Achievers Academy

چینیوں کے خوراک تبدیل کرنے سے دنیا میں ’شٹل کاک‘ کا بحران، ماجرا کیا ہے؟
اس وقت دنیا میں معیاری شٹل کاکس حاصل کرنا مشکل ہوتا جارہا ہے۔
دنیا بھر میں بیڈمنٹن کا کھیل اس وقت ایک سنجیدہ مسئلے سے گزر رہا ہے اور وہ ہے فیدر شٹل کاکس کی کمی۔

بیڈمنٹن کھیلنے کے لیے جس چیز کی سب سے زیادہ ضرورت ہوتی ہے، وہ شٹل کاک ہے اور اس وقت دنیا کے مختلف ممالک کی قومی بیڈمنٹن ایسوسی ایشنز کو اب اپنے کھلاڑیوں کے لیے معیاری شٹل کاکس حاصل کرنا مشکل ہو رہا ہے۔
بھارت، فرانس، ڈنمارک اور دوسرے ممالک میں شٹل کاکس کا اسٹاک کم ہو رہا ہے اور جو مل بھی رہے ہیں وہ عام نرخ سے کہیں زیادہ قیمت پر خریدے جارہے ہیں۔

یہ بحران اتنا سنگین ہے کہ بیڈمنٹن کی بنیادیں ہلا رہا ہے۔ سیدھی بات ہے اگر شٹل کاک نہ ہو، تو کھیل کیسے ہوگا؟ یورپ میں بھی، فرانس جیسے ممالک نے اس پر شدید تشویش کا اظہار کیا ہے، یہاں تک کہ کچھ جونیئر سطح کے مقابلوں میں متبادل شٹل استعمال کرنے پر غور کیا جا رہا ہے۔
لیکن سوال یہ ہے کہ یہ بحران کیوں اور کیسے پیدا ہوا؟

بھارتی میڈیا رپورٹ کے مطابق یہ مسئلہ اصل میں چین کی خوراک میں تبدیلی کی وجہ سے پیدا ہوا ہے۔ بھارت کی بیڈمنٹن ایسوسی ایشن (BAI) کے سیکریٹری سنجے مشرا نے اس بحران کی تصدیق کرتے ہوئے بتایا کہ اس کی جڑ چین کی بدلتی ہوئی خوراک کی عادات میں ہے۔

چین جو کہ دنیا کی سب سے زیادہ آبادی والا ملک ہے اب بطخ اور ہنس جیسے روایتی گوشت کے بجائے سور کے گوشت کو ترجیح دینے لگا ہے۔ اس رجحان نے بطخ اور ہنس کی کھپت میں زبردست کمی کر دی ہے، جس کے نتیجے میں فارمرز اب یہ پرندے کم پال رہے ہیں۔

چونکہ زیادہ تر شٹل کاکس بطخ یا ہنس کے پروں سے بنتے ہیں، عام شٹل میں بطخ کے پر اور اعلیٰ معیار کے شٹل میں ہنس کے پر استعمال ہوتے ہیں۔

اس تبدیلی نے شٹل کاک کی پوری سپلائی چین کو بُری طرح متاثر کیا ہے کیونکہ جب ان پرندوں کو پالنا کم ہو گیا تو ان کے پروں کی دستیابی بھی کم ہو گئی اور یہی وجہ ہے کہ اب شٹل کاکس کی تیاری میں دشواری ہو رہی ہے۔

فرانسیسی اخبار L’Equipe کی ایک رپورٹ میں بھی یہی بات کہی گئی کہ چینی فارمرز اب صرف پروں کے لیے بطخ یا ہنس پالنے کو تیار نہیں، کیونکہ سور کا گوشت مالی لحاظ سے زیادہ فائدہ مند ہے۔

ایک شٹل کاک بنانے کے لیے 16 پر لگتے ہیں، اور ایک میچ میں کئی شٹل استعمال ہو جاتے ہیں، کیونکہ وہ جلدی گھس جاتے ہیں۔

یونیکس اور لی نِنگ جیسے بڑے برانڈز ہائبرڈ شٹل کاکس پر کام کر رہے ہیں جو جانوروں کے پروں پر انحصار نہ کریں۔ لیکن یہ ابھی مہنگے ہیں اور ان سے کھیلنے میں وہ مزہ نہیں آتا جو اصلی پروں والے شٹل کاکس سے آتا ہے۔

