11/03/2025
10 رمضان المبارک " یومِ وصال"
ام المومنین غم گسارِ رسول ؐ سیدۃ النساء العالمین حضرت سیدہ خدیجۃ الکبریٰ سلام اللہ تعالی علیھا
کیوں نہ لب پر ہو مرے، مدحتِ ازوجِؓ رسولؐ
مِرے دل میں ہے مکیں، عظمتِ ازوجِؓ رسولؐ
کیا سمجھ سکتے ہیں وہ حشمتِ ازواجِؓ رسُولؐ
جن کو معلوم نہیں حُرمتِ ازواجِؓ رسُولؐ
جُزوِ ایماں ہے بحر نوع، مُسلماں کے لیے
عزّتِ آلِؓ نبیؐ، عفّتِ ازواجِؓ رسُولؐ
بالیقیں آیۂ تطہیر کی ہیں وہ مصداق
صاف شفّاف رہی فطرتِ ازواجِؓ رسُولؐ
وہ خَدیجہؓ ہوں کہ سَودہؓ ہوں کہ وہ عائشہؓ ہوں
بخدا اوج پہ ہے قسمتِ ازواجِؓ رسُولؐ
حَفصہؓ و زینبؓ و میمونہؓ و اُمّ ِ سَلمہؓ
سطوتِ دینِ متین سیرت ازواجِؓ رسُولؐ
حَجش کی دُخترِ پاکیزہ جنابِ زینبؓ
زیبِ ایوانِ نبیؐ، زینتِ ازواجِؓ رسُولؐ
ہیں جویریؓہّ، صفیہّؓ بھی اِنِہیں میں شامل
کیا بیاں کوئی کرے عظمتِ ازواجِؓ رسُولؐ
مرحبا، صلّ ِ علٰی، اُمّ ِ حبیبہؓ کا مقام
قابلِ رشک ہُوئی رفعتِ ازواجِؓ رسُولؐ
با ادب باش! کہ اُمّت کی یہ مائیں ہیں نؔصیرؒ!
ہے سعادت کا نشاں، نسبتِ ازواجِؓ رسولؐ۔
کلام حضرت خواجہ پیر سیّد نصیرالدّین نصیرؔ شاہ گیلانی رحمتہ اللہ علیہ
01/03/2025
07/11/2024
01/11/2024
11/07/2024
09/07/2024
22/04/2023
05/02/2023
01/02/2023