەو کەسانەی کە بڕیاری ئەرێنییان بۆ پەنابەری وەرگرتووە بۆ وەرگرتنی پشتیوانی بۆ یارمەتیدانیان بۆ تێکەڵبوون بە کۆمەڵگەی یۆنان. پڕۆژەی هێلیۆس یارمەتی کرێ و پۆلی زمانی یۆنانی و خولی دامەزراندن پێشکەش دەکات. بەڵام لە مانگی ئۆکتۆبەری ساڵی ڕابردووەوە پڕۆژەی هێلیۆس ڕاگیرابوو، چونکە پارەدان بۆ پڕۆژەکە لەلایەن حکومەتی یۆنان پەسەند نەکرابوو. ئێستا پارەی بەردەوامی پڕۆژەکە پەسەند کراوە و وردە وردە هەموو خزمەتگوزارییەکانی پروگرامی هێلیۆس دووبارە بەردەست دەبنەوە.

بەڵام ڕەنگە کاتێکی زۆری پێبچێت تا هەموو خزمەتگوزارییەکانی پروگرامی هێلیۆس بگەڕێندرێنەوە. ئەگەر تۆ پێشتر سودمەندی پڕۆژەی هێلیۆس یت و شایستەی یارمەتییەکانی کرێ بیت، ئێستا پێویستە بتوانیت لە شوباتی ٢٠٢٤ بەدواوە بڕی تەواوی یارمەتییەکانی کرێ وەربگریت. لە ئەگەری هەر پرسیارێک یان نیگەرانییەکتان هەبیت سەبارەت بە پارەدانەکان لە کاتی ڕاگرتنی پڕۆژەکەدا (لە نێوان مانگی دەهی ٢٠٢٣ ومانگی یەکی ٢٠٢٤)، تکایە ڕاستەوخۆ پەیوەندی بە پڕۆژەی هێلیۆسەوە بکەن بۆ زانیاری زیاتر. لە خوارەوە دەتوانن وردەکارییەکان بدۆزنەوە کە چۆن دەستیان پێ بگات.

ئێستا دەتوانرێت جارێکی تر ناوت تۆمار بکرێت لە پڕۆژەی هێلیۆس. ئەگەر بڕیارێکی ئەرێنی پەنابەریت وەرگرتووە و دەتەوێت ناوت تۆمار بکەیت لە پڕۆژەکەدا، تکایە پەیوەندی بە هێلیۆسەوە بکە. بەڵام ئاگاداربن بەهۆی ماوەی درێژخایەنی ڕاگرتنەکە پاشەکەوتی ئەو کەسانە هەیە کە ئارەزووی ناو تۆمارکردن دەکەن. ئەمەش ڕەنگە ببێتە هۆی دواکەوتنی پرۆسەی ناونوسکردن. بۆ پەیوەندیکردن بە پرۆژەی هێلیۆس، تکایە پەیوەندی بکەن یان نامەیان بۆ بنێرن لە واتسئەپ یان تێلێگرام لە کاتژمێر ٩:٠٠ - ١٥:٠٠ لە نێوان دووشەممە و هەینی:
8980 986 690 30+ ئینگلیزی - فەرەنسی - ئۆکرانی - یۆنانی
6134 665 690 30+ عەرەبی
6107 695 690 30+ سۆرانی-کرمانجی-تورکی
6125 665 690 30+ فارسی-پاشتۆ - ئۆردو - هیندی - پەنجابی

ڕاگەیاندنی فەرمی سەبارەت بە درێژەی پڕۆژەی هێلیۆس:
https://greece.iom.int/helios-announcement-sorani

هەر پرسیارێکتان هەیە لەسەر ئەم بابەتە یان هەر بابەتێکی تر دەتوانن لە فەیسبووک مەسنجەر نامەمان بۆ بنوسن یان لە ڕێگەی واتس ئەپەوە پەیوەندیمان پێوە بکەن. لێرەدا تێڕوانینێکی گشتی بۆ ژمارەی هێڵی گەرمی واتسئەپەکەمان دەخەینەڕوو:
عەرەبی: 2535 222 694 30+
فارسی: 8922 228 694 30+
ئوردو: 5104 828 694 30+
ئینگلیزی: 5026 828 694 30+
فەرەنسی/کوردی: 5102 828 694 30+