بیڈمنٹن کی عالمی تنظیم بی ڈبلیو ایف بھی اس مسئلے کو سنجیدگی سے لے رہی ہے، مگر فی الحال کوئی فوری حل موجود نہیں۔

اس وقت صورتحال یہ ہے کہ دنیا میں شٹل کاک کی قلت ہے ، اس کی قیمتیں بڑھ رہی ہیں اور متبادل کی تلاش جاری ہے۔

آنے والے دنوں میں شٹل کاک مزید نایاب اور مہنگے ہونے جا رہے ہیں۔ جب تک کوئی مؤثر متبادل نہیں ملتا، کھلاڑی، ادارے اور شٹل کاک بنانے والی کمپنیاں صرف اُمید کر سکتی ہیں کہ کھیل کسی بحران کا شکار ہونے سے پہلے ہی کوئی حل نکل آئے۔

دوسری جانب کھیلوں کے ماہرین کے نزدیک اگر اس مسئلے کا جلد حل نہ نکالا گیا تو یہ بحران بین الاقوامی بیڈمنٹن کے فروغ میں رکاوٹ بن سکتا ہے۔

Welcome to the Achievers Academy! We are a community dedicated to empowering students to reach their full potential and succeed in their academic pursuits. Our mission is to provide students with the resources, support, and guidance they need to succeed in school and beyond.

Whether you are just starting your education journey or well into your academic career, the Achiever Academy is here to support you. Our team of experts will provide you with the tools and strategies you need to excel in your classes, develop critical thinking skills, and build confidence in your abilities.

We offer a variety of programs and resources, including tutoring services, study skills workshops, and mentorship opportunities, all designed to help you reach your goals and succeed in your academic pursuits. Our community is inclusive and supportive, and we encourage you to participate in our discussions, connect with other students, and share your experiences and insights.

So, if you are ready to take control of your education and unlock your full potential, we invite you to join us at the Student Academy. Let's work together to achieve your academic goals.

اچیورز اکیڈمی میں خوش آمدید! ہم ایک ایسی کمیونٹی ہیں جو طلباء کو ان کی مکمل صلاحیتوں تک پہنچنے اور ان کے تعلیمی مقاصد میں کامیاب ہونے کے لیے بااختیار بنانے کے لیے وقف ہے۔ ہمارا مشن طلباء کو وہ وسائل، مدد اور رہنمائی فراہم کرنا ہے جن کی انہیں اسکول اور اس سے آگے کامیابی حاصل کرنے کی ضرورت ہے۔

چاہے آپ ابھی اپنا تعلیمی سفر شروع کر رہے ہوں یا اپنے تعلیمی کیریئر میں ہیں، اچیور اکیڈمی آپ کی مدد کے لیے حاضر ہے۔ ماہرین کی ہماری ٹیم آپ کو وہ ٹولز اور حکمت عملی فراہم کرے گی جن کی آپ کو اپنی کلاسوں میں سبقت حاصل کرنے، تنقیدی سوچ کی مہارتوں کو فروغ دینے، اور اپنی صلاحیتوں میں اعتماد پیدا کرنے کے لیے درکار ہے۔

ہم مختلف قسم کے پروگرام اور وسائل پیش کرتے ہیں، بشمول ٹیوشن کی خدمات، مطالعہ کی مہارتوں کی ورکشاپس، اور رہنمائی کے مواقع، یہ سب آپ کے مقاصد تک پہنچنے اور آپ کے تعلیمی حصول میں کامیاب ہونے میں آپ کی مدد کے لیے بنائے گئے ہیں۔ ہماری کمیونٹی جامع اور معاون ہے، اور ہم آپ کو ہمارے مباحثوں میں حصہ لینے، دوسرے طلباء کے ساتھ جڑنے، اور اپنے تجربات اور بصیرت کا اشتراک کرنے کی ترغیب دیتے ہیں۔

لہذا، اگر آپ اپنی تعلیم پر قابو پانے اور اپنی پوری صلاحیتوں کو کھولنے کے لیے تیار ہیں، تو ہم آپ کو اسٹوڈنٹ اکیڈمی میں ہمارے ساتھ شامل ہونے کی دعوت دیتے ہیں۔ آئیے آپ کے تعلیمی مقاصد کو حاصل کرنے کے لیے مل کر کام کریں۔