ROYAL School System

مولانا عنایت اللہ غزنوی صاحب کا رائل سکول سسٹم اور رائل القرآن اکیڈمی کا خصوصی وزٹ

Royal School System

آج رائل القرآن اکیڈمی کے شعبۂ حفظ القرآن سیکشن B میں ماہانہ مسابقے کا انعقاد کیا گیا، جس میں طلبہ نے دو دو پاروں میں بہترین انداز میں حصہ لیا۔ الحمدللہ تمام شریک طلبہ نے تسلی بخش اور حوصلہ افزا کارکردگی پیش کی، جس پر ناظمِ ادارہ مولانا احسان صاحب نے اطمینان کا اظہار کیا۔
مسابقے کے تمام سوالات شعبۂ حفظ القرآن سیکشن A کے معزز استاد قاری حفیظ اللہ صاحب نے کیے، جبکہ طلبہ کو مسابقے کے حوالے سے اہم رہنمائی اور مفید ہدایات بھی دیں۔
اس موقع پر ڈائریکٹر رائل سکول سسٹم و رائل القرآن اکیڈمی مولانا سلیم خان نے ادارے کے تمام شعبہ جات کو ہدایت جاری کی کہ آئندہ ہر شعبے میں باقاعدگی کے ساتھ مسابقے منعقد کیے جائیں گے، تاکہ طلبہ کے اسباق مزید مضبوط ہوں، ان کی حوصلہ افزائی ہو اور مستقبل میں قومی و بین الاقوامی مسابقوں کی بہتر تیاری ممکن بن سکے۔
یاد رہے کہ ان شاء اللہ پیر، 11 مئی کو مسابقے کے نتائج کا اعلان کیا جائے گا، جبکہ نمایاں پوزیشن حاصل کرنے والے طلبہ کی حوصلہ افزائی کے لیے
خصوصی ایوارڈز بھی دیے جائیں گے۔

یہ ویڈیو کوئی فرضی یا صرف سوشل میڈیا کے لیے بنائی گئی نہیں۔
تقریباً ایک مہینہ پہلے یہ بچیاں میرے پاس آئیں اور کہا:
سر کسی نے پودا توڑ دیا ہے۔
میں نے افسوس سے کہا کہ یہ بہت غلط بات ہے۔
ان بچیوں نے خود اُس ٹوٹے ہوئے پودے کی شاخ اٹھائی، اسے گملے میں لگایا اور روزانہ اسے پانی بھی دیتی رہیں۔ اصل تعلیم صرف کتابوں میں نہیں ہوتی، بلکہ اصل تعلیم وہ ہے جو بچوں کے اندر احساس، ذمہ داری اور اچھائی پیدا کرے۔
کل تقریباً ایک مہینے بعد یہی بچیاں دوبارہ خوشی خوشی میرے پاس آئیں۔ اُن کے چہروں کی مسکراہٹ دیکھنے والی تھی۔ انہوں نے آکر کہا
سر ،وہ پودا جسے ہم نے لگایا تھا، اب بڑا بھی ہوگیا ہے اور اُس میں پھول بھی آگئے ہیں۔”
میں نے بچوں کو شاباش دی اور اسی خوشی کے لمحے کی ویڈیو بنا لی۔ پھر پہلی ویڈیو کے ساتھ ملا کر یہ مختصر سی یاد تیار کی۔
یقین کریں، اصل تربیت یہی ہوتی ہے کہ بچوں کے دل میں چھوٹی عمر سے احساس پیدا ہوجائے…
وہ اچھے اور برے میں فرق سمجھنے لگیں…
اور کسی چیز کو نقصان پہنچانے کے بجائے اسے سنوارنے کا جذبہ رکھیں۔
بچے سب قابل ہوتے ہیں، بس ضرورت اس بات کی ہے کہ سکول کے ساتھ ساتھ گھر میں بھی انہیں تھوڑا وقت، محبت اور اچھی رہنمائی دی جائے۔
خاکسار
رائل سکول سسٹم، سیدو شریف۔

صلی اللہ علیہ وسلم
ماشاء اللہ