Brain's academy of scientific education-BASE

سکول جوائن کیے ہوئے تین ہفتے ہونے والے ہیں۔ میٹرک کے امتحانات سر پہ ہیں اور بچے... بالکل distracted ہیں۔ ٹیچرز سر کھپا لیں، رو لیں، پیار سے کہہ لیں، غصہ کر لیں۔ سزا دے دیں.. مگر نتیجہ وہی ہے۔ آج بچوں کے پاس بیٹھی تھی، باتیں کرنے لگی۔ احساس ہوا کہ بچوں کا سب سے بڑا مسئلہ time management ہے۔ انہیں پتہ ہی نہیں چلتا کہ پہلے کیا پڑھیں، کتنا پڑھیں۔ یہی کیوں پڑھیں یا یہی کیوں نہ پڑھیں۔ میں سوچ رہی تھی کہ نمبروں کی دوڑ میں، سکولوں کی آپس کی جنگ میں... بچوں سے ان کے بنیادی حقوق چھین لیے ہیں۔ ٹیچرز پریشان ہیں کہ بچے لاپرواہ ہیں۔ بچے نہیں ہیں۔ وہ ٹیچرز سے بڑھ کر پریشان ہیں، کیونکہ وہ اندھا دھند چلے جا رہے ہیں۔ ہم پیپر چیک کرتے ہیں، رو پیٹ کر ، ڈانٹ کر چکے جاتے ہیں۔ کبھی اس پہ بات نہیں کی کہ بیٹا، اتنے دن ہیں۔ اتنے دنوں میں تم اس سبجیکٹ کو یوں پڑھ لو تو یقین کرو تم کامیاب ہو جاؤ گے۔ کیوں سے کیسے تک کا سفر ٹیچر ہی نہیں کرے گا تو بچہ کیسے آگے بڑھ سکے گا؟ وہ لاپرواہ نہیں ہے۔ وہ کبھی اتنا تھک جاتا ہے کہ کام کو چھوڑ دینا آسان سمجھتا ہے۔ یقین کریں، وہ صرف کام ہی چھوڑتا ہے، 'نالائق' نہیں ہوتا۔

مگر شاید اس میں ٹیچرز کی بھی غلطی نہیں۔ اپنا بوجھ اٹھاتے اٹھاتے اتنا تھک جاتے ہیں کہ بچوں کے بوجھ اٹھانے سے خوف محسوس ہوتا ہے۔ خود بھی time management کے حوالے سے suffer کر رہے ہیں۔ کسی نا کسی معاملے میں، زندگی کے کسی فیز میں، سبھی کرتے ہیں۔ مگر میں سات سال سے 90٪ ٹیچرز میں، لوگوں میں، یہ چیز لگاتار دیکھ رہی ہوں۔

ٹائم مینجمنٹ کے حوالے سے ایک کتاب 'How to master time' پڑھی تھی۔ آج بس سارا دن وہی یاد آتی رہی۔ کچھ دیر پہلے سوچا کہ کل ہر چیز چھوڑ دوں گی۔ کلاس میں جا کر مسکراؤں گی۔ ہلکی پھلکی باتیں کروں گی۔ اپنی سٹوڈنٹ لائف کی مشکلات بتاؤں گی۔ اور پھر یہ بتاؤں گی کہ ٹیچر ہو کر بھی میں کیسے بہت سی باتوں میں give up کرنا چاہتی ہوں۔ مگر نہیں کر سکتی۔ کیونکہ مجھے کسی بھی competition کا پریشر لیے بغیر اب صرف خود کو بہتر کرنا ہے۔ اپنے کام میں بہتری لانی ہے۔ اپنا ٹائم مینج کرنا ہے، اور اس میں ان چیزوں کو ایڈ کرنا ہے، جن کے ذریعے میں خود کو پر سکون رکھ سکتی ہوں۔ پھر کتاب میں جو جو بھی پڑھا تھا، اسے موقع کے مطابق بچوں کے ساتھ شیئر کرنا ہے۔

یہاں آپ کے لیے بھی لکھ رہی ہوں، تاکہ آپ خود بھی سیکھیں اور اپنے بچوں کو بھی ان مشکلات سے بچائیں، ان کی مشکلات کا تھوڑا سا بوجھ اٹھا لیں گے تو اپنے لیے راستے میں پتھر نہیں پائیں گے۔

' The 80/20 Rule (Pareto Principle) '

اپنے وقت اور محنت کا 20% ایسے کاموں پر لگائیں جو آپ کو 80% نتائج دیں۔ سب سے زیادہ اہم کاموں کی نشاندہی کریں اور انہیں ترجیح دیں۔

' The Law of Three '

تین ایسے اہم کاموں کی نشاندہی کریں جو آپ کی کامیابی میں سب سے زیادہ حصہ ڈالیں۔ اپنی توانائی ان کاموں پر مرکوز کریں۔

' Plan Every Day in Advance '

ہر دن کے آغاز یا اختتام پر کاموں کی ایک فہرست بنائیں۔ اپنے دن کی شروعات کرنے سے پہلے اہمیت کے حساب سے کاموں کو ترتیب دیں۔

' Use the ABCDE Method '

اپنے کاموں کو درج ذیل زمروں میں تقسیم کریں:

