Path to jannah

قالَ النبی ﷺ:

منافق کی مثال اُس بکری کی طرح ہے جو بکریوں کے دو ریوڑوں کے درمیان ممیاتی ہوئی بھاگی پھرتی ہے. کبھی بھاگ کر اِس ریوڑ میں جاتی ہے اور کبھی اُس طرف جاتی ہے (کسی بھی ایک ریوڑ کا حصہ نہیں بنتی).

مسلم 7043
(نسائی 5040؛ مسند احمد 6298، 5790، 5079؛ دارمی 327؛ مشکوٰۃ 57)

یہ حدیث منافق کی حالت بیان کرتی ہے کہ وہ ایک جگہ پر قرار نہیں رکھتا، جہاں مفاد یا نفع نظر آتا ہے وہیں چلا جاتا ہے، کبھی مسلمانوں کے ساتھ ہوتا ہے تو کبھی کافروں کے ساتھ. اور یہی بات الله تعالیٰ نے قرآن مجید میں سورہ النساء میں ارشاد فرمائی ہے.

[سورۃ النساء، 4:143]
ترجمہ: وہ (منافقین) اس (کفر اور ایمان) کے درمیان متزلزل ہیں، نہ ان (کافروں) کی طرف ہیں، نہ ان (مسلمانوں) کی طرف ہیں، اور جس کو الله گمراہ کر دے تو آپ اُس کے لئے کوئی راہ نہ پائیں گے.

*بِتَارِيِخِ الْيَوْمِ 1 ذوالحجہ 1447ه‍ (پیر)*

نیا چاند دیکھنے کی دعا:
*اللَّهُمَّ أَهْلِلْهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللَّهُ*

اے اللہ! مبارک کر ہمیں یہ چاند، برکت اور ایمان اور سلامتی اور اسلام کے ساتھ، ( اے چاند! ) میرا اور تمہارا رب اللہ ہے۔

`اس سے شادی کر لو اگر وہ تمہارے پاس تمہارے دین کی وجہ سے سچائی کے ساتھ آئے، کیونکہ آج دین اجنبی ہو چکا ہے۔ اور دین دار عورت سے نکاح کی حرص صرف دین دار ہی کرتا ہے۔`🥹♥️

*اور وہ بہت کم ہیں..*🫠

`اور اس سے شادی کر لو اگر وہ تمہیں تمہارے دین کی وجہ سے قبول کرے، وہ نہ مال تلاش کرتی ہے نہ سونا، نہ رتبہ نہ شکل۔ اس کی ساری فکر یہی ہوتی ہے کہ اسے ایسا شوہر ملے جو اس کے دین اور آخرت کے معاملے میں اس کی مدد کرے۔ اس زمانے میں مادیت(دنیا کی چیزوں سے محبت)بہت ہے، اور دین کی قدر صرف دین دار عورت ہی جانتی ہے اور وہ بہت کم ہیں۔`🫠🤲

عبدالله بن مسعود ؓ بیان کرتے ہیں: رسول الله ﷺ نے فرمایا: میرے بعد کچھ ایسے لوگ تمارے معاملات کے نگران (حکمران) ہوں گے جو:

1) سنت کو مٹائیں گے،
2) بدعت پر عمل پیرا ہوں گے، اور
3) نماز کی مقررہ وقت پر ادائیگی میں تاخیر کریں گے.

اُس وقت کے بارے میں میں نے پوچھا: الله کے رسول، اگر میں ان کا زمانہ پاؤں تو کیا کروں؟

آپ ﷺ نے فرمایا: "اے اُم عبد کے بیٹے! مجھ سے پوچھتے ہو کہ کیا کرو گے؟ الله کی نافرمانی کرنے والوں کی کوئی اطاعت نہیں!"