Kurdish version
Arabic, Farsi, Urdu, French and English version can be found here: Mobile Info Team for refugees in Greece - الفريق المتنقل لمعلومات اللاجئين

پرسیارەکان سەبارەت بە نوێکردنەوەی مۆڵەتی نیشتەجێبوون/ ئيقامه: بۆچی ئەوەندە ماوە دەخایەنێت و دەتوانم پرۆسەکە خێراتر بکەم؟

پرۆسەی نوێکردنەوەی ئیقامە بۆ ئەو کەسانەی مافی پەنابەرییان وەرگرتووە دوو هەنگاوی جیاوازی هەیە: هەنگاوی یەکەم پێشکەشکردنی داواکارییە بۆ پشتڕاستکردنەوەی ئەگەر ڕێگەت پێدراوە مۆڵەتی نیشتەجێبوونت نوێ بکەیتەوە. ئەم داواکارییە بە شێوەی دیجیتاڵی پێشکەش دەکرێت بۆ یەکەیەکی پەنابەری لە ئەسینای پایتەخت کە بەرپرسیارە لە نوێکردنەوەی مۆڵەتی مانەوە بۆ هەموو ئەو کەسانەی کە مافی پەنابەرییان لە یۆنان وەرگرتووە. دوای ئەوەی ڕەزامەندی نوێکردنەوەت وەرگرت، هەنگاوی دووەم بریتییە لە داوای مۆڵەتی نیشتەجێبوونی ڕاستەقینە لە فەرمانگەی پاسپۆرت.

یەکەم هەنگاوی ڕێکارەکە بەداخەوە هەنگاوێکی زۆر درێژە. دەتوانێت ٦ مانگ و زیاتر بخایەنێت دوای ئەوەی لە ڕێگەی ئیمەیڵەوە داواکاریت پێشکەش کرد بۆ نوێکردنەوە تا وەڵامێک لە یەکەی پەنابەرییەوە وەردەگریت. هۆکاری ئەمەش ئەوەیە کە یەکەی پەنابەری بەرپرسیار پشکنینی پاشخانی بۆ هەموو حاڵەتێک ئەنجام دەدات بۆ ئەوەی بزانرێت ئایا دەتوانرێت نوێکردنەوەی مۆڵەتی ئیقامە پەسەند بکرێت یان نا. پرۆسەکە زۆر کات دەخایەنێت و یەکەی پەنابەری کارمەندی پێویستی نییە بۆ ئەوەی لە کاتی خۆیدا مامەڵە لەگەڵ بڕی داواکارییەکان بکات. بەهۆی ئەو دواکەوتنانە و لەبەرئەوەی غەرامە بۆ هەر کەسێک هەیە کە داوای نوێکردنەوەی مۆڵەتی مانەوەیان دەکات کەمتر لە 30 ڕۆژ پێش بەسەرچوونی مۆڵەتەکەی، واباشە بەلایەنی کەمەوە 3 مانگ پێش بەسەرچوونی مۆڵەتی نیشتەجێبوونەکەیان داوا بکات.

لە ئەنجامی دواکەوتنەکان، مۆڵەتی نیشتەجێبوون بۆ نزیکەی هەموو کەسێک بەسەر دەچێت پێش ئەوەی بتوانرێت نوێ بکرێتەوە. لەو حاڵەتانەی کە هۆکارێکی بەهێزی مرۆیی هەیە، ئەگەری ئەوە هەیە کە بە هاوکاری پارێزەر یان ڕێکخراوێکی یاسایی داوای پرۆسەی نوێبوونەوەی خێراتر بکرێت. هەرچەندە پێویستە هۆکاری بەهێز هەبن کە ڕەوایەتی بدەن بە یەکەمایەتیدان بە داواکاری نوێکردنەوەی مۆڵەتی نیشتەجێبوون. بۆ نموونە ئەمە دەتوانێت ئەوە بێت کە کەسێک پێویستی بە گەشتکردن بێت بۆ لای ئەندامێکی نزیک لە خێزانەکەی کە لاوازە یان نەخۆشە و لە وڵاتێکی دیکە دەمێنێتەوە. هۆکارێکی دیکە دەتوانێت ئەوە بێت کە بەپەلە پێویستت بە چارەسەری پزیشکی هەیە کە تەنها لە دەرەوەی یۆنان دەتوانرێت ئەنجام بدرێت. ئەم جۆرە هۆکارانە پێویستە بە بەڵگەنامەی پەیوەندیدار پشتڕاست بکرێنەوە. لە ئەگەری ئەوەی پێت وایە هۆکارێکت هەیە بۆ ئەوەی داواکاری نوێکردنەوەکەت لە پێشینەدا بێت، تکایە پەیوەندی بە ڕێکخراوێکی یاسایی یان پارێزەرێکەوە بکە.

