Hassan Science High School Anjotar Sialkot

15 اُلٹے کام
جن کے فائدے سیدھے ہیں
ایسے کام جو بظاہر "الٹے" (Paradoxes) لگتے ہیں، لیکن ان کے نتائج ہمیشہ "سیدھے" اور مثبت نکلتے ہیں۔ ان کو "زندگی کے پیراڈاکس" بھی کہا جاتا ہے۔
1. زیادہ پانے کے لیے، بانٹنا شروع کر دیں
اگر آپ چاہتے ہیں کہ آپ کے پاس دولت، عزت یا علم بڑھے، تو اسے جمع کرنے کی بجائے بانٹنا شروع کریں۔ کنواں جتنا پانی دیتا ہے، اتنا ہی تازہ پانی اس میں واپس آتا ہے۔
2. سنے جانے کے لیے، سننا شروع کریں
اگر آپ چاہتے ہیں کہ لوگ آپ کی بات غور سے سنیں، تو پہلے آپ ان کی بات پوری توجہ سے سننا شروع کریں۔ اچھا سامع ہی بہترین مقرر ہوتا ہے۔
3. قابو پانے کے لیے، چھوڑنا سیکھیں
لوگوں اور حالات کو جتنا کنٹرول کرنے کی کوشش کریں گے، وہ اتنا ہی ہاتھ سے نکلیں گے۔ انہیں آزاد چھوڑ دیں، چیزیں خود بخود آپ کے حق میں بہتر ہو جائیں گی۔
4. تیزی کے لیے، آہستہ ہو جائیں
جلد بازی ہمیشہ کام خراب کرتی ہے اور وقت زیادہ لگتا ہے۔ "آہستہ چلنا" دراصل "مسلسل چلنا" ہے، اور یہی سب سے تیز رفتار ہے۔
5. خوشی کے لیے، غم کو قبول کریں
خوشی کے پیچھے بھاگنا بند کریں اور اپنے دکھوں کو قبول کر لیں۔ جب آپ غم سے لڑنا چھوڑ دیتے ہیں، تو سکون خود بخود آ جاتا ہے۔
6. سیکھنے کے لیے، جاہل بن جائیں
اگر آپ خود کو عقلِ کل سمجھیں گے تو کچھ نیا نہیں سیکھ پائیں گے۔ مان لیں کہ "میں کچھ نہیں جانتا"، تبھی علم کے دروازے کھلیں گے۔
7. آرام کے لیے، جسم کو تھکائیں
اگر آپ ذہنی سکون اور اچھی نیند چاہتے ہیں، تو جسم کو مشقت اور ورزش میں تھکانا پڑتا ہے۔ بیٹھے رہنے سے تھکاوٹ بڑھتی ہے، کام کرنے سے انرجی ملتی ہے۔
8. محفوظ رہنے کے لیے، خطرہ مول لیں
سب سے زیادہ غیر محفوظ جگہ "کمفرٹ زون" ہے۔ ترقی اور اصل تحفظ صرف رسک لینے اور نامعلوم سمندر میں کودنے میں ہے۔
9. پسند کیے جانے کے لیے، متاثر کرنا چھوڑ دیں
دوسروں کو امپریس (Impress) کرنے کی کوشش بند کر دیں۔ جب آپ اپنی اصلی حالت میں رہتے ہیں اور بناوٹ نہیں کرتے، تب لوگ آپ کو پسند کرتے ہیں۔
10. کامیابی کے لیے، ناکامی کو گلے لگائیں
ناکامی سے بچنے کی کوشش ہی سب سے بڑی ناکامی ہے۔ جتنی زیادہ ناکامیاں ہوں گی، کامیابی کا راستہ اتنا ہی صاف اور پکا ہوگا۔
11. لیڈر بننے کے لیے، خادم بنیں
حکم چلانے سے کوئی لیڈر نہیں بنتا۔ دوسروں کی خدمت اور مدد کرنے والا ہی اصل میں لوگوں کے دلوں پر راج کرتا ہے۔
12. پانے کے لیے، کھونا پڑتا ہے
کچھ نیا حاصل کرنے کے لیے پرانی چیزوں، پرانی عادتوں اور پرانے دوستوں کی قربانی دینی پڑتی ہے۔ ہاتھ خالی ہوں گے تبھی ان میں کچھ نیا تھاما جا سکے گا۔
13. جڑنے کے لیے، تنہا ہو جائیں
اگر آپ دنیا سے گہرا تعلق بنانا چاہتے ہیں، تو کچھ وقت تنہائی میں گزاریں۔ جو خود کو جان لیتا ہے، وہ پوری کائنات کو سمجھ لیتا ہے۔
14. زندگی کے لیے، موت کو یاد رکھیں
زندگی کا بھرپور مزہ تب آتا ہے جب انسان کو احساس ہو کہ یہ وقت محدود ہے۔ موت کی یاد انسان کو زندہ دل بناتی ہے۔
15. بڑا بننے کے لیے، چھوٹا بن جائیں
عاجزی اختیار کریں۔ جو درخت جھکتا ہے، وہی پھل دیتا ہے اور آندھیوں سے بچا رہتا ہے۔ اکڑ صرف مردے کی پہچان ہے۔

ایگزیبشن پر رکھا گیا فن پار

ہمارے ستارے

انٹرویو میں ان ستر سالہ خاتون سے پوچھا گیا کی ان کی پرسکون ازدواجی زندگی کا راز کیا ہے؟

کیا وہ کھانا بنانے میں بہت ماہر تھیں؟
یا پھر ان کی خوبصورتی اس کا سبب ہے؟

یا ڈھیر سارے سارے بچوں کا ہونا اس کی؟وجہ ہے یا پھر کوئی اور بات ہے؟

بوڑھی خاتون نے جواب دیا : پرسکون شادی شدہ زندگی کا دار و مدار اللہ کی توفیق کے بعد عورت کے ہاتھ میں ہے،

