02/11/2025
سوڈان میں کیا ہورہا ہے؟؟
سوڈان میں اس وقت سوڈانی آرمی SAF اور ریپڈ سپورٹ فورس یعنی RSF حالتِ جنگ میں ہیں۔ دونوں کی لڑائی نے ملک کو جہنم میں بدل دیا ہے۔ کئی شہر جل کر راکھ ہوگئے ، گاؤں تباہ اور بارہ ملین سے زائد لوگ بے گھر ہوچکے۔ مرنے والی نہتی عوام کی تعداد اس قدر کہ درست اعداد و شمار ابھی ممکن نہیں۔
سوڈانی آرمی کو مبینہ طور پر ترکی و مصر جبکہ ریپڈ فورس کو متحدہ عرب امارات سپورٹ کر رہا ہے۔
یوں یہ سونے کے ذخائر پر قبضے کی جنگ پراکسی میں بدل چکی ہے۔ اور اب اس جنگ میں RSF والے نہتے سوڈانیوں خصوصا غیر عربی قبائل کی نسل کشی پر اتر آئے ہیں۔
دارفر میں بدترین نسل کشی کے ساتھ اب غزہ کی ہی طرز پر سوڈان کا Alfasher سفاک ریپڈ فورس کے گھیرے بلکہ قبضے میں ہے۔ لاشیں سڑکوں پر پڑی گل سڑ رہی ہیں اور اندر موجود زندہ لوگ بھوک کے ہاتھوں غیر انسانی خوراک کھانے پر مجبور ہیں۔
شدید قتل و غارت اور قحط۔۔
یونہی رہا تو کب تک سروائیو کرسکیں گے
جس طرح عرب امارات سونے کی خاطر سوڈانیوں کی اس خانہ جنگی میں اسلحہ دے کر نہتی عوام کے قتل عام کا ذمہ دار بن رہا ہے اس سے صاف سمجھ آ رہا ہے کہ ان بے ضمیروں کو غزہ نسل کشی سے کوئی مسئلہ کیوں نہیں تھا۔ کیوں یہ اسرائیل کی گود میں بیٹھے ہوئے ہیں۔
کیونکہ یہ ایک ہی جیسے ہیں۔
بس نام اور حلیہ مختلف۔۔
بس الله تعالیٰ مسلمانوں پر رحم کرے آمین ثم آمین
سوڈان میں قیامت صغریٰ برپا ہے 💔
نہتے لوگ بھوک، گولی اور آگ کے درمیان پس رہے ہیں…
شہر ویران، لاشیں گل سڑ گئیں، اور دنیا خاموش ہے!
یہ جنگ طاقت یا سیاست کی نہیں — لالچ، سونا، اور بے ضمیری کی جنگ ہے۔
کاش انسانیت جاگ جائے…
اللّٰہ سوڈان کے مظلوموں پر رحم فرمائے 🤲
#اللّٰہ_رحم_فرما
