Government Degree College Sakrand

14/08/2026

گورنمنٹ بوائز ڈگری کالج سکرنڈ میں آج 14 اگست 2026 بروز جمعہ پاکستان کا 79واں یوم آزادی ملی جوش و جذبے اور وطن سے محبت کے والہانہ اظہار کے ساتھ منایا گیا۔

تقریب کا آغاز صبح 8 بجے پرچم کشائی کی تقریب سے ہوا۔ کالج کے پرنسپل پروفیسر نورالامین راجپوت نے قومی پرچم لہرایا۔ اس موقع پر قومی ترانہ بجایا گیا اور طلبہ نے سلامی پیش کی۔ پرچم کشائی کی تقریب میں کالج کا تمام تدریسی و غیر تدریسی عملہ اور کثیر تعداد میں طلبہ نے شرکت کی۔

پرچم کشائی کے بعد کیک کاٹنے کی تقریب منعقد کی گئی جس میں کالج کے اساتذہ اور اسٹاف نے شرکت کی، تقریب کے اختتام پر ملک کی سلامتی، ترقی اور خوشحالی کے لیے خصوصی دعا کی گئی۔ کالج کو قومی پرچموں، بینرز اور برقی قمقموں سے سجایا گیا تھا۔

14/08/2026

گورنمنٹ بوائز ڈگری کالج سکرنڈ میں شاندار کوئز کمپیٹیشن کا انعقاد

سکرنڈ: گورنمنٹ بوائز ڈگری کالج سکرنڈ میں آج طلبہ کی علمی استعداد بڑھانے کے مقصد سے یوم آزادی کے سلسلے میں ایک شاندار "کوئز کمپیٹیشن" کا انعقاد کیا گیا۔

تقریب کی صدارت کالج کے پرنسپل صاحب نے کی جبکہ اساتذہ کرام اور بڑی تعداد میں طلبہ نے شرکت کی۔ کمپیٹیشن میں گیارھویں اور بارھویں جماعت کے طلبہ نے جوش و خروش کے ساتھ حصہ لیا۔

کوئز میں عمومی معلومات، پاکستان اسٹڈیز، اسلامیات، سائنس اور موجودہ حالات سے متعلق سوالات شامل تھے۔ مقابلہ نہایت دلچسپ اور علمی ماحول میں ہوا۔ طلبہ نے اپنے جوابات سے حاضرین کے علم میں اضافہ کیا۔

آخر میں پوزیشن حاصل کرنے والے طلبہ میں میڈلز تقسیم کیے گئے۔

06/08/2026

جشن آزادی پاکستان کی 79ویں سالگرہ کے سلسلے میں گورنمنٹ بوائز ڈگری کالج سکرنڈ میں آج "شجرکاری کا دن" جوش و خروش سے منایا گیا۔ تقریب کا مقصد ملک کی سرسبزی میں اضافہ اور طلبہ میں ماحولیاتی شعور بیدار کرنا تھا۔

تقریب کی صدارت کالج کے پرنسپل پروفیسر نورالامین راجپوت نے کی۔ اس موقع پر اساتذہ، انتظامیہ اور بڑی تعداد میں طلبہ نے شرکت کی۔
کالج کے احاطے اور اطراف میں پھلدار اور سایہ دار پودے لگائے گئے۔ طلبہ نے "ایک طالب علم، ایک پودا" کے جذبے کے تحت پودے لگا کر ان کی حفاظت کا عہد کیا۔

پرنسپل نے اپنے خطاب میں کہا:
"جشن آزادی کا اصل پیغام یہ ہے کہ ہم اپنے وطن کو سرسبز و شاداب بنائیں۔ درخت لگانا صدقہ جاریہ ہے اور آنے والی نسلوں کے لیے تحفہ ہے۔ ہر طالب علم کو چاہیے کہ وہ اپنے گھر، محلے اور تعلیمی ادارے کو ہرا بھرا رکھے۔"
تقریب کے آخر میں ملک کی سلامتی اور شادابی کے لیے خصوصی دعا کی گئی

20/07/2026