Madrassa Huffaz ul Quran skardu

صلی اللّٰہ علیک یا ابا عبداللہ ع

صلی اللہ علیک یا ابا عبداللہ الحسین علیہ السلام

صلی اللّٰہ علیک یا ابا عبداللہ الحسین علیہ السلام
عشرہ محرم الحرام کی دوسری مجلس

صلی اللّٰہ علیہ یا ابا عبداللہ
عشرہ محرم الحرام کی پہلی مجلس

مطالعاتی دورہ
وادی خپلو

جشنِ عیدِ غدیر و مباہلہ
الْحَمْدُ لِلَّهِ الَّذِی جَعَلَنَا مِنَ الْمُتَمَسِّکِینَ بِوِلاَیَهِ أَمِیرِ الْمُؤْمِنِینَ وَ الْأَئِمَّهِ عَلَیْهِمُ السَّلاَمُ

ادارہ ہٰذا میں گزشتہ شب عیدین؛ عیدِ غدیر اور عیدِ مباہلہ کی مناسبت سے ایک نہایت پُروقار، علمی اور روحانی جشن کا انعقاد کیا گیا۔ اس بابرکت محفل میں مہمانِ خصوصی کی حیثیت سے معروف عالمِ دین حجۃ الاسلام شیخ یعقوب قمی تشریف فرما تھے، جبکہ ادارہ ہٰذا کے پرنسپل شیخ محمد الیاس قمی نے بھی خصوصی شرکت فرما کر محفل کی رونق میں اضافہ کیا۔
جشن کے دوران مقابلۂ تقریر اور مقابلۂ مدح خوانی کا اہتمام کیا گیا، جن میں طلبہ نے بھرپور جوش و جذبے کے ساتھ حصہ لیا۔ اساتذۂ کرام نے ججز کے فرائض انجام دیے۔ طلبہ نے عیدِ غدیر اور عیدِ مباہلہ کے موضوعات پر مدلل تقاریر اور عقیدت سے بھرپور مناقب پیش کرکے حاضرین سے خوب داد وصول کی۔
اس موقع پر مہمانِ خصوصی حجۃ الاسلام شیخ یعقوب قمی حفظہ اللہ اور صدرِ محفل شیخ محمد الیاس قمی حفظہ اللہ نے اپنے خطابات میں واقعۂ غدیر اور واقعۂ مباہلہ کی تاریخی، دینی اور تربیتی اہمیت کو نہایت مؤثر انداز میں بیان کیا اور سامعین کو قیمتی علمی و فکری نکات سے مستفید فرمایا۔
محفل کے اختتام پر مختلف مقابلہ جات میں نمایاں پوزیشن حاصل کرنے والے طلبہ میں تعریفی شیلڈز اور انعامات تقسیم کیے گئے۔
اللہ تعالیٰ اس بابرکت محفل اور اس کے تمام منتظمین، شرکاء اور معاونین کی کاوشوں کو اپنی بارگاہ میں شرفِ قبولیت عطا فرمائے اور اسے دینِ محمدؐ و آلِ محمدؑ کی خدمت کا ذریعہ بنائے۔ آمین یا رب العالمین۔