گورنمنٹ بوائز ہائی سکول تاہی،پونچھ

03/06/2026

آج مورخہ 3 جون 2026ءبروز بدھ گورنمنٹ بوائز ہائی سکول تاہی پونچھ میں ایک پروقار عید ملن پارٹی کا انعقاد کیا گیا۔اس عید ملن پارٹی میں صدر معلم،جملہ اساتذہ کرام،نان ٹیچنگ اسٹاف اور طلباء وطالبات نے اپنی اپنی شرکت کو بڑے احسن انداز سے یقینی بنایا۔ سکول کے تمام طلباء و طالبات اپنے سکول یونیفارم میں سکول آئے اور ایک دوسرے سے عید ملے۔ بچوں نے جملہ سکول فیلوز اور اساتذہ کرام کو عید کی مبارکباد دی ۔ بچوں نے اپنے گھروں سےبھی کھانے پینے اور پسند کی ڈشز بنوا کر لائیں اور دکانوں سےبھی اہتمام کیا۔بچوں نے صدر معلم صاحب ودیگر اساتذہ کرام کی موجودگی میں آپس میں ایک دوسرے کی من پسند ڈشز و دیگر اشیاء کو تقسیم کر کے کھایا۔یہ طریقہ کار بچوں میں جذبہ ایثار،محبت،دوسروں کی مدد اور آپس میں مل جل کر بیٹھنے کا رجحان پیدا کرتا ہے۔
بعد ازیں اساتذہ کرام نے آپس میں مل بیٹھ کر عید ملن پارٹی کو انجوائے کیا۔اساتذہ کرام بچوں کو ایک دوسرے سے عید ملتے دیکھ کر اور ان کے چہرے خوشی سے چمکتے دمکتے دیکھ کر انتہائی پرمسرت ہوئے جھنیں لفظوں میں بیان نہیں کیاجاسکتا۔ ایسی تقریبات سے بچے سماجی روابط استوار کرنا اور ایک دوسرے کے مددگار و معاون بننا بھی سیکھتے ہیں۔

21/05/2026

گورنمنٹ پائلٹ ہائی سکول ہجیرہ میں ایلیمنٹری اینڈ سیکنڈری ایجوکیشن ڈیپارٹمنٹ کے زیر اہتمام تحصیل وائز مقابلہ تقریر بعنوان"مقبوضہ کشمیر اور انسانی حقوق کے علمبردار"
میں گورنمنٹ بوائز ہائی سکول تاہی کے طالبعلم سید ثوبان کاظمی اپنے خیالات کا اظہار کرتے ہوئے ۔۔
اللہ پاک علم وعمل میں مزید برکتیں عطافرمائے۔

13/05/2026

13/05/2026

آج ہمارے ادارہ "گورنمنٹ بوائز ہائی سکول تاہی"سے پی ای ٹی معلم جناب عاطف صاحب کا تبادلہ ہوگیا ہے۔
آپ ایک بہترین فزیکل ٹرینر تھے جنہوں نے ادارہ کے طلبہ پر بہت محنت کی اور زندگی کے ہر شعبہ میں آگے بڑھنے کا فن سکھایا۔
سٹاف ممبران کے ساتھ انتہائی شفقت و ہنس مکھ مزاج رکھتے تھے۔ آپ کا تبادلہ ہمارے لیے ایک بڑا صدمہ ہے، لیکن ہمیں خوشی ہے کہ آپ کا روزانہ کا لمبا سفر کچھ کم ہوا۔ اور اب دوسرے ادارہ کے طلبہ بھی آپ کے علم،محنت و اخلاق سے فیض یاب ہوں گے۔ آپ کی کمی ہمیشہ محسوس کی جائے گی۔
صدر معلم،سٹاف ممبران اور جملہ طلبہ نے آپ کو محبت سے الوداع کیا۔
ہم آپ کی نئی جائےتعیناتی پر کامیابی اور طویل عمری کے لیے دعا گو ہیں۔"
"اللہ تعالیٰ آپ کو ہر میدان میں کامیاب کرے اور آپ کا سایہ ہمیشہ علم کے متلاشیوں پر قائم رکھے۔"

08/05/2026

انسانیت کی خدمت کی روشن مثال — تھیلیسیمیا آگاہی مہم
گورنمنٹ بوائز ہائی سکول تاہی میں اگاہی اور شعور کی جانب اہم قدم

