31/03/2023
گورنمنٹ ہائیر سیکنڈری سکول تلمبہ میں سالانہ امتحانات 2023 کے نتائج کی شاندار تقریب۔
آج کی اس پروقار تقریب کا آغاز تلاوت کلام پاک اور نعت رسول مقبول سے ہوا۔ سربراہ ادارہ رانا غلام مصطفیٰ صاحب نے بچوں کو نئے سال کی کتب کی تقسیم اور جماعت نہم میں داخلہ کے حوالے سے رہنمائی کی۔ رانا غلام مصطفیٰ صاحب نے بچوں کو ہمیشہ سچ بولنے اور صبر سے کام لینے کی تلقین کی اور نبی کریم صلی اللہ علیہ وآلہ وسلم کی سیرت کے متعلق بتایا۔
سٹیج سیکرٹری کے فرائض عبد الشکور ڈوگر صاحب نے سرانجام دیئے اور علی شیر صاحب نے کنٹرولر انٹرنل امتحان گورنمنٹ ہائیر سیکنڈری سکول تلمبہ کی حیثیت سے تمام کلاسز کے نتائج کا فرداً فرداً اعلان کیا۔
پرنسپل ادارہ ہذا رانا غلام مصطفیٰ صاحب ، , گلزار ڈوگر صاحب ، شیخ جواہر محمود صاحب ندیم قادری صاحب،مہر ریاض صاحب ، سید قمر عباس شاہ صاحب اور مامون الرشید صاحب نے اول، دوم اور سوم پوزیشن حاصل کرنے والے طلبا میں انعامات تقسیم کیے۔
مڈل برانچ سے تمام انچارج کلاسز ڈاکٹر کامران مسعود صاحب ،رانا گلزار صاحب ،رانا اکبر صاحب،صداقت صاحب، مہر اللہ یار ساجد صاحب،رانا خالد سیف اللہ صاحب اور محمد ارسلان منظور صاحب نے شرکت کی۔
آخر میں رانا خالد سیف اللہ صاحب نے دعا کروائی ۔نیک تمناؤں اور ڈھیروں دعاؤں کے ساتھ بچوں کو رخصت کیا اور آنے والی تعلیمی سال کی بچوں کی کامیابی کے لیے تمام اساتذہ پر عزم نظر آئے اور بچوں کی آنے والی زندگی کے تعلیمی سال کی کامیابی کے لیے ڈھیروں دعائیں دیں۔
