MSM GBPS Campus Tando Bago

02/03/2026

ساليانو امتحان 2025ع/2026ع
درجي چوٿين ۽ پنجين جي سالياني امتحان دوران محمد صديق مسافر گورنمنٽ پرائمري اسڪول ٽنڊو باگو ، جي پيپرن دوران شاندار وزٽ قابل عزت سائين غلام مرتضي لغاري صاحب ايجوڪيشن آفيسر سيڪنڊري ٽنڊوباگو قابل عزت شوڪت حسين پڃارو صاحب ايجوڪيشن آفيسر ٽنڊو باگو سائين قمر دين ٿيٻو صاحب ايجوڪيشن آفيسر قابل عزت سائين علي احمد بليدي صاحب پرنسپال گورنمنٽ ھائپر سيڪنڊري اسڪول ٽنڊو باگو ڪلاسن ۾ وڃي شاگردن جو جائزو ورتو سٺي انتظامي نظام کي ساراهيو ،بھترين صفائي بلاترتيب ڪلاسن جو نظم ضبط تي ھيڊ ماستر ۽ اسڪول انتظاميه کي جس ڏنو

14/02/2026

منسٽر ايجوڪيشن سيد سردار علي شاھ جي حڪم تحت اڄ محمد صديق مسافر گورنمنٽ ڪئمپس اسڪول ٽنڊو باگو ۾ وڻڪاري مهم جي باقاعده شروعات ڪئي ويئي. هن مهم جو مقصد ماحولياتي تحفظ، سرسبز مستقبل ۽ شاگردن ۾ قدرت سان محبت جو شعور اجاگر ڪرڻ آهي. اسڪول انتظاميا، استادن ۽ شاگردن جوش ۽ جذبي سان وڻڪاري جو آغاز ڪيو آھي وڻ لڳائي هن قومي مهم ۾ ڀرپور حصو ورتو، جيڪو هڪ خوشحال ۽ صاف سٿري سڀاڻي ڏانهن اهم قدم آهي۔

13/02/2026

خان بھادر مير غلام محمد ٽالپر ٽنڊوباگو جي ورسي ملھائي وئي گورنمنٽ هائير سيڪنڊري اسڪول ٽنڊو باگو طرفان شاندار تقريب ۾ محمد صديق مسافر گورنمنٽ پرائمري اسڪول ٽنڊو باگو جي شاگردن پڻ حصو ورتو بھترين گيت شاعر محمد صديق مسافر جي نظم ترنم رڌم جي خوبصورت انداز سان شاگردن نظم پيش ڪئي داد چوان حوصلا افزائي چوان ھن شاگرد کي ھال مان قابل عزت انجنيئر اشفاق احمد ميمڻ صاحب ڏھ ھزار انعام ڏنو ۽ قابل عزت سماجي ورڪر بھترين شخصيت اڪبر خواجه صاحب امر کتري صاحب سائين ڪانتيش لوھاڻو صاحب۽ ٻين دوستن شاگردن جي حوصلا افزائي لاء خوب انعام ڏنا خوبصورت ڌن ڏيندڙ استادن کي جس ھجي عظيم شاعر جي نالي اسڪول آھي شاگردن کي شاباس ۽ جس ڏيون ٿا...

12/02/2026

خانبهادر مير غلام محمد ولد مير محمد خان ٽالپر 1876ع ۾ ٽنڊي باگي ۾ پيدا ٿيو. سندس تعلق ٽالپرن جي مشهور ماڻڪاڻي خاندان سان هو. هو پنهنجي دور جو بااثر زميندار هئڻ سان گڏ هڪ دور انديش تعليمدان، سماجي اڳواڻ ۽ انسان دوست شخصيت طور سڃاتو وڃي ٿو.