اس سلسلے میں مال کا نام مت لیجیے
بہت ساری مالدار عورتیں ہیں جن کی زندگی اجیرن ہے، شوہر ان سے بھاگا رہتا ہے

خوشحال شادی شدہ زندگی کا سبب اولاد بھی نہیں ہے، بہت ساری عورتیں ہیں جن کے بچے ہیں پھر بھی وہ شوہر کی محبت سے محروم ہیں بلکہ طلاق تک کی نوبت آجاتی ہے

بہت ساری خواتین کھانا پکانے میں ماہر ہوتی ہیں، دن دن بھر کھانا بناتی رہتی ہیں لیکن پھر بھی انہیں شوہر کی بدسلوکی کی شکایت رہتی ہے

انٹرویو لینے والی خاتون صحافی کو بہت حیرت ہوئی، اس نے پوچھا :
پھر آخر اس خوشحال زندگی کا راز کیا ہے ؟

بوڑھی خاتون نے جواب دیا : جب میرا شوہر انتہائی غصے میں ہوتا ہے تو میں خاموشی کا سہارا لے لیتی ہوں لیکن اس خاموشی میں بھی احترام شامل ہوتا ہے، میں افسوس کے ساتھ سر جھکا لیتی ہوں.
ایسے موقع پر بعض خواتین خاموش تو ہوجاتی ہیں لیکن اس میں تمسخر کا عنصر شامل ہوتا ہے اس سے بچنا چاہیے، سمجھدار آدمی اسے فوراً بھانپ لیتا ہے

صحافی خاتون نے پوچھا : ایسے موقعے پر آپ کمرے سے نکل کیوں نہیں جاتیں؟

بوڑھی خاتون نے جواب دیا : نہیں، ایسا کرنے سے شوہر کو یہ لگے گا کہ آپ اس سے بھاگ رہی ہیں،
اسے سننا بھی نہیں چاہتی ہیں.

ایسے موقعے پر خاموش رہنا چاہیے اور جب تک وہ پرسکون نہ ہوجائے اس کی کسی بات کی مخالفت نہیں کرنی چاہیے.

جب شوہر کسی حد تک پرسکون ہوجاتا ہے تو میں کہتی ہوں :
پوری ہو گئی آپ کی بات ؟

پھر میں کمرے سے چلی جاتی ہوں
کیونکہ شوہر بول بول کر تھک چکا ہوتا ہے اور چیخنے چلانے کے بعد اب اسے تھوڑے آرام کی ضرورت ہوتی ہے.

میں کمرے سے نکل جاتی ہوں اور اپنے معمول کے کاموں میں مصروف ہو جاتی ہوں.

خاتون صحافی نے پوچھا : اس کے بعد آپ کیا کرتی ہیں؟ کیا آپ بول چال بند کرنے کا اسلوب اپناتی ہیں؟ ایک آدھ ہفتہ بات چیت نہیں کرتی ہیں؟

بوڑھی خاتون نے جواب دیا : نہیں !
اس بری عادت سے ہمیشہ بچنا چاہیے،

یہ دودھاری ہتھیار ہے،
جب آپ ایک ہفتے تک شوہر سے بات چیت نہیں کریں گی ایسے وقت میں جب کہ اسے آپ کے ساتھ مصالحت کی ضرورت ہے تو وہ اس کیفیت کا عادی ہو جائے گا اور پھر یہ چیز بڑھتے بڑھتے خطرناک قسم کی نفرت کی شکل اختیار کر لے گی.

صحافی نے پوچھا : پھر آپ کیا کرتی ہیں؟

بوڑھی خاتون بولیں :
میں دو تین گھنٹے بعد شوہر کے پاس ایک گلاس جوس یا ایک کپ کافی لے کر جاتی ہوں اور محبت بھرے انداز میں کہتی ہوں: پی لیجیے.

حقیقت میں شوہر کو اسی کی ضرورت ہوتی ہے.
پھر میں اس سے نارمل انداز میں بات کرنے لگتی ہوں.

وہ پوچھتا ہے کیا میں اس سے ناراض ہوں؟

میں کہتی ہوں : نہیں.
اس کے بعد وہ اپنی سخت کلامی پر معذرت کرتا ہے اور خوبصورت قسم کی باتیں کرنے لگتا ہے.

انٹرویو لینے والی خاتون نے پوچھا : اور آپ اس کی یہ باتیں مان لیتی ہیں؟

بوڑھی خاتون بولیں : بالکل، میں کوئی اناڑی تھوڑی ہوں، مجھے اپنے آپ پر پورا بھروسہ ہوتا ہے.

کیا آپ چاہتی ہیں کہ میرا شوہر جب غصے میں ہو تو میں اس کی ہر بات کا یقین کرلوں اور جب وہ پرسکون ہو تو تو اس کی کوئی بات نہ مانوں؟

خاتون صحافی نے پوچھا : اور آپ کی عزت نفس (self respect) ؟

بوڑھی خاتون بولیں :
پہلی بات تو یہ کہ میری عزت نفس اس میں ہے
جب میرا شوہر مجھ سے راضی ہو
اور ہماری شادی شدہ زندگی پرسکون ہو

دوسری بات یہ کہ شوہر بیوی کے درمیان عزت نفس نام کی کوئی چیز نہیں ہوتی

جب مرد و عورت ایک دوسرے کے لباس ہیں تو پھر کیسی عزت نفس ؟؟

توجہ فرمائیں

کامیاب بنیں

الحمد للہ