16/04/2026
*الحمدللہ! اتحاد اور ہمدردی کی ایک عظیم مثال*
*فرد قائم ربطِ ملت سے ہے، تنہا کچھ نہیں*
*موج ہے دریا میں اور بیرونِ دریا کچھ نہیں*
گزشتہ دنوں سکول سے ٹرانسفارمر کی چوری کا جو ناخوشگوار واقعہ پیش آیا تھا، اس نے ہم سب کو پریشان کر دیا تھا۔. گرمی کے اس موسم میں معصوم بچوں کے لیے بجلی کے بغیر تعلیم جاری رکھنا ایک بڑا امتحان تھا۔ لیکن ایسے میں گاؤں کے *غیور عوام* , سکول کے *سابقہ طلباء* اور *سکول کے موجودہ اور سابقہ سٹاف* نے جس اتحاد اور جرات کا مظاہرہ کیا، وہ ہم سب کے لیے باعثِ فخر ہے۔
*جہاں عزم صادق ہو، وہاں مشکلیں راستہ چھوڑ دیتی ہیں*
انتہائی خوشی کی بات ہے کہ گاؤں کے *مخیر حضرات , سابقہ طلباء اور سٹاف* کے بھرپور مالی تعاون سے، اس نقصان کا ازالہ بہت جلد کر لیا گیا ہے اور سکول میں نیا ٹرانسفارمر نصب کر دیا گیا ہے۔
*تحسین اور شکریہ:*
*اہلیانِ علاقہ*: جنہوں نے چوری کے اس واقعے کے بعد مایوس ہونے کے بجائے فوری طور پر فنڈز جمع کیے اور ثابت کیا کہ یہ سکول ان کی اپنی میراث ہے۔
*خصوصی خراجِ تحسین:*
*جناب محمد رمضان صاحب (CSP):*
جو کہ اس سکول کے مایہ ناز سابق طالب علم ہیں۔ انہوں نے اپنی مصروفیت کے باوجود اپنے مادرِ علمی کے لیے خصوصی دلچسپی لی اور اپنے پیشہ ورانہ تعاون کی بدولت محکمانہ کارروائی کو برق رفتار بنایا۔ یہ ان کی اپنے اسکول سے دیرینہ محبت اور مخلصانہ لگاؤ کی اعلیٰ مثال ہے۔
*جناب حاجی محمد لطیف صاحب:* جن کی انتھک تگ و دو اور ڈیمانڈ نوٹس کی منظوری کے لیے کی جانے والی مسلسل کوششوں اور فائل ورک نے اس مرحلے کو جلد ممکن بنایا۔
*اہلیانِ علاقہ و سابقہ طلباء:* جن کے مالی تعاون اور یکجہتی کے بغیر یہ ہنگامی بنیادوں پر کام ہونا ممکن نہ تھا۔
اللہ پاک تمام دوستوں کی اس کاوش کو قبول فرمائے۔ یہ ٹرانسفارمر صرف بجلی کا ذریعہ نہیں بلکہ اس بات کی علامت ہے کہ جب ہم مل کر کھڑے ہوں تو کوئی بھی نقصان ہمارا راستہ نہیں روک سکتا۔
*منجانب:*
انتظامیہ و سٹاف
گورنمنٹ ہائیر سکنڈری سکول، چک نمبر 46 جنوبی، سرگودھا