لە ئەگەری تەواوبوونی مۆڵەتی نیشتەجێبوونەکەت یان پێشتر بەسەرچوو، دەتوانیت داوای بڕوانامەیەک بکەیت کە تێیدا ئاماژە بەوە بکات کە تۆ لە پرۆسەی نوێکردنەوەدایت. دەتوانن بە شێوەی ئۆنلاین داواکاری پێشکەش بکەن بۆ ئەم بڕوانامەیە لە ڕێگەی ئەم لینکەی خوارەوە:
https://applications.migration.gov.gr/apps/type-8-applications/create.

دەتوانیت زمانێکی جیاواز هەڵبژێریت لەسەر سێگۆشە بچووکەکەی سەرەوە لە لای ڕاست. تکایە وردەکارییەکانتان بە وردی پڕبکەنەوە کە چۆن لەسەر بڕیاری پەنابەریتان نووسراون و دڵنیابن لە پێدانی ناونیشانی ئیمەیڵێکی دروست. لە خوارەوە، تکایە بۆکسی دووەم تیک بکە کە تێیدا نووسراوە "کە پشتگیرنامەم پێ بدەن کە تێیدا ئاماژەکرابێت کەوا من داواکاریم کردوە بۆ نوێکردنەوەی موڵەتنامەی مانەوەم ئیقامەکەم". دوای چەند ڕۆژێک، پێویستە دواتر ئیمەیڵێکتان پێ بگات کە بەیاننامەیەکتان تێدا بێت و تیایدا هاتووە کە چاوەڕێی نوێکردنەوەی مۆڵەتی مانەوەت دەکەن. ئەم لێدوانە یارمەتیدەر دەبێت بۆ سەلماندنی یاسایی بوونی مانەوەت لە یۆنان لەبەردەم پۆلیس یان دەسەڵاتدارانی تری یۆنان. بەڵام ڕێگەت پێنادات گەشت بکەیت بۆ دەرەوەی یۆنان.

لەو ماوەیەی کە مۆڵەتی نیشتەجێبوونەکەت بەسەر دەچێت تا نوێ دەکرێتەوە، بەداخەوە ناتوانیت گەشت بکەیت بۆ دەرەوەی یۆنان، چونکە بۆ ئەمەش مۆڵەتی نیشتەجێبوونی کارا پێویستە. لە ئەگەری هەر کێشەیەک لەگەڵ خاوەنکارەکەت بەهۆی تەواوبوونی مۆڵەتی مانەوەت، تکایە پەیوەندی بە ڕێکخراوێکی یاسایی یان پارێزەرێکەوە بکە بۆ وەرگرتنی ئامۆژگاری زیاتر.

Kurdish version

ئەگەر پاسپۆرت یان ناسنامەیەکی ساختە بەکاربهێنیت، ڕێگەت پێنادرێت بەڵگەنامەی گەشتکردن وەربگریت

لە ئەگەری وەرگرتنی پۆستی پەنابەری لە یۆنان یان لە ئەگەری وەرگرتنی پاراستنی لاوەکی و بە شێوەیەکی بابەتیانە نەتوانیت پاسپۆرت لە وڵاتی ڕەسەنەکەت وەربگریت، دەتوانیت داوای بەڵگەنامەی گەشت بکەیت لە دەسەڵاتدارانی یۆنان. بەم بەڵگەنامەیەی گەشتکردن و مۆڵەتی نیشتەجێبوونی کارا دەتوانیت بە شێوەیەکی یاسایی گەشت بکەیت بۆ وڵاتانی دیکە، یان بە ڤیزا یان بەبێ ڤیزا، بەپێی پێداویستییەکانی ئەو وڵاتەی کە حەز دەکەیت گەشت بکەیت بۆی.

