Govt. Graduate College Sahiwal

پیغامِ عید: یادوں کے نام، اپنوں کے نام
السلام علیکم ورحمۃ اللہ وبرکاتہ!
عید الفطر کے اس پُرمسرت موقع پر، میں اپنے ادارے کے تمام موجودہ طلبہ اور ان تمام "باہمت شہسواروں" کو عید مبارک پیش کرتا ہوں جو کبھی اس درسگاہ کی راہداریوں کی رونق ہوا کرتے تھے۔
وقت بدلا، دور بدلے اور ہماری پہچان کے نام بھی بدلے— کبھی اسے گورنمنٹ کالج منٹگمری کہا گیا، کبھی یہ گورنمنٹ کالج ساہیوال کے نام سے پکارا گیا، کبھی اسےگورنمنٹ کالج ساہیوال کے نام سے پکارا گیا، پھر ایک وقت آیا اسے گورنمنٹ پوسٹ گریجویٹ کالج ساہیوال کا عنوان ملا ، اور آج یہ گورنمنٹ گریجویٹ کالج ساہیوال کے طور پر علم کی شمع روشن کیے ہوئے ہے۔
مگر یاد رکھیے! نام چاہے کوئی بھی رہا ہو، اس کی دیواروں میں گونجتی آپ کی ہنسی، آپ کا ولولہ اور آپ کی محنت آج بھی اس ادارے کے ماتھے کا جھومر ہے۔ آپ جہاں کہیں بھی ہیں، چاہے ملک کی خدمت کر رہے ہوں یا بیرونِ ملک اس ادارے کا نام روشن کر رہے ہوں، آپ ہمیشہ اس بڑے خاندان کا حصہ رہیں گے۔
دعا ہے کہ یہ عید آپ کی زندگیوں میں خوشیاں، سکون اور وہ تمام کامیابیاں لے کر آئے جس کا خواب آپ نے ان کلاس رومز میں بیٹھ کر دیکھا تھا۔ اللہ تعالیٰ آپ کو اور آپ کے اہل خانہ کو اپنی حفظ و امان میں رکھے۔
عید مبارک، میرے عزیز طلبہ!
پروفیسر ڈاکٹر ممتاز احمد
پرنسپل کالج