11/06/2026
پریس ریلیز/ٹکرز
جوائنٹ ایکشن کمیٹی آف پرائیویٹ اسکول ایسوسی ایشنز سندھ کے چارٹر آف ڈیمانڈ کے مطابق وفاقی اور صوبائی بجٹ میں نجی شعبۂ تعلیم کی ترقی، بہتری اور فروغ کے لیے علیحدہ اور خاطر خواہ رقم مختص کی جائے تاکہ خواندگی میں اضافہ ممکن بنایا جا سکے۔
(علیم قریشی، کنوینر جوائنٹ ایکشن کمیٹی آف پرائیویٹ اسکولز ایسوسی ایشنز سندھ)
نجی شعبۂ تعلیم کے لیئے مختص رقم ان تعلیمی اداروں میں زیر تعلیم بچوں، اساتذہ اور پسماندہ علاقوں کے کم فیس والے نجی تعلیمی اداروں کی فلاح و بہبود پر خرچ کی جائے۔
(بشیر احمد چنہ، ڈپٹی کنوینر جوائنٹ ایکشن کمیٹی آف پرائیویٹ اسکولز ایسوسی ایشنز سندھ)
وفاقی اور صوبائی حکومت بین الاقوامی معیار کے مطابق تعلیم کے لیے کم از کم GDP کا 4 تا 6 فیصد اور مجموعی سرکاری بجٹ کا 15 تا 20 فیصد مختص کرے، تاکہ معیاری اور جامع تعلیم کے قومی اہداف حاصل کیے جا سکیں۔
(احسن حمید قائمخانی، ممبر کور کمیٹی جوائنٹ ایکشن کمیٹی آف پرائیویٹ اسکول ایسوسی ایشنز سندھ)
وفاقی بجٹ میں بیوٹی پارلر پروڈکٹس پر ٹیکس میں کمی اور اسٹیشنری آئٹمز پر سیلز ٹیکس میں %8 اضافے کی تجویز نہ صرف قابلِ مذمت بلکہ افسوسناک اور غیر دانشمندانہ اقدام ہے۔
(جوائنٹ ایکشن کمیٹی)
ملک میں آؤٹ آف اسکول بچوں کی بڑھتی ہوئی تعداد اور شرح خواندگی بہتر کرنے کے لیئے تعلیمی ایمرجنسی نافذ کرکے تعلیمی مقاصد کے لیئے استعمال ہونے والی کتب اور اسٹیشنری کو ٹیکس فری کیا جائے تاکہ مہنگائی کی چکی میں پسے عوام کے لیئے تعلیم خواب بن کر نہ رہ جائے۔
(جوائنٹ ایکشن کمیٹی)
تیزی سے بڑھتی مہنگائی کی وجہ سے کتب اور اسٹیشنری کی قیمتوں میں کئی گنا اضافہ ہوا ہے جس کی وجہ سے کم آمدنی اور متوسط طبقے کے والدین کے لئے تعلیمی اخراجات برداشت کرنا مشکل تر ہو چکاہے اور نتیجتآً نہ صرف اسکولز کی شرح داخلہ بری طرح متاثر ہوئی ہے بلکہ ڈراپ آؤٹ اور آؤٹ آف اسکول بچوں کی تعداد میں بھی اضافہ ہوا ہے جو چائلڈ لیبر میں اضافے کا سبب بھی بن رہا ہے۔*
(جوائنٹ ایکشن کمیٹی)
ایک ایسے وقت میں جب ملک لاکھوں آؤٹ آف اسکول بچوں، کم شرحِ خواندگی اور تعلیمی بحران جیسے سنگین چیلنجز کا سامنا کر رہا ہے، حکومت کو تعلیم دوست پالیسیوں کو فروغ دینا چاہیے نہ کہ تعلیم کو مزید مہنگا بنانا چاہیے۔
(جوائنٹ ایکشن کمیٹی)
اس وقت جب حکومت اپنے ادارے بتدریج نجی شعبے کے حوالے کر رہی ہے ضروری ہے کہ تعلیم دوست پالیسیاں اپنائی جائیں اور آئندہ بجٹ میں نجی شعبہء تعلیم کی بہتری کے لیے مناسب وسائل مختص کیے جائیں۔
(جوائنٹ ایکشن کمیٹی)
جاری کردہ:
میڈیا کو آرڈینیٹر
جوائنٹ ایکشن کمیٹی آف پرائیویٹ اسکول ایسوسی ایشنز سندھ
Joint Action Committee of Private School Associations Sindh -JAC
All Private Institutions Organization Sindh
API Sindh Official
Federation of Private Schools Pakistan