بەڵام هەندێک بارودۆخ هەن کە ڕێگەت پێنادرێت بەڵگەنامەی گەشتکردن وەربگریت، هەرچەندە تۆ دۆخی پەنابەری یان پاراستنی لاوەکیت وەرگرتووە. ئەگەر لە کۆتاییدا تۆ سزا دراویت بۆ نموونە بەهۆی ساختەکردنی بەڵگەنامەکان یان بەکارهێنانی بەڵگەنامەی ساختە (وەک پاسپۆرت، ناسنامە یان مۆڵەتی نیشتەجێبوون) یان تۆ ڕاگەیاندنێکی هەڵەت کردووە لە لەدەستدان یان دزینی مۆڵەتی نیشتەجێبوون یان بەڵگەنامەی گەشتەکەت ، ناتوانیت بەڵگەنامەی گەشت وەربگریت بۆ ماوەی 5 ساڵ دوای سزادانی کۆتایی.

واتە بۆ نموونە ئەگەر لە کاتی هەوڵدان بۆ بەجێهێشتنی یۆنان بە بەکارهێنانی پاسپۆرتی ساختە گیراویت و لەلایەن دادگای یۆنانەوە لەسەر ئەم کارە سزا دراویت، ئەوا بۆ ماوەی ٥ ساڵ ناتوانیت بەڵگەنامەی سەفەرت هەبێت. هەمان شت دەگونجێت ئەگەر تۆ گیراویت کە مۆڵەتی نیشتەجێبوون یان بەڵگەنامەی گەشتەکەت دەفرۆشیت دوای ئەوەی بە ونبوو یان دزراو ڕاتگەیاند. بەداخەوە هیچ ئەگەرێک نییە بۆ وەرگرتنی ئەم قەدەغەیەی هەڵگرتنی بەڵگەنامەی گەشتکردن دوای سزادانی کۆتایی، و بۆیە دەبێت چاوەڕێ بکەیت تا ماوەی 5 ساڵەکە تەواو دەبێت پێش ئەوەی بتوانیت بەڵگەنامەی گەشتکردن وەربگریت.

هەروەها ناتوانیت بەڵگەنامەی گەشت وەربگریت لە ئەگەری تۆمەتبارکردنت بە یەکێک لەو تاوانانەی کە لە سەرەوە ئاماژەیان پێکراوە و هێشتا دۆسیەی دادگاکەت هەڵپەسێردراوە. لە ئەگەری ئەوەی کە دادگاییکردنێکی هەڵپەسێردراوت هەبێت، بەزۆری یارمەتیدەرە کە پارێزەرێک یارمەتیت بدات لە دادگاییکردنەکەدا، چونکە ئەمە ڕەنگە یارمەتیدەر بێت بۆ ئەوەی سزاکە کەمتر بێتەوە.

هەروەها هەندێک تاوانی دیکەش هەن کە وا دەکەن کە ئەگەر لە کۆتاییدا سزا دراویت یان ئەگەر دادگاییکردنێک لە دژی تۆ پەیوەست بە یەکێک لەم تاوانانە هەڵپەسێردراو بێت، ناتوانرێت بەلایەنی کەمەوە بۆ ماوەی ٥ ساڵ بەڵگەنامەی گەشتکردن وەربگریت. نموونەی ئەم تاوانانە بریتین لە:
-تاوانە توندەکانی وەک کردەوەی تیرۆریستی، بەشێک بوون لە ڕێکخراوێکی تاوانکاری، ڕفاندن، بازرگانیکردن بە مرۆڤ یان ڕفاندنی منداڵان،
-ئاسانکاری بۆ چوونە ژوورەوەی نایاسایی یان مانەوەی نایاسایی کەسانێک بۆ یۆنان یان لە یۆنان (قاچاخکردنی خەڵک بە شێوەیەکی نایاسایی بۆ یۆنان).
سەرەڕای ئەوە، ئەگەر لە وڵاتێکی دیکەی ئەندامی یەکێتی ئەوروپا بۆ یۆنان دیپۆرت کراویتەوە یان ئەگەر فەرمانی دەستگیرکردن هەبێت چونکە لەوانەیە تاوانێکت ئەنجامدابێت، هەروەها ناتوانیت بەڵگەنامەی گەشتکردن وەربگریت.

