24/05/2022
باغباں کو پھولوں کے کھلنے سے اور اپنے باغ کی سرسبزی اور شادابی سے جو مسرت ہوتی ہے وہی مسرت ہمارے دوست تنویر احمد ویر کو ہو رہی تھی جب وہ اپنے معصوم یتیم دوستوں سے مل رہے تھے جنہیں سپیریئر ایجوکیشن کمپلیکس میں داخل کرایا تھا۔۔۔۔
انکے سرپرست اور انکے سروں پر سایے کی حیثیت سے ہمارے دوست نے انکے مسائل سننے اور انکا حال پوچھنے سکول کا دورہ کیا۔۔۔
آئیے آپ بھی معاشرے کے یتیم اور غریب بچوں کا سہارا بنئے اور انہیں زیور تعلیم سے آراستہ کرنے اور معاشرے کو جہالت کے اندھیروں سے پاک کرنے میں أجالا ایجوکیشن ٹرسٹ کا ساتھ دیجئے۔۔۔
رابطہ # 03149491028 تنویر احمد ویر۔۔۔
17/05/2022
الحمد للہ آج "اجالا ایجوکیشن ٹرسٹ" کے تحت علوم نبوی حاصل کرنے والے دس مستحق عالِمات (بچیوں) کیلئے درسی کتب کا بندوست ہوگیا۔
16/05/2022
تعلیم سب کے لیے
علم کی شمع سے ہو مجھ کو محبت یا رب
معاشرے کے ان گنت مسائل کی وجہ اگر جہالت کو گردانا جائے تو بیجا نہ ہوگا۔ اسی لیے تو قرآن پاک کا پہلا حکم ہی پڑھنے کا ہے۔ زیور تعلیم سے آراستہ ہونا ہر انسان کا بنیادی حق ہے، لیکن افسوس کہ ہمارے معاشرے میں بھی ایسے بے شمار بچے ہیں جو اس زیور سے محروم ہیں۔ اور اس محرومی کی بڑی وجہ یتیمی اور ناداری ہیں۔
ایسے ہی یتیم اور نادار بچوں کو اس زیور سے آراستہ کرنے اور اس شمع کی روشنی سے منور کرنے لیے ہمارے چند نوجوان دوستوں نے ہمت کی اور ایک فلاحی تنظیم کی بنیاد رکھی جسے مشاورت سے "اجالا ایجوکیشن ٹرسٹ" (Ujala Education Trust ) سے موسوم کیا۔ علم کے نور سے منور کرنا ہی بنیادی مقصد ہے۔ یتیم اور نادار بچوں کو تعلیم دلا کر انہیں معاشرے کا ایک قیمتی فرد اور قوم و ملت کا سرمایہ بنانا اور معاشرے کو جہالت کے اندھیروں سے پاک کر کے علم کی روشنی سے منور کرنا ہی اولین ترجیحات میں شامل ہیں۔
قلیل مدت میں ہی ان نوجوانوں نے 40 یتیم بچوں کو سپورٹ کیا اور بحرین کے مختلف پرائیوٹ سکولوں میں داخل بھی کرایا اور تقریباً 12 یتیم بچوں کے لیے عید الفطر کے موقع پر شاپنگ کا اہتمام بھی کیا تھا۔۔
اگلے مرحلے میں نادار اور ان بچوں کو جو کسی دکان، ہوٹل یا ورک شاپ پہ کام کرتے ہیں۔مختلف تعلیمی اداروں میں داخل کرانا مقصود ہے۔اس کے علاؤہ جو بچے دینی علوم میں دلچسپی لیتے ہیں اُنھیں بھی پروموٹ کرنا تاکہ ہمارے معاشرے میں کوئی بھی انپڑھ نہ رہے۔ سو وقتاً فوقتاً ان کی تربیت کے حوالے سے سکولوں کا دورہ کرنا تنظیم کے اہم مقاصد میں شامل ہے۔
آئیے آپ بھی اس نیک سفر میں اجالا ٹرسٹ کا ساتھ دیجیے ۔۔۔
