Dr Mufti Wasil Mahmood Abbasi

27/08/2026

سالانہ عظیم الشان میلاد مصطفی کانفرنس بسلسلہ جشن عید میلاد النبی صلی اللہ علیہ وآلہ وسلم
میلاد چوک شجاع آباد کی تصویری جھلکیاں
جماعت اہلسنت پاکستان شجاع آباد❤

27/08/2026

| شجاع آباد کا مرکزی جلوس | جشنِ عیدمیلادالنبیﷺ –جلوسِ کی روح پرور تصویری جھلکیاں |

ہر سال کی اس سال بھی جامعہ انوارقادریہ بستی کوٹلی جھنڈیر استاذ القراء پیرقاری محمدعبدالقیوم عباسی جھنڈیر رحمتہ اللہ علیہ کی مزار شریف سے آمدمصطفیٰﷺ کے سلسلے میں جشنِ عید میلاد النبی ﷺ کا مرکزی جلوس نہایت عقیدت، محبت اور روایتی شان و شوکت کے ساتھ نکالا گیا۔
جلوس میں علماء ومشائخ کرام کی کثیرا تعداد ، آپ کے مریدین و معتقدین وتلامذہ نے کافلوں کی صورت میں کثیرا تعداد میں شرکت فرمائی- جلوس کا چوک در چوک استقبال کیا گیا۔
گلیاں درود و سلام سے گونجتی رہیں، عاشقانِ رسول ﷺ محبت اور عقیدت کے ساتھ جلوس میں شریک ہوتے رہے، اور شجاع آباد نے ایک بار پھر اپنے جذبۂ عشقِ رسول ﷺ کا خوبصورت اظہار کیا۔
تمام اہلِ اسلام اور عاشقانِ رسول ﷺ کو دل کی گہرائیوں سے عید میلاد النبی ﷺ مبارک ہو۔
اللہ تعالیٰ ہم سب کی حاضری، درود و سلام اور محبتِ رسول ﷺ کو اپنی بارگاہ میں قبول فرمائے۔ آمین۔
جلوس کی زیرقیادت ۔جانشین شیخ المجودین شیخ الحدیث والتفسیر استاذُالعلماء حضرت علامہ مولانا صاحبزادہ ڈاکٹرمفتی واصل محمودعباسی صاحب
(امیر جماعت اہلسنت پاکستان شجاع آباد) نے فرمائی۔

25/08/2026

عشقِ مصطفیٰ ﷺ

عشق اپنے فیصلے خود کرتا ہے؛
یہ نہ دولت کی چمک سے مرعوب ہوتا ہے، نہ غربت کی پستی سے گھبراتا ہے، نہ ظاہری حسن و شان و شوکت کو اپنا معیار بناتا ہے۔ عشق تو وہ نگاہ ہے جو چہروں سے آگے دلوں کو دیکھتی ہے، الفاظ سے آگے اخلاص کو پرکھتی ہے اور دنیاوی دعووں سے بڑھ کر وفا کو پہچانتی ہے۔

جہاں محبت سچی ہو، وہاں امیری و غریبی کی دیواریں خود بخود گر جاتی ہیں، مرتبے مٹ جاتے ہیں، فاصلے سمٹ جاتے ہیں اور صرف دل کی سچائی باقی رہ جاتی ہے۔

اور جب یہی محبت عشقِ مصطفیٰ ﷺ کا رنگ اختیار کر لے تو پھر دنیا کی ہر چمک آنکھوں میں بے معنی ہو جاتی ہے۔ نہ مال کی طلب رہتی ہے، نہ منصب کی چاہ، نہ شہرت کی خواہش؛ دل کو اگر کچھ عزیز رہتا ہے تو وہ صرف ذکرِ مصطفیٰ ﷺ، نسبتِ مصطفیٰ ﷺ اور محبتِ مصطفیٰ ﷺ ہے۔

یہ وہ عشق ہے جو انسان کو دنیا کا محتاج نہیں رہنے دیتا، کیونکہ جس دل میں مصطفیٰ ﷺ کی محبت بس جائے، اُس دل کے لیے دنیا کی ہر دولت ہیچ اور محبتِ رسول ﷺ ہی سب سے بڑی دولت، سب سے بڑی عزت اور سب سے بڑی سعادت بن جاتی ہے۔

دنیا نصیب سے ملتی ہے، مگر عشقِ مصطفیٰ ﷺ نصیب والوں کو ملتا ہے۔
اور جس دل کو یہ دولت مل جائے، پھر وہ دنیا کا سب سے امیر انسان ہے۔ ﷺ

طالبِ دعا
صاحبزادہ ڈاکٹر مفتی واصل محمود عباسی

25/08/2026

خدا آباد رکھے سلسلہ یہ تیریﷺ نسبت کا
‏ وگرنہ ہم بھری دنیا میں پہچانے کہاں جاتے🌹

‏ نصیر اچھا ہوا در مل گیا اُنﷺ کا ہمیں ورنہ
‏ کہاں رکتے کہاں تھمتے خدا جانے کہاں جاتے.❤️

24/08/2026