Kurdish version

زۆر سوپاس بۆ DRC بۆ ئەو کارانەی بەیەکەوە کردمان
بۆمن جێگای شانازیی بوو کاتێک دەم بینی منداڵان دڵخۆش بوون بە کارەکانی DRC و ئێمە لە بواری پەروەردە!!

لە یوتوب بینەرمان بن

خێرا ترین ڕێگە بۆ گەیشتن بە کەندا لە ڕێگەی پرۆگرامی (FSWP) Federal skilled worker program خێرا ترین ڕێگە بۆ گەیشتن بە کەندا لە ڕێگەی پرۆگرامیhttps://canadianvisa.org/canada-immigration/express-entry

مەرجەکانی وەرگرتنی مۆڵەتی نیشتەجێبوون بۆ ئەو کەسانەی کە لانیکەم حەوت ساڵە لە یۆنان بوون لە 1ی مانگي ١ى 2024ەوە دەگۆڕدرێن

ئەگەر مۆڵەتی نیشتەجێبوونت نییە و حەوت ساڵ یان زیاتر لە یۆنان مایتەوە و دەتوانیت بە بەڵگەنامەکان بیسەلمێنیت، دەتوانیت بە هۆکاری ناوازە شایستەی وەرگرتنی مۆڵەتی نیشتەجێبوون بیت. زۆر گرنگە بۆ هەموو ئەوانەی پێش 1ی 1ی 2017 گەیشتوونەتە وڵاتی یۆنان و مۆڵەتی ئیقامەیان نییە پەیوەندی بە پارێزەر یان ڕێکخراوێکی یاساییەوە بکەن، چونکە یاساکە لە مانگی یەکی ساڵی 2024 دەگۆڕێت، یاسا نوێیەکە مەرجەکانی داواکاری بۆ دەگۆڕێت ئەم جۆرە مۆڵەتی نیشتەجێبوونە، بەو مانایەی کە لە 1ی مانگی یەکی 2024 بەدواوە چیتر ناتوانرێت ئەو ماوەیەی کە کەسێک لە ڕێکاری پەنابەریدا بووە بۆ حیسابی حەوت ساڵەکە بخرێتە ناوەوە.

ئەمەش بەو مانایەیە کە هەرکەسێک پێش ١ی مانگی یەکی ٢٠١٧ گەیشتبێت و داوای مافی پەنابەری کردبێت، بۆ ماوەیەک، ناتوانێت بە پاساوی ناوازە لە دوای ١ی ١ی ٢٠٢٤ داوای ئیقامە بکات پەیوەندی بە ڕێکخراوێکی یاسایی یان پارێزەرێکەوە بکە بۆ گفتوگۆکردن لەوەی کە ئایا بە شێوەیەکی واقیعی لە کەیسی تاکەکەسی خۆتدا دەتوانرێت داوای مۆڵەتی نیشتەجێبوون بکەیت بە هۆکاری ناوازە یاخود نا. هەروەها دەتوانن پەیوەندیمان پێوە بکەن، تیمی زانیاری مۆبایل، لەژێر ژمارەکانی واتسئەپ کە لە خوارەوە نووسراون. تکایە ئاگاداربن ئەگەر مۆڵەتی مانەوەت هەیە (چونکە بۆ نموونە مافی پەنابەریت وەرگرتووە)، ئەوا هیچ سوودێک نییە بۆ داوای مۆڵەتی نیشتەجێبوون بە هۆکاری ناوازە. ئەمەش لەبەر ئەوەیە کە مۆڵەتی ئیقامە بۆ پەنابەری مافی بەهێزتر لە ئیقامە بە هۆکاری ناوازە دەدات.

