Hidaya TV

کل، بروز جمعرات 15 مئی 2025
درگاہِ عالیہ حضرت سید بیدل بے کس رحمۃ اللہ علیہما پر سالانہ عرس کی پُرکیف محفل منعقد ہوئی۔

اس پُرنور موقع پر شیخ الحدیث والتفسیر، حضرت علامہ مولانا مفتی محمد ابراہیم قادری صاحب دامت برکاتهم نے خصوصی شرکت فرمائی اور خطاب فرمایا۔

اس محفل میں دارالعلوم جامعہ غوثیہ رضویہ کے اساتذہ کرام اور طلباء عظام نے بھرپور شرکت کی۔

شہر و بیرونِ شہر سے تشریف لانے والے کئی جید علمائے کرام نے بھی شرکت فرمائی اور اپنی حاضری سے محفل کو رونق بخشی۔

تمام عاشقانِ اولیاء اور محبانِ سادات سے مؤدبانہ گزارش ہے کہ
ایک مرتبہ سورۂ فاتحہ اور تین مرتبہ سورۂ اخلاص پڑھ کر اس کا ایصالِ ثواب حضرت بیدل رحمۃ اللہ علیہ کی روح کو ضرور پہنچائیں۔

اللہ تعالیٰ ہمیں ان کے فیوض و برکات سے مالا مال فرمائے، آمین۔

نمازِ جمعہ کے بعد جامع مسجد مکرانی، بندر روڈ سکھر میں بھارت کے خلاف ایک پُرامن احتجاجی مظاہرہ کیا گیا، جس میں عوام کی بڑی تعداد نے شرکت کی۔
اس موقع پر حضرت مفتی محمد ابراہیم قادری صاحب نے خطاب فرمایا اور بھارت کی حالیہ جارحیت کی شدید الفاظ میں مذمت کرتے ہوئے پاک فوج کی بہادری، قربانیوں اور استقامت کو خراجِ تحسین پیش کیا۔
انہوں نے دعا فرمائی کہ اللہ تعالیٰ پاک فوج کو ہر میدان میں فتح و نصرت عطا فرمائے اور دشمن کے ناپاک عزائم خاک میں ملا دے۔

قوم اپنے محافظوں کے ساتھ ہے — قدم بہ قدم، دل سے دل تک!

آج بروز جمعہ، جامع مسجد مکرانی میں حضرت علامہ فقیہ العصر، شیخ الحدیث، مفتی محمد ابراہیم قادری صاحب دامت برکاتہم العالیہ نے نہایت پُراثر اور ایمان افروز خطاب فرمایا۔

آپ نے اپنے خطبہ جمعہ میں نہ صرف امتِ مسلمہ کو درپیش چیلنجز کا ذکر فرمایا بلکہ قرآن و سنت کی روشنی میں ان کا حل بھی پیش فرمایا۔ خطبے کے اختتام پر فلسطین کے مظلوم مسلمانوں کے حق میں خصوصی دعائیں کی گئیں، اور تمام حاضرین سے درخواست کی گئی کہ وہ اپنے ان مظلوم بھائیوں کو اپنی دعاؤں میں ضرور یاد رکھیں۔

اللہ تعالیٰ مفتی صاحب کی عمر میں برکت عطا فرمائے اور ہمیں ان کے علم و عمل سے بھرپور استفادہ کرنے کی توفیق عطا فرمائے۔
آمین۔

الحمدللہ! ہر سال کی طرح اس سال بھی فقیہ العصر حضرت علامہ مولانا شیخ الحدیث مفتی محمد ابراہیم قادری دامت برکاتہم العالیہ کی سرپرستی میں عید کے تیسرے روز شاندار "عید ملن پارٹی" کا انعقاد کیا گیا۔ اس پر وقار محفل کا آغاز تلاوتِ قرآنِ پاک سے ہوا، اس کے بعد حمدِ باری تعالیٰ پیش کی گئی، اور پھر نعتِ رسول مقبول ﷺ کی سعادت حاصل کی گئی۔

یہ بابرکت اجتماع خاص طور پر عزت مآب سید خورشید احمد شاہ صاحب، جناب نعمان اسلام شیخ صاحب، سید فرخ احمد شاہ صاحب، اور بیرسٹر ارسلان اسلام شیخ صاحب کے اعزاز میں منعقد کیا گیا۔

اس محفل میں ملک کی سلامتی، امن و استحکام کے لیے خصوصی دعائیں کی گئیں، اور بالخصوص فلسطین کے مظلوم مسلمانوں کو اپنی دعاؤں میں یاد رکھا گیا۔ یہ تقریب محبت، بھائی چارے اور امتِ مسلمہ کے اتحاد کی ایک خوبصورت مثال تھی۔ اللہ تعالیٰ اس محفل کو قبول فرمائے اور ہمیں آئندہ بھی ایسی بابرکت محافل میں شرکت کی توفیق عطا فرمائے۔ آمین!

آج بروز 7 رمضان المبارک، فقیہ العصر، شیخ الحدیث حضرت مفتی محمد ابراہیم قادری دامت برکاتہم العالیہ عمرہ کی سعادت حاصل کرنے کے بعد اپنے شہر سکھر واپس تشریف لائے۔ عاشقانِ علم و عقیدت مندوں نے والہانہ محبت کے ساتھ ان کا شاندار استقبال کیا اور مبارکباد پیش کی۔

اللہ رب العزت مفتی صاحب کے علم و عمل، عمر، صحت اور فیوض و برکات میں مزید برکت عطا فرمائے اور ہمیں بھی علم و دین کی روشنی سے مستفید ہونے کی توفیق عطا فرمائے۔ آمین یا رب العالمین!

✨🕋🌙