عالمی یومِ تھیلیسیمیا کے موقع پر گورنمنٹ بوائز ہائی سکول تاہی پونچھ میں لائف لائن فاونڈیشن کی جانب سے ایک بامقصد آگاہی پروگرام منعقد کیا گیا۔ اس موقع پر سنئیر صدر معلم ادارہ ہذا سردار سرفراز احمد خان صاحب نے بچوں کے ساتھ کیک کاٹا اور ادارہ ہذا کے معلم مسعود الحسن نے تھیلسیمیا پر اپنے خیالات کا اظہار کیا۔
یہ پروگرام لائف لائن فاؤنڈیشن رجسٹرڈ کے ایکٹیو ممبر جواد خالد ملک صاحب کی زیر نگرانی منعقد ہوا۔
اس پروگرام کا مقصد طلبہ میں تھیلیسیمیا کے بارے میں شعور بیدار کرنا اور انسانیت کی خدمت کے جذبے کو فروغ دینا تھا۔
تھیلیسیمیا سے بچاؤ — آگاہی ہی اصل علاج
طلبہ کو تھیلیسیمیا جیسی موروثی بیماری، اس کے اثرات، خون عطیہ کرنے کی اہمیت اور شادی سے پہلے تھیلیسیمیا ٹیسٹ کی لازمی ضرورت کے بارے میں آگاہ کیا گیا۔
اس موقع پر تھیلیسیمیا فائٹرز کے حوصلے، استقامت اور زندگی سے محبت کو بھرپور خراجِ تحسین پیش کیا گیا۔

تھیلیسیمیا فائٹرز کی حوصلہ افزائی اور حوصلہ افزا پیغام

تھیلیسیمیا فائٹرز وہ بہادر بچے ہیں جو بیماری کے باوجود مسکراہٹ، امید اور حوصلے کے ساتھ زندگی گزار رہے ہیں۔ ان کی حوصلہ افزائی ہم سب کی ذمہ داری ہے۔
ان کے ساتھ محبت، سپورٹ اور عزت سے پیش آنا، خون عطیہ کرنا اور ان کے لیے بہتر زندگی کی امید پیدا کرنا ہی اصل انسانیت ہے۔ہم لائف لائن فاؤنڈیشن رجسٹرڈ کی اس انسانیت دوست مہم میں بھرپور ساتھ کھڑے ہیں۔ تھیلیسیمیا فائٹرز ہمارے معاشرے کے وہ بہادر بچے ہیں جو ہمت، صبر اور حوصلے کے ساتھ زندگی کی جنگ لڑ رہے ہیں، اور ان کی مدد ہم سب کی مشترکہ ذمہ داری ہے
انسانیت کی خدمت کا عہد

یہ ایک عوامی خدمت کا پیغام ہے کہ آگے بڑھیں، خون عطیہ کریں اور لائف لائن فاؤنڈیشن رجسٹرڈ کا ساتھ دیں تاکہ تھیلیسیمیا میں مبتلا بچوں کی زندگیاں محفوظ بنائی جا سکیں۔

ساتھ ہی اس بات پر زور دیا گیا کہ شادی سے پہلے تھیلیسیمیا ٹیسٹ لازمی کروایا جائے، کیونکہ آگاہی اور احتیاط ہی ایک صحت مند اور محفوظ معاشرے کی بنیاد ہے۔

آئیں! مل کر امید، صحت اور انسانیت کا روشن مستقبل بنائیں۔

03/05/2026

اللھم یا شافی الامراض بوسیلة النبی صلی اللہ علیہ وآلہ وسلم
وبوسیلة مریض الکربلا سیدنا امام زین العابدین رضی اللہ تعالی عنہ

20/04/2026

السلام علیکم ورحمة اللہ وبرکاتہ۔۔۔۔
ہرسال کی طرح اس نئے تعلیمی سال کے آغاز پربھی "صدائے امید ویلفئیر ٹرسٹ "کی جانب سے ادارہ ہذا میں زیر تعلیم مستحق طلباء کے لیے نئی کتب کے سیٹ عطیہ کیے گے۔
سکول اسمبلی میں سبھی ڈونرز کی صحتیابی و رزق میں برکت کی دعا کی گئی۔
اللہ پاک سبھی کو اپنی حفظ وامان عطا فرمائے اور عمر ورزق میں برکتیں عطافرمائے۔
آمین۔۔۔

09/04/2026

آج مورخہ 9 اپریل 2026ء کو ضلعی ایلیمنٹری تعلیمی بورڈ پونچھ کے سالانہ امتحانات کے نتائج کا باقاعدہ اعلان ہوا۔

