Concept Counselling Academy - CCA

پراپرٹی ڈیلر نے اشتہار پڑھا
"مکان براۓ فروخت"
اس نے مکان کا وزٹ کیا اور ہمراہ ایک پارٹی کو لے کر گیا جو مطلوبہ مکان خریدنا چاہتی تھی جیسے ھی یہ لوگ اس گھر کے دروازے پر پہنچے ایک عمر رسیدہ بزرگ نے انھیں اندر آنے کی دعوت دی اور ڈرائنگ روم میں بیٹھنے کا کہا کچھ دیر بعد ایک عمر رسیدہ خاتون خانہ چاۓ کی ٹرالی ٹیبل سجاۓ ہوۓ ان لوگوں کی طرف آ رہی تھی جس پر چاۓ کے علاوہ گاجر کا حلوہ ،نمکو ،بسکٹ اور کچھ مٹھائی رکھی ہوئی تھی
وہ دونوں میاں بیوی ہمارے سامنے بیٹھ گئے اور ہمیں چاۓ نوش کرنے کی اجازت دینے لگے میں نے ان سے کہا ہماری آج پہلی ملاقات ہے اور ہم مکان کی بات چیت کرنے آئے ہیں اور آپ نے اتنا تکلف کیوں کیا ؟
بابا جی نے دھیمے سے لہجے میں کہا بیٹا آپ چاۓ نوش فرمائیں مکان کی بات بعد میں ہوتی رہے گی ہم سب لوگ چاۓ سے لطف اندوز ہوتے رھے اور ساتھ کچھ گفتگو کرتے رھے کچھ دیر بعد چاۓ وغیرہ پی کر میں نے بابا جی سے پوچھا آپ مکان کی بات کریں یہ مکان آپ کتنے میں دیں گے ؟ تو بابا جی نے کہا مکان کی قیمت پچاس لاکھ روپے ہے میں حیران ہو کر بولا بابا جی آپ کا مکان تو تیس لاکھ روپے کا بھی نہیں اور آپ پچاس لاکھ مانگ رہے ہیں؟ حیرت کی بات ہے آپ نے ہمیں چاۓ پلا کرہم پر احسان کیا ہے اور مکان کی قیمت بھی بہت زیادہ مانگی ہے لہٰذا ہمارا سودا نہیں ہو سکتا تو بابا جی نے کہا کوئی بات نہیں یہ کھانا پیناکچھ نہیں انسان اپنے نصیب کا کھاتا ہے ۔ خیر ہم دو تین گھنٹے وہاں گزار کر خالی ہاتھ واپس لوٹ آئے ۔
تین مہینے بعد میں نے اخبار میں پھر سے اسی مکان کی فروخت کا اشتہار پڑھا اور تعجب ہوا کہ ابھی تک بابا جی کا مکان نہیں بکا دوبارہ رابطہ کرنے کے لئیے ایک دوسری پارٹی کو ساتھ لے کر بابا جی کا مکان دیکھنے چلا گیا جیسےہی دروازہ کھٹکھٹایا تو بابا جی نے پر تپاک طریقے سے اندر آنے کی دعوت دی اور ہمیں ڈرائنگ روم میں بٹھایا اور کچھ دیر بعد وہی خاتون خانہ چاۓ کی ٹرالی ٹیبل لے کر ہماری طرف آ رہی تھی
میں نے بے ساختہ لہجے میں کہا بابا جی آپ اتنا تکلف کیوں کرتے ہیں آپ مکان کتنے میں بیچنا چاھتے ہیں بابا جی نے کہا آپ چاۓ نوش فرمائیں مکان کی بات بعد میں کرتے ہیں ۔ پہلے کی مرتبہ اس بار بھی چاۓ وغیرہ پینے کے بعد کچھ گفتگوہوئی اور بابا جی سے مکان کی بات کرنا چاہی تو بابا جی نے پھر پچاس لاکھ کی ڈیمانڈ کر دی مجھے غصہ بھی آیا اور حیرت بھی ہوئی کہ یہ بابا جی دماغی مریض لگتےہیں ہم نے اجازت طلب کی اور وہاں سے واپس آ گئے ۔
اس بات کو کافی ماہ گزر گئے میرا ایک دوست جو پراپرٹی ڈیلر تھا اس کا مجھے فون آیا اور اس نے کہا ایک مکان مل رھا ہے کافی سستا ہے اگر ارادہ ہے تو چلو ساتھ تمہیں مکان دکھا دوں میں نے کہا چلو چلتے ہیں جب میں اس کے ساتھ گیا تو وہ وہی مکان تھا جو بابا جی کا تھا میں نے اپنے دوست کو ہنستے ہوے بتایا یہ بابا جی کا مکان ہے اور وہ بابا جی پاگل ہیں شاید- پھر میں نے اپنے دوست کو پچھلے دونوں واقعیات سناۓ تو اس دوست نے کہا اس بات میں کچھ نہ کچھ راز تو ضرور ہے چلو پتا کرتےہیں
ہم نے دروازہ کھٹکھٹایا تو بابا جی کی نظر مجھ پر پڑی انہوں نے مجھے گلے سے لگایا اور پہلے کی مرتبہ اس بار بھی اندر آنے کی دعوت دی اور ڈرائنگ روم میں لے گئے کچھ دیر بعد وہی خاتون چاۓ کی ٹرالی ٹیبل ہماری طرف لاتی ہوئی دکھائی دیں بابا جی نےہمیں چاۓ نوش کرنے کا کہا ۔ میرے دوست نے کہا بابا جی آج ھم چاۓ تب تک نہیں پئیں گے جب تک آپ ہمیں یہ نہیں بتاتے کہ آپ مکان کی فروخت کا اشتہار دیتے رہتے ہیں لیکن مکان فروخت نہیں کرتے اور جو مکان خریدنے آتا ہے اس کی تواضح کر کے اسے بھیج دیتےہیں آخر ماجرا کیا ہے ؟
یہ بات سن کر بابا جی نے اپنی بیوی کی طرف دیکھا اور اداسی والی نگاہوں سے میری طرف پلٹے اور کہا ھم نے مکان نہیں بیچنا ھم صرف یہ چاہتے ہیں کہ ہمارے گھر کوئی آتا جاتا رہے ہم کسی سے بات چیت کرتے رہیں اور کوئی ھم سے باتیں کرے ہم بوڑھےہیں لاچار ہیں ھمارے 3 بیٹے ہیں جنھیں ہم نے اچھی تعلیم دلوائی وہ ملک سے باہر ہیں لیکن ہمارے لئیے نہ ہونے کے برابر ہیں ہم اکیلے پن کی وجہ سے اپنے آپ کو اس گھر کی دیواروں کو دیکھ دیکھ کر اکتا گئے ہیں اس لئیے ہم نے سوچا ھم اپنی اس اداسی کو لوگوں کی تواضح سے ختم کریں ان کی باتیں سن کر میرا دل پسیج گیا اور میں نےسوچا بڑھاپا اور اکیلا پن ان دونوں چیزوں کے ساتھ زندگی کس قدر کٹھن ہے بابا جی نے کہا بیٹا دنیا کی ضرورتوں کو پورا کرنے کے لئیے سب کچھ پاس ہے لیکن بڑھاپے میں اولاد کا سہارا ہی ساتھ دیتا ہے-

