Govt Nangal Ambia Islamia High School No. 1, Sahiwal

12/12/2023

خبر غم
آپ احباب کو مطلع کیا جاتا ہے کہ چوہدری محمد سلیم سینئر ہیڈ ماسٹر گورنمنٹ ننگل انبیاء ہائی اسکول نمبر 1 ساہیوال کی والدہ محترمہ قضائے الٰہی سے وفات پا گئیں ہیں ۔ انا للّٰہ وانا الیہ راجعون ۔ نماز جنازہ مورخہ 13 دسمبر بروز بدھ بعد نماز ظہر 2.30بجے جہاز گراونڈ والی جنازہ گاہ میں ادا کی جائے۔ تمام احباب نماز جنازہ میں شرکت فرماکر ثواب دارین حاصل کریں ۔
چوہدری محمد سلیم
سینئر ہیڈ ماسٹر
گورنمنٹ ننگل انبیاء اسلامیہ ہائی سکول نمبر 1 ساہیوال ۔

20/11/2023

*تعلیمی بورڈز اور اندھیر نگریاں*

پنجاب کے تمام تعلیمی بورڈز میں پہلے پہل مینول فارم پر کر کے داخلہ فارم بھیجا جاتا تھا پھر بورڈز داخلہ فارم کا ڈیٹا انٹری کرنے کے لیے فی کس طالب علم 400 روپیہ جگَا ٹیکس اس لیے لیتا تھا کہ ہم نے کسی کمپنی/ فرم سے ان طالب علم کا ڈیٹا فیڈ کروانا ہوتا ہے تاکہ تمام طلبہ کا ریکارڈ ایک جگہ جمع کیا جا سکے محض ایک دو سال ہی یہ کام چلتا رہا پھر بورڈز نے اپنی ویب سائٹ پر آن لائن داخلہ فارم جاری کر دیا جس پر طلبہ اپنا ڈیٹاخود فیڈ کر کے داخلہ بھیجتے ہیں اور بورڈز کو ڈیٹا فیڈ کروانے کے لیے کسی کمپنی / فرم کی ضرورت پیش ہی نہیں اتی کیونکہ بورڈ اپنی ویب سائٹ پر طلبہ کی طرف سے فیڈ کیا گیا تمام ڈیٹا نکال لیتا ہے۔۔ مطلب جو کام پہلے کوئی فرم یا کمپنی کرتی تھی اب یہ کام طلبہ خود سرانجام دیتے ہیں لیکن اس کے باوجود یہ جگّا ٹیکس جوں کا تو ہی ابھی تک چل رہا ہے۔۔ اور ہر بورڈ processing کے نام پر لی گئی رقم خود ہڑپ کر رہا ہے

گزشتہ امتحان کے وقت بورڈ نے رزلٹ کارڈ پر QR کوڈ پرنٹ کرنے کے لیے مبلغ 95 روپے کا ایک اور ٹیکا لگا دیا ۔۔ کہ۔۔ رزلٹ کارڈ پر QR پرنٹ کرنے کے لیے بورڈ کا مبلغ 95 روپے زور لگنا ہے... اس لیے تمام طلبہ 95 روپے مزید جمع کروائیں گے ۔۔ اور اب طلبہ پر یہ ٹیکس ہمیشہ ہمیشہ کے لیے لاد دیا گیا ہے۔۔۔

ہمارے تمام بورڈز کا ایک اور فرسودہ سسٹم یہ بھی ہے کہ طالب علم جب پہلی دفعہ اپنا داخلہ بھیجتا ہے تو اس کو کسی سکول کے ہیڈ سے attest کرواتا ہے۔۔ اس کے بعد جتنی مرتبہ سپلی ائے لیکن پھر بھی ہر دفعہ اس کو اپنا داخلہ فارم اسکول ہیڈ سے attest کروانا لازم ہوتا ہے حالانکہ ہم سب جانتے ہیں کہ پہلی دفعہ داخلہ بھیجنے کے بعد طالب علم اپنے کوائف میں کسی بھی قسم کی تبدیلی نہیں کر سکتا لیکن بورڈز والوں نے قسم کھائی ہوئی ہے کہ ہم نے طالب علم کو خوار کر کے ہی رزلٹ کارڈ دینا ہے۔۔

