15/08/2026
فزکس سیکنڈ ایئر کی مارکیٹ میں دستیاب پرنٹ شدہ کتاب میں یونٹ نمبر 20 سے نمیریکلز ختم کر دیے گئے ہیں۔ پہلے ورژن میں یونٹ 20 کے نمیریکلز شامل تھے، جبکہ دوسرے ورژن میں انہیں حذف کر دیا گیا، اور اب نئے پرنٹ شدہ ورژن میں بھی یہ نمیریکلز موجود نہیں ہیں۔
تاہم، کتاب کے آخر میں دی گئی نئی پیئرنگ سکیم کے ماڈل پیپر میں یونٹ نمبر 20 سے نمیریکل شامل کیا گیا ہے۔ یہ صورتحال طلبہ کے لیے خاصی الجھن کا باعث بن سکتی ہے، کیونکہ کتاب کے مطابق یونٹ 20 سے نمیریکلز ختم کیے جا چکے ہیں، لیکن ماڈل پیپر میں اسی یونٹ سے نمیریکل شامل کر دیا گیا ہے۔
پیکٹا حکام کو چاہیے تھا کہ کتاب کی پرنٹنگ سے قبل پیئرنگ سکیم اور ماڈل پیپر کا بھی مکمل جائزہ لیا جاتا، تاکہ کتاب کے مواد اور امتحانی پیٹرن میں تضاد پیدا نہ ہوتا۔
نئی پیئرنگ سکیم کے مطابق اب طلبہ یونٹ نمبر 20 سے تھیوری، جبکہ یونٹ نمبر 21 سے نمیریکلز کی تیاری کریں گے۔ اس حوالے سے طلبہ اور اساتذہ کی رہنمائی کے لیے واضح وضاحت یا تصحیح جاری کی جانی چاہیے، تاکہ امتحان کی تیاری میں کسی قسم کی پریشانی نہ ہو۔