بڑھاپے میں بوڑھے والدین کو آپکے پیسے کے نہیں بلکہ آپکی ضرورت زیادہ ہوتی ھے۔ لہذا والدین کو زیادہ سے زیادہ وقت دیں..

کچھ اور نہیں تو کم از کم وہ چاند ضرور بنیں جو اندھیری رات کے مسافروں کی راہنمائی کرتا ہے راستہ دکھانے کے ساتھ ساتھ راستے کے حشرات سے بھی آگاہ کرتا ہے اپنی پسند کے انسانوں کی نہیں بلکہ ہر انسان کے لیے روشنی مهیا کرتا ہے جو روشنی کا طلبگار ہوتا ہے
اسی لیے چاند بس محبتیں سمٹتا ہے اور رخصت ہوجاتا ہے
چاند بنیں . روشنی پھیلائیں. محبتیں سمیٹیں اور جنت الفردوس کی میراث کے لیے دعا گو رہیں

جس طرح روزانہ کام پر جانا ضروری ہوتا ہے
جس طرح بجلی کے بل ادا کرنا ضروری ہوتا ہے
جس طرح اچھی صحت کے لیے روزانہ ورزش ضروری ہوتی ہے
اسی طرح بچوں کو با اخلاق اور باکردار بنانے کے لیے روزانہ کی بنیاد پر شعوری تربیت ضروری ہے

وراثت صرف پیسہ ہی نہیں، بعض اوقات آپ کے والد کی نیک نامی بھی کافی ہوتی ہے، اور آپ جہاں جاتے ہیں، آپ کو بتایا جاتا ہے کہ آپ کے والد کا شمار بہترین لوگوں میں ہوتا ہے.🥰

اگر تُم باشعور ہو کر بھی شعور نہیں پھیلاتے، تو تم آنے والے نسلوں کےلیے مجرم ہو__!!