هەرکەسێک لەدوای 1ی 1ی 2017 گەیشتووە و داوای مافی پەنابەری کردووە، دەبێت چاوەڕێی بڕیاری وەزارەتی کۆچ و پەنابەری بکات بۆ ئەوەی بە وردی ڕوون بێتەوە کە یاساکە چۆن جێبەجێ دەکرێت. هەر کە ئەم بڕیارە وەزارییە دەرچوو و چی دەڵێت ئاگادارتان دەکەینەوە. بۆ ئێستا تەنها دەتوانرێت ئەوە بڵێین کە هەموو ئەو کەسانەی لە ساڵی ٢٠١٧ گەیشتوون و داوای مافی پەنابەرییان کردووە، ڕاستەوخۆ ناتوانن بە پاساوی ناوازە داوای مۆڵەتی ئیقامە بکەن دوبارە بەو پێیەی ئەو ماوەیەی کە لە ڕێکاری پەنابەریدا بوون، چیتر ماوەی ٧ ساڵەکە حیساب نابێت بۆیان.

شتە گرنگەکان کە پێویستە بزانرێت سەبارەت بە تورکیا وەک وڵاتێکی سێیەمی سەلامەت و چاوپێکەوتنی تورکیا

لە مانگی حوزەیرانی 2021 یۆنان تورکیای وەک وڵاتێکی سێیەمی سەلامەت بۆ هەموو داواکارانی پەنابەری لە سووریا، ئەفغانستان، پاکستان، بەنگلادیش و سۆماڵ ناساند. لەم پۆستەدا هەوڵ دەدەین ڕوونی بکەینەوە کە ئەمە بۆ ئێوە چی دەگەیەنێت ئەگەر دەتەوێت یان داوای پەنابەریتان کردووە و چ شتێک گرنگە بۆ ئەوەی پێی دەوترێت “چاوپێکەوتنی تورکیا”.

داواکارانی پەنابەری لە سوریا، ئەفغانستان، پاکستان، بەنگلادیش و سۆماڵەوە چاوپێکەوتنێکی قبوڵنەکردنیان دەبێت (ئەوەی پێی دەوترێت "چاوپێکەوتنی تورکیا")، کە تێیدا دەتوانن ڕوونی بکەنەوە بۆچی لە حاڵەتی تایبەتی خۆیاندا تورکیا ناتوانرێت بە وڵاتێکی سێیەمی سەلامەت هەژمار بکرێت. بەپێی یاساکە، ئەگەر کەسێک لە تورکیا ڕووبەڕووی گۆشەگیری، زیانێکی گەورە یان مامەڵەی نامرۆڤانە یان بێ کەرامەت بووبێتەوە یان ڕووبەڕووی دەبێتەوە، ئەوا ناتوانرێت تورکیا وەک وڵاتێکی سێیەمی سەلامەت سەیر بکرێت. بەڵام ئەگەر تورکیا بە سەلامەت هەژمار بکرێت بۆ کەسێک لە سوریا، ئەفغانستان، پاکستان، بەنگلادیش یان سۆماڵ، دەکرێت ڕەت بکرێتەوە و فەرمانی گەڕانەوەیان بۆ تورکیا دەکرێت.

ئەم شتانەی خوارەوە گرنگ دەبن لە "چاوپێکەوتنی تورکیا"دا ئاماژەیان پێبکەیت، لە ئەگەری ئەوەی لە تورکیا ڕووبەڕوویان بووبیتەوە:
-ئەگەر سەر بە کەمینەیەک بیت کە مەترسی گۆشەگیری لەسەرە لە تورکیا،
-ئەگەر لە تورکیا دیپۆرت کراویتەوە یان پاڵت پێنراوە، سەرەڕای ئەوەی داوای پاراستنت کردووە،
-ئەگەر لە کاتی هەوڵدان بۆ چوونە ناو تورکیا پاڵت پێناوەتەوە،
-ئەگەر لە تورکیا ڕووبەڕووی هەر جۆرە ئیستغلالکردنێک، توندوتیژییەک بوویتەوە یان قوربانی بازرگانیکردن بوویت،
-ئەگەر تۆ لاوازیت و کێشەت هەبوو لە دەستڕاگەیشتن بە چاوەدێری تەندروستی یان پشتگیرییەکی دیکەی بەپەلەی پێویست،
-یان ئەگەر هەوڵت داوە سەرکەوتوو نەبووبێت داوای پاراستن بکەیت لە تورکیا.