ایلیمنٹری بورڈ پونچھ کے زیرِ اہتمام گورنمنٹ بوائز ہائی سکول تاہی میں زیر تعلیم جماعت پنجم وہشتم کے 22 طلبہ نے امتحان میں شرکت کی،اور الحمدللہ سبھی طلبہ کامیاب قرار پائے۔
جماعت ہشتم میں کل13 طلبہ شامل امتحان ہوئے، اور سبھی طلبہ کامیاب قرار پائے، اور یوں جماعت ہشتم کا مجموعی نتیجہ 100 فیصد رہا۔
جماعت پنجم کے 09 طلبہ شامل امتحان ہوئے اور سبھی کامیاب ہوئے۔مجموعی نتیجہ 100% فیصد رہا۔
دونوں جماعتوں (پنجم و ہشتم) کا مجموعی نتیجہ 100 فیصد رہا، جو کہ ایک حوصلہ افزا کارکردگی ہے۔
جماعت ہشتم میں نمایاں پوزیشن حاصل کرنے والے طالبعلم محمد شہباز اورنگزیب ہیں جنہوں نے578نمبرات حاصل کیے اور جماعت پنجم سے محمد بلال محبوب نے 379 نمبرات حاصل کرکے ادارہ میں نمایاں پوزیشن حاصل کی ۔
یہ نتائج نہ صرف طلبہ کی محنت کا مظہر ہیں بلکہ اساتذہ اور والدین کی کاوشوں کا بھی ثمر ہیں۔ امید ہے کہ آئندہ بھی یہی جذبہ اور کارکردگی برقرار رہے گی اور ادارہ میں تعلیمی معیار مزید بلند ہوگا۔۔
صدر معلم ادارہ ہذا سردار سرفراز احمد خان،جملہ سٹاف و طلبہ کی طرف سے سبھی کامیاب طلبہ، والدین اور عوام علاقہ کو مبارک ہو۔

06/04/2026

🎁💐تعلیمی سیشن 2026,27🏆🏆
گورنمنٹ بوائز ہائی سکول تاہی میں داخلے جاری۔
نئے تعلیمی سال 2026ء میں نئے داخل ہونے والے طلباء کو اسمبلی میں جملہ طلباء،سٹاف وصدر معلم ادارہ ہذا کی طرف سے بھرپور استقبال کیا گیا اور ان کو خوش آمدید کہا گیا۔
علاقہ تاہی کے معروف اور قابلِ اعتماد تعلیمی ادارےگورنمنٹ بوائز ہائی سکول تاہی میں نئے تعلیمی سیشن کے لیے داخلوں کا باقاعدہ آغاز ہو چکا ہے۔ یہ عظیم ادارہ لمبے عرصے سے علاقے میں معیاری تعلیم، بہترین تربیت اور اخلاقی اقدار کی ترویج میں سنگِ میل ثابت ہوا ہے۔ہائی سکول تاہی اپنے اعلیٰ تدریسی معیارات، ماہر اور تجربہ کار اساتذہ،صدر معلم کی ذاتی کاوش اور جدید تعلیمی ماحول کی بدولت والدین کا پُر اعتماد اعتماد حاصل کر چکا ہے۔ یہی وجہ ہے کہ ہر سال بڑی تعداد میں طلبہ یہاں سے بہترین تعلیم حاصل کر کے کامیابی کی نئی راہیں طے کرتے ہیں۔والدین سے گزارش ہے کہ اپنے بچوں کے روشن اور تابناک مستقبل کے لیے بروقت داخلہ یقینی بنائیں۔
آپ کا اعتماد ہماری کامیابی۔

06/04/2026

💐🥇الوداعی تقریب جماعت 🥇💐
گورنمنٹ بوائزہائی سکول تاہی میں آج تدریسی سٹاف و نہم جماعت کے طلبہ نے دہم جماعت کے طلبہ کے لیے ایک پُروقار الوداعی تقریب کا اہتمام کیا۔ اس موقع پراساتذہ کرام،طلباء و صدر معلم نے تقاریر کیں اور جماعت دہم کے طلباء کے لیے مستقبل میں نیک خواہشات و کامیابیوں کے لیے دعا کی۔جماعت نہم کے طلباء نے اپنے دہم کے سینئرز کے ساتھ خوشگوار لمحات گزارے اور ان کے لیے نیک تمناؤں کا اظہار کیا۔
آخر میں پرتکلف ضیافت کااہتمام کیا گیا۔طلباء نے جملہ سٹاف ممبران کے ساتھ گروپ فوٹوز بنوائے۔طلباء نے ادارہ کو اور ایک دوسرے کو الوداع کہا جو سبھی کے لیے مشکل مرحلہ تھا۔
۔اللہ پاک سبھی طلباء کا مستقبل روشن فرمائے۔

چونکہ پرسوں سے دہم جماعت کے سالانہ امتحانات کا آغاز ہو رہا ہے، اس لیے آج ان کا سکول میں آخری دن تھا۔ ہم سب ان کی کامیابی اور روشن مستقبل کے لیے دعاگو ہیں۔

📢 اطلاع برائے والدین:
جماعت اول ادنی تاجماعت نہم داخلہ جاری ہے۔ تمام عوام علاقہ سے گزارش ہے اپنے بچوں کا داخلہ بروقت کروائیں تاکہ وہ نئی تعلیمی سرگرمیوں سے بھرپور فائدہ اٹھا سکیں۔
کلاسز کا باقاعدہ آغاز ہوچکا ہے۔