16/01/2026
بہترین اساتذہ کیوں سکول چھوڑ کر چلے جاتے ییں؟
ہر ادارے میں دو چار ایسے افراد ہوتے ہیں جو اپنے کام کو سمجھتے ہیں۔ جو کام کرنا جانتے ہیں۔ جو ادارے کے ساتھ مخلص ہوتے ہیں۔ جو ادارے کو اپنا سمجھتے ہیں۔ جو آپ کے سکول کا اصل چہرہ ہوتے ہیں۔
ایسے اساتذہ اچانک سکول چھوڑ دیتے ہیں۔
اساتذہ یا کسی بھی اچھے ایمپلاٸی کے ادارہ چھوڑنے کی سینکڑوں وجوہات ہوسکتی ہیں لیکن سب سے بڑی وجہ سکول مینجمنٹ کی طرف سے نظرانداز ہونا ہے۔
جب ان کو پتہ چل جاتا ہے کہ سکول میں نااہل اور چاپلوس ایمپلاٸیز کو اہمیت دی جارہی ہے۔
جب ان کو پتہ چلتا ہے کہ وہ جس لیول پر کام کرنا چاہتے ہیں ان سے اس لیول کا کام نہیں لیا جارہا۔
جب ان کو لگتا ہے کہ ادارے میں آگے بڑھنے کا واحد معیار پرنسپل کی ہاں میں ہاں ملانا ہے۔
جب وہ دیکھتے ہیں کہ اہم فیصلے ان کی غیر موجودگی میں ہورہے ہیں۔
جب ان کو آہستہ آہستہ ادارے سے دور کیا جاتا ہے۔
جب ان کو ترقی نہیں دی جاتی۔
جب ان کو اہم مواقع پر اگنور کیا جاتا ہے۔
جب ان کی تعریف تو کی جاتی ہے لیکن اہمیت نہیں دی جاتی۔
تو وہ ایک دم سے چھوڑ کر نہیں جاتے۔
وہ خاموش ہوجاتے ہیں۔
ان کی خاموشی ہی ان کا اختجاج ہوتا ہے۔
وہ اپنے آپ کو Isolate کرلیتے ہیں۔
ملنا جلنا کم کردیتے ہیں۔
سرجھکا کر اپنا کام کرتے ہیں, لیکن دکھانے کی کوشش نہیں کرتے۔
اس کے بعد وہ متبادل تلاش کرلیتے ہیں۔
وہ کوٸی اور جگہ ڈھونڈھ لیتے ہیں, جہاں ان کی قدر کی جاتی ہے, لیکن آپ ایک عظیم سرماۓ سے محروم ہو جاتے ہیں۔
اپنے آس پاس نظر دوڑاٸیں۔
ان کی خاموشی کو نوٹس کیجٸے۔
اپنے ہیرو ایمپلاٸیز کو نظرانداز مت کیجٸے۔ ان کو کھونے مت دیں۔
مزمل شاہ
#تعلیم