ہمیں اختلاف سسٹم سے ہوسکتا ہے سسٹم چلانے والوں سے ہوسکتا ہے لیکن یہ سبز حلالی پرچم ہماری پہچان ہے اور وطن سے محبت ہمارے ایمان کا حصہ ہے ❤️

جیسے میڈیکل کی کتاب چومنے سے بندہ ڈاکٹر نہیں بنتا ایسے ہی قرآن چومنے سے بندہ مسلمان نہیں بنتا۔ سمجھ کر پڑھنے اور عمل سے بندہ مومن بنتا ہے

ہر بچہ اپنی زندگی کی کہانی لکھ رہا ہے۔ والدین جو کچھ دیتے ہیں وہ اسے یہ کہانی لکھنے میں مدد دیتا ہے۔ اپنے بچے کو بہترین تربیت اور اعتماد کا تحفہ دیجیے کہ وہ ایسی کہانی لکھے جس پر انسانیت فخر کرے۔

آتے جاتے آپ کو کبھی کبھی راستے میں ایسے لوگ ملیں گے.. جو محدود سی چیزیں لیے بیچتے نظر آئیں گے یہ وہ لوگ ھوتے ہیں جو ہاتھ نہیں پھیلاتے اور اپنی تھوڑے سے پیسوں سے اس طرح کی چیزیں لیے آتے جاتے لوگوں کے چہرے دیکھتے رہتے ہیں کہ کوئ خرید لے ایسے لوگوں سے بلا ضرورت بھی لے لینی چاہیے اور بغیر بھاؤ تاؤ کے... اگر دو چار روپے مہنگی بھی دے رہے ھوں تو بھی لے لو.......

والدین کی بڑی ذمہ داری بچوں کی تربیت کرنا اور احساس ذمہ داری پیدا کرنا ہے ایک وقت تھا جب تعلیم کیساتھ تربیت کا لفظ صرف لکھا ہی نہیں بلکہ عملی طور پر نظر بھی آتا تھا یہی وجہ تھی کے اخلاقیات زندہ تھیں محبت کرنے والے زیادہ اور نفرت کرنے والے کم تھے۔
پھر وقت بدلا سوچ بدلی اور صرف تعلیم کو اہمیت دی جانے لگی لوگ پڑھے لکھے ہونے کے باوجود جاہل رہے برداشت ختم ہو گئی احساس ختم ہو گیا ہر دل میں نفرت نے ڈھیرے ڈال لیے اور ایک پُرفتن دور کا آغاز ہوا جہاں آزادی کا مطلب ننگا رہنا اور سچائی کا مطلب بد تمیزی کرنا سمجھا جانے لگا جہاں حقوق کی طلب بڑھ گئی اور فرائض نظر انداز کیے جانے لگے یوں لوگ ان پڑھ اور پڑھے لکھے جاہل ہوگئے۔
آج پھر سوچ بدلنے کی ضرورت ہے خود میں تحمل مزاجی اور برداشت پیدا کرنے کی ضرورت ہے عملی طور پر کردار میں تضاد ختم کرنے کی ضرورت ہے
تعلیم کیساتھ ساتھ تربیت کرنے کی ضرورت ہے سچائی کیساتھ اخلاق سیکھنے کی ضرورت ہے حقوق کیساتھ فرائض نبھانے کی ضرورت ہے
تاکہ ہم باشعور انسان کہلا سکیں

‏بچہ جوں جوں بڑا ہوتا چلا جاتا ہے۔۔۔سزاؤں اور دباؤ میں اضافہ ہوتا چلا جاتا ہے۔۔۔

گھر میں والدین یہ کہہ کر گلے لگانا چھوڑ دیتے ہیں کہ ''اب تم بڑے ہوگئے ہو بچوں والی حرکتیں بند کرو''۔
سکول میں استاد کے ''ڈنڈے'' منتظر ہوتے ہیں کہ ''تم شیطان ہو، ہر وقت شرارتیں کرتے ہو''۔

یعنی گلے لگنے کا حق بھی زیادہ تر گھرانوں میں پانچ سے آٹھ سال تک محدود ہوجاتا ہے۔۔۔ اور شرارتوں کا حق تو پہلے ہی دن سکول چھین لیتا ہے۔۔۔