میٹرک یا انٹر کے طلبہ سے سند کے پیسے پہلے مرحلے میں ہی وصول کر لیے جاتے ہیں کیونکہ اس معاملے میں بورڈز والے بہت سیانے ہیں کہ اگر ہم نے یہ پیسے پارٹ سیکنڈ میں لیے تو ہمارا بہت سارا نقصان ہو جائے گا کیونکہ اس کی سب سے بڑی وجہ یہ ہے کہ پارٹ فرسٹ میں فیل ہونے کے بعد بہت سارے طالب علم تعلیم کو خیر باد کہہ دیتے ہیں
اگر اپ ان تمام باتوں کو ظلم یا نا انصافی سمجھتے ہیں تو ائیں ہمارا ساتھ دیں ۔۔۔ اس کے خلاف اواز اٹھانے کے لیے۔۔۔ اس پیغام کو اگے شیئر کر کے اس ظلم کے خلاف اواز اٹھانے میں ہمارا ساتھ دیں۔۔
علاوه از یں سکالر شپ فنڈ اور سپورٹس Fee بھی ایک اضافي بوجھ ہے

*منجانب*
مہنگائی کے ستائے ہوئے والدین اور غریب طلبہ

03/10/2023

27/09/2023

26/09/2023

ساہیوال/ptu/نیوز
مورخہ۔26 ستمبر 2023
پنجاب ٹیچرز یونین ضلع ساہیوال کے وفد نے ڈسٹرکٹ ایجو کیشن آفیسر (ایلیمنٹری۔ میل) جناب احسان فرید صاحب سے ملاقات کی ۔ ملاقات میں جناب عبد الحمید خان بلوچ ڈسٹرکٹ ایجوکیشن آفیسر سیکنڈری پاکپتن، ڈپٹی ڈسٹرکٹ ایجوکیشن آفیسر سیکنڈری ساہیوال تنویر غزالی صاحب بھی شامل تھے۔
احسان فرید صاحب کو ڈسٹرکٹ آفیسر ( ایلیمنٹری میل) کا چارج سنبھالنے پر مبارکباد دی۔ وفد میں پنجاب ٹیچرز یونین کے محمد رمضان بھٹی وائس چیئرمین پنجاب ٹیچرز یونین ساہیوال ڈویژن۔چوہدری ساجد محمود صدر پنجاب ٹیچرز یونین ضلع ساہیوال ۔محمد عدنان بھٹی صدر پنجاب ٹیچرز یونین تحصیل ساہیوال، صفی اللہ ایڈیشنل سیکرٹری ضلع ساہیوال، محمد عتیق سیکرٹری فنانس تحصیل ساہیوال، شان قدیر سیکرٹری اطلاعات، چوہدری صدیق جٹ جنرل سیکرٹری ضلع ساہیوال اور نو ر احمد سیئنر نائب صدر تحصیل ساہیوال اور محمد مقصود ایڈیشنل سیکرٹری، شکیل حیدر ایڈیڑ ضلع ساہیوال، زمان بھٹیI.T, عرفان ایزد I.T ودیگر نے شرکت کی ۔ آپکی ایجوکیشن پالیسیوں سے متعلق خدمات کو سراہا گیا۔ جس پر انہوں نے اساتذہ کے مسائل کو اولین ترجیح پرحل کروانے کی یقین دہانی کروائی۔ منجانب :۔ چوہدری ساجد محمود صدر پنجاب ٹیچرز یونین ضلع ساہیوال۔

21/09/2023

آج مورخہ 2023-09-21 محمد یار انجم فیزیکل ٹیچر کے ساتھ خوش گوار موڈ میں ۔۔۔۔