لە ئەگەری ئەوەی کە هیچ سەلماندنێکتان هەبێت بۆ ئەوەی چیرۆکەکەت بسەلمێنێت، هەمیشە دڵنیابە لە هێنانی بۆ چاوپێکەوتنەکەت. سەرەڕای ئەوەش زۆر گرنگە بەرواری گەیشتنت بە یۆنان دیاری بکەیت. ئەگەر سەلماندت کە لە زیاتر لە ساڵێکەوە لە یۆنانیت، دڵنیابە لە پێشکەشکردنی بۆ خزمەتگوزاری پەنابەری. بەگشتی زەحمەتترە ڕەتت بکەیتەوە و فەرمانی گەڕانەوەت بکەیت بۆ تورکیا، لە ئەگەری ئەوەی زیاتر لە ساڵێک بوویت لە یۆنان.

تکایە ئاگاداربن زۆر گرنگە ڕاستگۆ بین لەگەڵ دەسەڵاتدا. ئەگەر هەر ناتەبایییەک یان ناجێگیرییەک لە چیرۆکەکەتدا بینرا، ئەگەری زۆرە کە داواکاری پەنابەریت ڕەت بکرێتەوە. باشتر وایە پشتگیری و ئامادەکاری بۆ "چاوپێکەوتنی تورکیا" وەربگریت، بۆ ئەوەی دڵنیا بیت لەوەی کە دەتوانیت هەموو هۆکارەکان بخەیتەڕوو کە بۆچی تورکیا سەلامەت نییە بۆت بە باشترین شێوە.

لە ئەگەری ڕەتکردنەوەت لەبەر ئەوەی بڕیارە تورکیا وڵاتێکی سێیەمی سەلامەت بێت بۆت، فەرمانی گەڕانەوەت بۆ تورکیا دەکرێت. بەڵام ئەمە تا ئێستا هیچ کاریگەرییەکی پراکتیکی نییە، چونکە تورکیا لە مانگی ئازاری ٢٠٢٠. ەوە هیچ گەڕانەوەیەکی لە یۆنانەوە قبوڵ نەکردووە. لە ئەگەری ڕەتکردنەوەت و نەتوانیت زیاتر تانە لە ڕەتکردنەوەکە بدەیت، دەتوانیت داواکارییەکی دواتر پێشکەش بکەیت، هەر کە لانیکەم لە ساڵێکەوە لە یۆنان بوویت. بۆ پشتگیری زیاتر هەمیشە دڵنیابە لە پەیوەندیکردن بە پارێزەرێک یان ڕێکخراوێکی یاسایی.

Kurdish version

شتە گرنگەکان کە دەبێت بزانیت دەربارەی چاوپێکەوتنی پەنابەریت

لە چاوپێکەوتنی پەنابەریدا، چانسی ئەوەت هەیە ئەو هۆکارانە ڕوون بکەیتەوە کە ناچاری کردی وڵاتی ڕەسەنت بەجێبهێڵیت و بۆچی ناتوانیت بگەڕێیتەوە. چاوپێکەوتنی مافی پەنابەری گرنگترین هەنگاوی داواکاری مافی پەنابەرێتی تۆیە، چونکە ئەو زانیاریانەی کە لە چاوپێکەوتنەکەتدا پێشکەشی دەکەیت، دیاری دەکات کە ئایا مافی پەنابەریت لە یۆنان پێدەدرێت یان نا.

