20/08/2026
آج گورنمنٹ انصار الاسلام ایلیمنٹری اسکول، ٹنڈو آدم میں ہیڈ ماسٹر وزیر علی خاصخیلی صاحب (BPS-18) اور اساتذہ کرام کی جانب سے ایک انتہائی پروقار تقریب کا اہتمام کیا گیا، جس میں فرسٹ شفٹ انچارج عبد الستار انصاری اور غلام فرید الدین کا کردار قابل ستائش رہا اس تقریب میں ایس ایم سی ممبران دانیال انصاری اور گل محمد شیخ بھی موجود تھے۔
تقریب میں *جناب راؤ محمد ناصر صاحب کو تعلقہ ایجوکیشن آفیسر (TEO) ایلیمنٹری و سیکنڈری* کا چارج سنبھالنے پر تمام اساتذہ کی جانب سے مبارکباد اور نیک تمنائیں پیش کی گئیں۔
اس موقع پر *ہیڈ ماسٹر وزیر علی خاصخیلی صاحب* نے معزز مہمانِ گرامی جناب راؤ محمد ناصر صاحب کو سندھ کی عظیم روایت کے مطابق روایتی اجرک کا تحفہ پیش کر کے ان کا شاندار استقبال کیا۔
اس کے ساتھ ہی اسکول کے فاضل ٹیچر نادر علی راجپوت صاحب کو سعادتِ عمرہ حاصل کرنے کی مبارکباد دی گئی اور گورنمنٹ بلوچ محلہ اسکول، ٹنڈو آدم تبادلہ ہونے پر ان کی گراں قدر تعلیمی خدمات کو زبردست خراجِ تحسین پیش کیا گیا۔ ہیڈ ماسٹر صاحب کی جانب سے نادر علی راجپوت صاحب کو بھی اجرک کا تحفہ پیش کیا گیا اور ان کے لیے آئندہ کے تعلیمی سفر میں کامیابی کی دعا کی گئی۔
تقریب کے اختتام پر آئے ہوئے مہمانوں اور تمام اساتذہ کرام کیلئے طعام کا بھی اہتمام تھا۔