A: لازمی کام: ایسے کام جن کے نہ کرنے کے سنگین نتائج ہو سکتے ہیں۔

B: ضروری کام: ایسے کام جن کے نہ کرنے سے معتدل اثر پڑے گا۔

C: غیر ضروری کام: ایسے کام جو نہ کریں تو بھی کوئی فرق نہیں پڑے گا۔

D: دوسرے لوگوں کو سونپنے والے کام۔

E: غیر ضروری کام جو مکمل طور پر ختم کیے جا سکتے ہیں۔

ہمیشہ A والے کاموں سے شروعات کریں۔

' Eat That Frog '

سب سے اہم اور مشکل کام دن کے آغاز میں مکمل کریں۔ التوا سے بچنے کے لیے سب سے زیادہ اہم کام پہلے ہی کرنے چاہئیں۔

' The Law of Forced Efficiency '

آپ کے پاس تمام کام کرنے کے لیے وقت نہیں ہوتا، لیکن سب سے اہم کام کرنے کا وقت ہمیشہ ہوتا ہے۔ غیر ضروری کاموں کو اپنی زندگی سے ختم نہیں تو کم کر دیں۔

' Chunking and Time Blocking '

اپنے دن کو مختلف اوقات میں تقسیم کریں اور ہر وقت کو مخصوص کام کے لیے وقف کریں۔ ایک وقت میں ایک ہی کام پر توجہ دیں۔

' The Law of Priorities '

اپنے طویل مدتی اہداف کے لیے سب سے زیادہ اہم کاموں کی نشاندہی کریں۔ کم اہم کاموں کے لیے "no" کہنا سیکھیں۔

' The Law of Delegation '

ایسے کام دوسروں کو سونپیں جن کے لیے آپ کی مہارت یا توجہ ضروری نہ ہو۔ دوسروں کو ذمہ داری دینے سے وقت بچے گا۔

' Eliminate Distractions '

ایسا ماحول بنائیں جو مداخلت سے پاک ہو۔ موبائل کے نوٹیفیکیشن بند کریں، خود کو دو تین جگہ پہ مت تھکائیں اور اپنی دستیابی کو واضح طور پر ایک موجودہ کام کے لیے وقف کر دیں۔

' The Power of Deadlines '

ہر کام اور پروجیکٹ کے لیے ایک حتمی تاریخ مقرر کریں۔ اس سے آپ کی توجہ اور کام کی رفتار میں اضافہ ہوگا۔ بڑے پروجیکٹس کو چھوٹے حصوں میں تقسیم کریں اور ہر حصے کے لیے وقت مقرر کریں۔

' Continuous Learning '

اپنی صلاحیتوں کو بہتر بنانے کے لیے خود کو مسلسل سیکھنے میں لگائیں۔ کتابیں پڑھیں، کورسز کریں، اور مہارت بڑھانے کے لیے رہنمائی حاصل کریں۔

' Develop a Sense of Urgency '

کاموں کو جلدی اور مؤثر طریقے سے مکمل کرنے کی عادت ڈالیں۔ التوا سے بچنے کے لیے کام فوری شروع کریں۔

' The Law of Clarity '

اپنے مقاصد کے بارے میں واضح رہیں اور انہیں عمل کے قابل حصوں میں تقسیم کریں۔ اپنے مقاصد لکھیں اور انہیں باقاعدگی سے دیکھیں۔

' Leverage Technology '

منظم رہنے کے لیے منصوبہ ساز، ایپس، یا سافٹ ویئر استعمال کریں۔ وقت بچانے کے لیے دہرائے جانے والے کاموں کو automated کریں۔ روزانہ کی چیک لسٹ بنا لیں۔

' Balance Work and Life '

آپ burnout سے بچنا چاہتے ہیں تو کام اور زندگی کے درمیان توازن قائم کریں۔ خاندان، صحت، اور شوق کے لیے وقت نکالیں تاکہ آپ تازہ دم اور متحرک رہیں۔

' The Law of Incremental Improvement '

روزانہ چھوٹی اور مسلسل بہتری پر توجہ دیں۔ وقت کے ساتھ یہ پیش رفت بڑی کامیابیوں میں بدل جائے گی۔

کچھ باتیں جن پہ سب سے زیادہ فوکس کروں گی۔

پچاس منٹ کام کریں، دس منٹ کا بریک لے لیں۔ اسی سائیکل کو repeat کرتے رہیں۔
کام دو منٹ یا اس کم وقت میں ہو جائے تو اسے فوراً کر لیں تاکہ چھوٹے چھوٹے کام اکٹھے نہ ہو جائیں۔
اگر آپ کا work ethic زیادہ ہے تو 90 منٹ دل لگا کر کام کریں اور 15 سے 20 منٹ کا بریک لے لیں۔
آپ 20-20-20 rule کو اپنا لیں۔ یعنی ہر بیس منٹ کے بعد بیس فٹ دور پڑی چیز کو بیس سیکنڈ کے لیے دیکھیں، اس سے آنکھیں نہیں تھکیں گی۔
اپنے اب کے لیے گئے فیصلوں کے 10 منٹ، 10 ماہ اور 10 سال بعد کے نتائج کو پہ غور کریں۔
اپنی زندگی میں چار Ds شامل کر لیں۔
Do it.
Defer it.
Delegate it.
Delete it.

اللہ ہمارے لیے اور ہمارے بچوں کے لیے آسانیاں پیدا کرے۔

اللھم آمین۔
Copied