اب بچہ اکیلا ہوجاتا ہے۔۔۔ گلے لگا کر بات سننے والا کوئی نہیں۔۔۔ بات بات پر ماتھا چومنے والا کوئی نہیں۔۔۔ اپنا سب سے اچھا بیٹا یا بیٹی کہنے والا کوئی نہیں۔۔۔ تم ہمت کرو باپ/ماں ساتھ ہے کہنے والا کوئی نہیں۔۔۔
دوسری جانب:
سکول میں ہنسنے پر پابندی۔۔۔ قہقہہ تو ویسے ہی گلا دبوا دے گا۔۔۔ سوال زیادہ کرتے ہو سمجھ کچھ نہیں آتی۔۔۔ نالائق نالائق نالائق ہو تم۔۔۔ زیادہ بولا نہ کرو۔۔۔۔

اب جو بچہ بڑا ہوتا ہے۔۔۔ آپ اس کے جذبات سمجھ ہی نہیں سکتے۔۔۔ وہ بچپن سے کچھ کہنا چاہتا تھا۔۔۔ وہ بچپن سے ہر بات چھپاتا رہا۔۔۔ اسے بولنے آپ نے نہیں دیا۔۔۔ اسے گلے آپ نے نہیں لگایا۔۔۔ اس کی تعریف آپ نے نہیں کی۔۔۔ آپ معاشرے سے گھبرا کر بچے کا ماتھا نہ چوم سکے۔۔۔

آپ نے چونکہ اس کا درد اور اس کا کرب نہیں سمجھا۔۔۔ بچہ آپ کو اپنی تکالیف سمجھانا چاہتا تھا۔۔۔ آپ کے ڈر سے وہ کچھ بھی شئیر نہ کرسکا۔۔۔ پھر نشہ ہی اس کا سچا دوست بن جاتا ہے۔۔۔ اور یہ اپنی زندگی تباہ کرلیتے ہیں۔۔۔

آپ نے ہمیشہ اسے مارا۔۔۔ چھوٹے نقصان پر بڑی سزا دی۔۔۔ پیسے کے ضیاع پر کان کھینچے۔۔۔ پیالہ ٹوٹنے پر تھپڑ مارے۔۔۔ تب یہ باغی ہوکر معاشرے میں بڑے بڑے نقصان کا ماہر بن جاتا ہے۔۔۔

آپ نے اس کی کمزوری پر حوصلہ نہیں بڑھایا۔۔۔ پہلے چار نمبر تھے اب چھ پر شاباش نہیں دی۔۔۔ پورے نمبر۔۔۔ زیادہ نمبر۔۔۔ اور زیادہ کی رٹ لگائی۔۔۔ دوسرے بچوں سے اس کا مقابلہ کیا۔۔۔ اس کی ٹینشن کو ڈپریشن کا انجیکشن آپ نے لگایا۔۔۔ تب وہ خودکشی کرتا ہے۔۔۔ اور ہم خود کو زمہ دار سمجھتے نہیں۔۔۔

یاد رکھیں۔۔۔ بچہ یا بچی ایک سال کے ہیں۔۔۔ پانچ سال کے ہیں۔۔۔ دس کے یا چاہے تیس سال کے۔۔۔ والدین کی جھپی ایک اہم ضرورت ہے۔۔۔ بڑوں کا گلے لگانا ضروری ہے۔۔۔ کبھی گلے لگا کر رونے تو دیں۔۔۔ اپنے بچے کو یا چھوٹے کو سمجھیں تو سہی۔۔۔ اس کے دکھ، درد، غم، وجہ، ضرورت، پریشانی، احساسات۔۔۔ ان سب کو بھی زبان چاہیے۔۔۔ اظہار چاہیے۔۔۔ وہ سب سنتا سہتا بڑا ہوتا ہے۔۔۔ اندر پھٹ کر بیمار ہوتا ہے۔۔۔ سب کچھ سن کر چھپاتا ہے۔۔۔ تو کیا ہمیشہ دماغ کی ''خوردبین'' لگائیں گے؟؟؟ دل کی ''خوردبین'' لگا ان کے معاملات بھی سمجھیں۔۔۔ خود سے اتنا بھی دور نہ کریں۔۔۔

آدمی تو پچاس سال کا بھی۔۔۔ اپنے دل میں موجود بچے کا گلا گھونٹے بیٹھا ہوتا ہے۔۔۔ وجوہات تک پہنچنا ہوتا ہے۔۔۔ اعمال کو تکڑی میں تولنے کا کوئی فائدہ نہیں۔۔۔

اولاد قیمتی سرمایہ ہے نمبروں کی دوڑ میں پریشان مت کیجیۓ، حوصلہ دیجیۓ. دوسروں سے موازنہ مت کیجیۓ ، ہر بچے کی صلاحيتیں مختلف ہوتی ہے.