تەنها ئەو کەسانەی دەتوانن لە چاوپێکەوتنی پەنابەریدا بە شێوەیەکی باوەڕپێکراو نیشانی بدەن کە بەهۆی گۆشەگیری، شەڕ، زیانێکی گەورە یان ئەشکەنجەدان لە وڵاتی ڕەسەنی خۆیان هەڵاتوون، دەتوانن مافی پەنابەری وەربگرن. بۆیە زۆر گرنگە خۆت بۆ چاوپێکەوتنەکە ئامادە بکەیت و کاتێکی چاوپێکەوتنەکەت لەدەست نەدەیت. لە چاوپێکەوتنەکەدا پێویستە تا دەتوانیت بە ڕاستی وەڵامی هەموو ئەو پرسیارانە بدەیتەوە کە لێت دەکرێت.

بەهۆی گرنگی چاوپێکەوتنی پەنابەری زۆر باشترە پێشتر ئامادەکاری بۆ بکرێت. تا بتوانیت بە وردی باسی ئەو ڕووداوانە بکەیت کە بوونەتە هۆی ئەوەی وڵاتی ڕەسەنەکەت بەجێبهێڵیت، چانسی ئەوە زیاترە کە دەزگای پەنابەری وەک باوەڕپێکراو حوکمت بدات. پێشتر دڵنیابە لەوەی زۆرترین وردەکاری هەبێت سەبارەت بەوەی چی ڕوویداوە، کەی ڕوویداو وە، کێ بەشدار بووە و هتد.. ئەگەر هەر بەڵگەیەکت هەیە بۆ پشتگیریکردنی چیرۆکەکەت، دڵنیابە کە بیهێنیتە چاوپێکەوتنی پەنابەریت. ئەمەش دەتوانێت بۆ نموونە بابەتەکانی ڕۆژنامە، وێنە، ڕاپۆرتی پزیشکی، فەرمانی دەستگیرکردن یان شتێکی هاوشێوە بێت.

دڵنیابە کە لە کاتی چاوپێکەوتنەکەدا دژایەتی خۆت نەکەیت یان ئەو زانیاریانەی کە پێشتر لە کاتی تۆمارکردنەکەتدا پێشکەشت کردووە، پێچەوانە نەبیتەوە. تا دەتوانیت ڕاستگۆبە و شتەکان دروست مەکە، چونکە ئەمە بە ئاسانی دەبێتە هۆی دژایەتی، ئەمەش زیان بە متمانەی کەیسەکەت دەگەیەنێت. ئەگەر شتێکت لەبیر نییە، دەتوانیت لە چاوپێکەوتنەکەتدا ئەوە بڵێیت.

ئەزموونەکان دەریانخستووە کە زۆرترین کاریگەرە کە یارمەتی پیشەیی وەربگریت لە کاتی ئامادەکاری بۆ چاوپێکەوتنی پەنابەریت. بۆیە زۆر پێشنیار دەکەین دەستت بگاتە ڕێکخراوێکی یاسایی یان پارێزەرێک بۆ داوای هاوکاری بۆ ئامادەکاری بۆ چاوپێکەوتنەکە.

تکایە ئاگاداربن کە بۆ هەندێک نەتەوەی دیاریکراو چاوپێکەوتنێکیش هەیە کە هەڵسەنگاندن بۆ ئەوە دەکات کە ئایا تورکیا دەتوانرێت بە وڵاتێکی سێیەمی سەلامەت بۆ ئەوان هەژمار بکرێت، ئەویش ئەو چاوپێکەوتنەی کە پێی دەوترێت "چاوپێکەوتنی تورکیا". لەم پۆستەدا دەتوانن زانیاری بدۆزنەوە لەسەر ئەوەی کە گرنگە بزانن سەبارەت بە “چاوپێکەوتنی تورکیا

هەر پرسیارێکتان هەیە لەسەر ئەم بابەتە یان هەر بابەتێکی تر دەتوانن لە فەیسبووک مەسنجەر نامەمان بۆ بنوسن یان لە ڕێگەی واتس ئەپەوە پەیوەندیمان پێوە بکەن. لێرەدا تێڕوانینێکی گشتی بۆ ژمارەی هێڵی گەرمی واتسئەپەکەمان دەخەینەڕوو:
عەرەبی: 2535 222 694 30+
فەرەنسی/کوردی: 5102 828 694 30+

Kurdish version and Arabic