مير غلام محمد ٽالپر جون سياسي، سماجي ۽ علمي ادبي خدمتون گهڻ رخي آهن، پر سندس سڀ کان وڏو ڪارنامو لاڙ واري علائقي ۾ تعليم جي واڌ ويجهه لاءِ ڪيل جدوجهد آهي. جڏهن ان دور ۾ لاڙ جي پسمانده علائقن ۾ تعليم جو شعور تقريباً نه هجڻ برابر هو ۽ غريب ماڻهو پنهنجي ٻارن کي اسڪول موڪلڻ جو تصور به نٿا ڪري سگهن، تڏهن مير صاحب نه صرف ٽنڊي باگي ۾ لارينس مدرسي ۽ مير غلام محمد گورنمينٽ هاءِ اسڪول جو بنياد رکيو، پر انهن جون عمارتون به پنهنجي ذاتي خرچ تي تعمير ڪرايائين.

هن شاگردن جي رهائش، کاڌ خوراڪ ۽ ڪپڙي لٽي جو بندوبست پڻ پنهنجي ذمي کنيو. سندس هن فياضيءَ سبب ڪيترن ئي غريب خاندانن جي ٻارن کي تعليم جو موقعو مليو، جنهن سان لاڙ جي سماجي ۽ علمي سجاڳيءَ ۾ بنيادي تبديلي آئي.

مير صاحب نامياري تعليمدان، شاعر ۽ اديب محمد صديق ’مسافر‘ کي حيدرآباد جي ٽريننگ ڪاليج مان پاڻ وٺي آيو ۽ ان جي مدد سان تعليمي سلسلو منظم انداز ۾ شروع ڪيائين. شروعات ۾ چئن پنجن بئنچن، ڪجهه ڪرسين ۽ ٽيبلن سان هڪ مسواڙي جاءِ تي قائم ڪيل اسڪول ٿوري ئي عرصي ۾ پوري علائقي جو تعليمي مرڪز بڻجي ويو. ان زماني ۾ انگريزي اسڪول قائم ڪرڻ ۽ ان کي هلائڻ نهايت ڏکيو ڪم هو، پر مير غلام محمد ۽ محمد صديق ’مسافر‘ جي گڏيل محنت ۽ اخلاص سبب اهو ادارو ڪاميابيءَ سان هليو. محمد صديق ’مسافر‘ پنهنجي ڪتاب ”منازل مسافر“ ۾ ان جدوجهد جو تفصيلي ذڪر ڪيو آهي.

محمد صديق ’مسافر‘ هڪ هنڌ لکي ٿو: ”مرحوم خانبهادر مير صاحب جو وقت بوقت اهو ئي چوڻ هوندو هو ته خرچ منهنجو ۽ محنت ۽ ايمانداري تنهنجي، ڪڏهن به دل سست نه ڪجان.“

مير غلام محمد ٽالپر ڇوڪرن سان گڏ نياڻين جي تعليم تي به خاص ڌيان ڏنو. 1928ع ۾ محمد صديق ’مسافر‘ جي سهڪار سان حيدرآباد جي ٽريننگ ڪاليج جي پريڪٽس اسڪول مان هڪ ماسترياڻي کي پنهنجي پوري ڪٽنب سميت ٽنڊي باگي ۾ رهايو ۽ نياڻين جو اسڪول قائم ڪرايو. ماسترياڻي ۽ سندس ڪٽنب جي رهائش ۽ ٻين خرچن جو بندوبست پڻ پنهنجي ذمي کنيو. نتيجي طور لاڙ جي پري پري وارن علائقن مان نياڻيون اچي تعليم حاصل ڪرڻ لڳيون.

سندس شخصيت رڳو تعليم تائين محدود نه هئي. هو هر وقت غريبن ۽ ضرورتمندن جي مدد لاءِ تيار رهندو هو. جيڪو به سندس در تي مدد لاءِ ايندو هو، اهو خالي هٿين واپس نه ويندو هو.