ماجہ 2865 (السلسلة الصحيحة 1743؛ مسند احمد 3789)

عَنْ أَبِي هُرَيْرَةَ قَالَ: قَالَ أَبُو الْقَاسِمِ صَلَّى اللَّهُ عَلَيْهِ وَسَلَّمَ: «وَالَّذِي نَفْسِي بِيَدِهِ لَوْ تَعْلَمُونَ مَا أَعْلَمُ لَبَكَيْتُمْ كَثِيرًا وَلَضَحِكْتُمْ قَلِيلا» . رَوَاهُ البُخَارِيّ

حضرت ابوہریرہ ؓ بیان کرتے ہیں ، ابوالقاسم ﷺ نے فرمایا :’’ اس ذات کی قسم جس کے ہاتھ میں میری جان ہے ! اگر تم (نافرمانوں کے عذاب کے متعلق) جان لو جو میں جانتا ہوں تو تم زیادہ روؤ اور کم ہنسو ۔‘‘ رواہ البخاری ۔

Mishkat ul Masabih #5339
دلوں کو نرم بنانے والی باتوں کا بیان

قالَ النبی ﷺ:

کوئی مسلمان ایسا نہیں جسے کوئی تکلیف پہنچے، یہاں تک کہ اگر اُسے کانٹا بھی چبھ جائے، یا اس سے زیادہ تکلیف ہو، مگر الله تعالیٰ اس تکلیف کے بدلے اُس کی برائیوں (گناہوں) کو مٹا دیتا ہے، جیسے درخت اپنے پتے جھاڑ دیتا ہے.

بخاری 5648
(بخاری 5660، 5647، 5661، 5667؛ مسلم 6559؛ مسند احمد 3618، 4204، 4346؛ دارمی 2813؛ حبان 2937؛ ابی شیبہ 10905؛ بیہقی 13416؛ مشکوٰۃ 1538)

حضرت عبدالله بن مسعود ؓ نے بیان کیا:

میں نبی کریم ﷺ کی خدمت میں حاضر ہوا، آپ ﷺ کو بخار چڑھا ہوا تھا، میں نے اپنے ہاتھ سے آپ ﷺ کو چھوا اور عرض کیا کہ آپ ﷺ کو تو بہت شدید بخار ہے. آپ ﷺ نے فرمایا: "ہاں! مجھے اتنا بخار ہوتا جتنا تم میں سے دو مردوں کو ہوتا ہے."

حضرت ابن مسعود ؓ نے عرض کیا کہ (یہ اس لئے ہے کہ) آپ ﷺ کا اجر بھی دو گنا ہے؟ آپ ﷺ نے فرمایا: "ہاں!"

پھر آپ ﷺ فرمایا: "کسی مسلمان کو جب کسی مرض کی تکلیف یا اور کوئی تکلیف پہنچتی ہے تو الله اَس کے گناہ کو اس طرح جھاڑ دیتا ہے جس طرح درخت اپنے پتوں کو جھاڑتا ہے."

بخاری 5667 (بخاری 5647، 5648، 5660، 5661؛ مسلم 6559؛ مسند احمد 3618، 4204، 4346؛ دارمی 2813؛ حبان 2937؛ مشکوٰۃ 1538)

قالَ النبی ﷺ:

بیشک عدل کرنے والے الله کے ہاں رحمٰن عزوجل کی دائیں جانب نور کے منبروں پر ہوں گے، اور اُس کے دونوں ہاتھ دائیں ہیں. (یہ وہی لوگ ہیں) جو اپنے فیصلوں (احکام میں)، اپنے اہل و عیال، اور جن کے یہ ذمہ دار ہیں (رعایا) ان کے معاملے میں عدل کرتے ہیں.

مسلم 4721
(نسائی 5381؛ حبان 4484؛ ابی شیبہ 35169؛ بیہقی 20162؛ مشکوٰۃ 3690)

قالَ النبی ﷺ:

1) اے الله! جو شخص بھی میری امت کے کسی معاملے کا ذمہ دار بنے اور ان پر سختی کرے، تو تُو بھی اُس پر سختی فرما.
2) اور جو شخص میری امت کے کسی معاملے کا ذمہ دار بنا اور ان کے ساتھ نرمی کی، تو تُو بھی اُس کے ساتھ نرمی فرما.

مسلم 4722
(مسند احمد 26767، 24841؛ مشکوٰۃ 3689)



#عدل #انصاف #نرمی #رحمت #اسلام #حدیث #دین