1914ع ۾ پهرين مهاڀاري لڙائيءَ دوران هن هندستان سرڪار کي هڪ لک رپيا قرض طور ڏنا، جنهن تي کيس زميندارن ۽ جاگيردارن ۾ پهريون نمبر ڏنو ويو ۽ سرڪار سندس خدمتن جي مڃتا طور کيس ”خانبهادر“ جو لقب ۽ ”او. بي. اي“ جو خطاب عطا ڪيو.

1924ع ۾ هن اسڪول ۽ بورڊنگ هائوس لاءِ عاليشان عمارتون تعمير ڪرايون. ان کان علاوه اسڪول جي هاسٽل لاءِ اڍائي لک رپيا بئنڪ ۾ انڊومينٽ فنڊ طور جمع ڪرايائين، جنهن مان ملندڙ منافعو اسڪول جي انتظامي ڪمن ۾ خرچ ٿيندو هو. مير غلام محمد خان هاسٽل ۾ غريب ۽ مستحق شاگردن لاءِ مفت رهائش ۽ خوراڪ جو بندوبست ڪيو ويو.

خانبهادر مير غلام محمد ٽالپر پنهنجي سموري ملڪيت تعليم جي واڌاري، اسڪولن ۽ شفاخانن جي قيام، شاگردن کي اسڪالرشپ ڏئي اعليٰ تعليم لاءِ ولايت موڪلڻ ۽ غريبن جي فلاح لاءِ وقف ڪري ڇڏي.

لاڙ پٽ جي هن سخي دل انسان 12 فيبروري 1932ع تي وفات ڪئي، پر سندس ڇڏيل تعليمي ادارا ۽ انسان دوستيءَ جو ورثو اڄ به سندس نالي کي زندهه رکيو ويٺا آهن.

نوٽ: معلومات انسائڪلوپيڊيا سنڌيانا تان ورتل آهي
چونڊ: ذوالفقار علي ڀٽي
Copy

11/02/2026

السلام عليڪم ورحمة الله وبركاته

اوهان کي وڏي ادب ۽ احترام سان آگاهه ڪجي ٿو ته سنڌ جي محسن لاڙ جي ابي خانبھادر مير غلام محمد خان جي 94 ھين ورسي 12 فيبروري 2026 بروز خميس مير غلام محمد خان ٽالپر ھائير سيڪينڊري اسڪول ٽنڊو باگو جي آڊيٽوريم ھال ۾ وڏي عقيدت ۽ احترام سان ملھائي ويندي. جنهن ۾ سنڌ جا باشعور ۽ ساڃاھ وند ماڻھون ۽ زندگي جي مختلف شعبن سان واسطو رکندڙ ڏاھا شريڪ ٿيندا ۽ مير صاحب کي خراج تحسين پيش ڪندا.

پروگرام جو شيڊيول هن ريت آهي:

مزار تي حاضري ۽ گلن جي چادر چاڙهڻ — صبح 9:00 وڳي
ٻارن ۾ تقريري مقابلو — صبح 10:00 وڳي
مقررين جا خطاب — صبح 11:00 وڳي

جاءِ: گورنمينٽ بوائز هائير سيڪنڊري اسڪول ٽنڊوباگو آڊيٽوريم هال

اوهان جي شرڪت اسان لاءِ وڏي سعادت جو سبب بڻجندي. مهرباني ڪري وقت تي اچي مرحوم لاءِ دعا ۾ شريڪ ٿيو.

دعوت ڏيندڙ:
سائين علي احمد بليدي
پرنسيپال
گورنمينٽ بوائز ھائير سيڪنڊري اسڪول
ٽنڊو باگو

10/02/2026

05/02/2026

محمد صديق مسافر گورنمنٽ پرائمري اسڪول ٽنڊو باگو ۾
5 فيبروري 2026ع ڪشمير جي خود مختار آزادي لاء ڪلاس ٽيون اي جي شاگردن ۽ ڪلاس ٽيچرس شاندار انداز ۾ ڪشمير يڪجهتي جو ڏيهاڙو ملهايو ويو.. ڪشمير يڪجهتي تي تقريرون ڪيون ويون. يڪجهتي پاڪستان جا نعرا ھنيا ويا

03/02/2026

تعليم جي شاندار بھتري لاء وزٽ ٽنڊوباگو
گورنمنٽ ھائير سيڪنڊري اسڪول ڪئمپس ٽنڊوباگو ۽ محمد صديق مسافر گورنمنٽ پرائمري اسڪول ٽنڊو باگو جي تڪ جي درسگاهن جي وزٽ ادي ياسمين شاھ ايم پي اي ٽنڊوباگو ۽ بدين قابل عزت سائين غلام مرتضي لغاري صاحب ايجوڪيشن آفيسر تعلقو ٽنڊوباگو ڪئمپس، قابل عزت سائين علي احمد بليدي صاحب پرنسيپال گورنمنٽ ھائير سيڪنڊري اسڪول ڪئمپس ٽنڊوباگو ، قابل عزت ٽي اين او تعلقو ٽنڊوباگو سائين امتياز احمد ڀان صاحب قابل عزت مير ڪاشف علي ٽالپر صاحب ،عبدالستار ميمڻ صاحب پ پ تعلقو ٽنڊوباگو جا عهديدارن ادي آپا ياسمين شاھ سان گڏ اسڪول جو معائنو ڪيو ڪلاسن جو شاندار ماحول وزٽ ڪيو ادي ياسمين شاھ جا تعليم لاء بھترين قدم کڻڻ لاء جس ۽ سلام پيش ڪريون ٿا.

20/01/2026

Annual inspection 2025-26
محمد صديق مسافر گورنمنٽ پرائمري اسڪول ٽنڊو باگو
جي سالياني انسپيڪشن قابل عزت سائين عمران علي شاه صاحب ۽ انسپيڪشن ٽيم ميمبرن اسڪول جو سرسري جائزو ورتو بھترين تعليمي ماحول ۾ شاندار وزٽ ۾ ٻارن خوب سوالن جا جواب ڏنا پوري انسپيڪشن ٽيم استادن جي محنت نظم ضبط، بھترين ڪلاسن جي تسلسل جي واکاڻ ڪئي.. تمام استادن کي سندن محنت تي جس ڏنو. بھترين ماحول ٺاھڻ تي اسڪول انتظاميه جي واکاڻ ڪئي ٽنڊوباگو جي ڪئمپس اسڪولن ۾ محمد صديق مسافر گورنمنٽ پرائمري اسڪول ٽنڊو باگو جي بھتري ڪارڪردگي تي جس ڏنو..

14/01/2026

محمد صديق مسافر گورنمنٽ پرائمري اسڪول ٽنڊو باگو
قابل عزت سائين علي احمد ميمڻ سروس جا سٺ سال ايمانداري ، مخلص طريقي سان پورا ڪري رٽائر منٽ تاريخ 13.1.2026 تي ھن اسڪول کي الوداع ڪيو.. سندس بھترين ڪارڪردگيءَ تي الوداع ڪندڙ قابل عزت سائين علي احمد بليدي صاحب پرنسيپال گورنمنٽ ھائير سيڪنڊري اسڪول ڪئمپس ٽنڊوباگو ، قابل عزت سائين پروفيسر محمد اسماعيل ميمڻ صاحب، قابل احترام سائين اشفاق احمد ميمڻ صاحب گورنمنٽ ھائير سيڪنڊري اسڪول ڪئمپس ٽنڊوباگو ، قابل احترام سائين عبدالستار ميمڻ صاحب، ھن اسڪول جا تمام ٽيچرس ميل ۽ فيميل ،شاگردن گڏيل طور تي اسڪول اسيمبلي ۾ شاندار نموني سان الوداع ڪيو سائين جس ۽ سلام پيش ڪيو ويو..