IQra public school pirqayum lower kurram

25/05/2026

ہم اپنے سکول کے بچوں کی تعلیم کے ساتھ ساتھ اُن کی صحت کا بھی ہر ممکن خیال رکھتے ہیں۔ اسی سلسلے میں بچوں کے دانتوں کے مسائل کے حوالے سے ایک فری ڈینٹل کیمپ کا انعقاد کیا گیا۔ چند روز قبل کئی بچوں کی شکایات موصول ہوئیں کہ وہ دانتوں کی شدید تکلیف میں مبتلا ہیں۔
جس پر پرنسپل عبدالروف سالار نے فوری طور پر معروف ڈینٹل ڈاکٹر، ڈاکٹر عبداللہ چمکنی صاحب سے رابطہ کیا، جو آج کل ہیلہ ہسپتال سدہ میں اپنے فرائض نہایت احسن طریقے سے سرانجام دے رہے ہیں۔ ڈاکٹر صاحب نے اپنی مصروفیات میں سے قیمتی وقت نکال کر سکول تشریف لائے اور بچوں کا معائنہ کرکے اُن کی خدمت کا عظیم فریضہ انجام دیا۔
ہم ڈاکٹر عبداللہ صاحب کے بے حد شکر گزار ہیں کہ انہوں نے بچوں کی صحت کو ترجیح دیتے ہوئے یہ قابلِ قدر خدمت انجام دی۔
ان شاء اللہ، اس کے بعد بچوں کی آنکھوں کے معائنے کے لیے ماہر ڈاکٹر سے بھی رابطہ کیا جائے گا تاکہ ہمارے بچے ہر لحاظ سے صحت مند اور روشن مستقبل کے حامل بن

25/05/2026

آج پیر کے دن سکول کے بچوں کے لیے چھٹیاں ہوئیں۔ بچے بے حد خوش تھے کیونکہ یہ ایک مبارک اسلامی تہوار کی خوشی ہے۔ سکول سے رخصت ہوتے وقت بچوں نے اپنے محترم اساتذہ کرام سے ہاتھ ملا کر پیشگی عید مبارک پیش کی۔ یہ خوبصورت منظر محبت، ادب اور احترام کی بہترین مثال تھا۔
اللہ تعالیٰ کرے کہ یہ تمام بچے عید کی خوشیاں اپنے اہلِ خانہ کے ساتھ خیریت سے منائیں اور پھر دوبارہ اسی محبت اور خوشی کے ساتھ ایک دوسرے سے ملیں۔ آمین۔

24/05/2026

اقراء پبلک سکول Iqra Public School میں ہفتہ کے روز ماہانہ ٹیسٹ ایوارڈ سرمنی اور پی ٹی ایم پروگرام نہایت شاندار انداز میں منعقد ہوا۔ اس موقع پر طلبہ نے مختلف خوبصورت اور دلچسپ آئٹمز پیش کرکے حاضرین سے خوب داد وصول کی۔ نمایاں پوزیشن حاصل کرنے والے طلبہ کو انعامات سے نوازا گیا، جس سے بچوں کے حوصلے مزید بلند ہوئے۔ والدین کی بھرپور شرکت نے پروگرام کو مزید کامیاب بنایا۔ یہ خوبصورت تقریب بچوں کی تعلیمی کارکردگی کو سراہنے اور والدین و اساتذہ کے درمیان مضبوط رابطے کا بہترین ذریعہ ثابت

24/05/2026

Part 2

23/05/2026

آج پیرقیوم لوئر کرم میں واقع اقراء پبلک سکول پیرقیوم میں نہایت شاندار انداز میں پی ٹی ایم (Parents Teachers Meeting) اور ماہانہ ٹیسٹ ایوارڈ تقریب کا انعقاد کیا گیا، جس میں والدین نے بھرپور شرکت کی۔ پروگرام کے دوران بچوں نے خوبصورت اور دلچسپ آئٹمز پیش کرکے حاضرین سے خوب داد وصول کی۔
تقریب میں ماہانہ ٹیسٹ میں نمایاں پوزیشن حاصل کرنے والے ہونہار طلبہ میں انعامات تقسیم کیے گئے، جس سے بچوں کے حوصلے مزید بلند ہوئے۔ اس موقع پر سکول کے پرنسپل عبدالروف سالار نے والدین سے تفصیلی گفتگو کرتے ہوئے پی ٹی ایم کی اہمیت پر روشنی ڈالی اور کہا کہ والدین اور اساتذہ کا باہمی رابطہ بچوں کی بہترین تعلیم و تربیت کے لیے نہایت ضروری ہے۔
انہوں نے والدین کے تعاون کو سراہتے ہوئے اس عزم کا اظہار کیا کہ اقراء پبلک سکول پیرقیوم ہمیشہ معیاری تعلیم اور بہترین تربیت کے سفر کو جاری رکھے گا۔ تقریب خوشگوار ماحول میں اختتام پذیر ہوئی۔

23/05/2026

آج پیرقیوم میں اقراء پبلک سکول پیرقیوم کا ماہانہ ٹیسٹ پروگرام و PTM ہوا جس میں والدین نے شرکت کی شروعات شہزاد احمد کے پیارے آواز میں تلاوت کلام پاک سے ہوئی۔۔ ماشاءاللہ

21/05/2026

آج اقراء پبلک سکول پیرقیوم میں بچوں کا ماہانہ ٹیسٹ نہایت خوش اسلوبی سے منعقد ہوا۔ الحمدللہ سو فیصد بچوں نے بھرپور شرکت کی، جو ان کی محنت، دلچسپی اور ذمہ داری کا واضح ثبوت ہے۔ ٹیسٹ کا ماحول انتہائی شاندار، پُرسکون اور تعلیمی جذبے سے بھرپور رہا۔ بچوں کا شوق اور انہماک دیکھ کر دل خوش ہوگیا۔ ماشاءاللہ اساتذہ کرام نے نہایت عمدگی سے اپنی ڈیوٹی سرانجام دی اور بہترین ترتیب و تربیت کا مظاہرہ کیا۔
اس قسم کے ماہانہ ٹیسٹ بچوں کی لکھائی، اسباق کی تیاری اور علمی قابلیت جانچنے میں نہایت اہم کردار ادا کرتے ہیں۔ صبح اسمبلی کے موقع پر ایم ڈی صاحب مولانا زاہد نور صاحب اور ایم ڈی و پرنسپل عبدالروف سالار صاحب نے طلبہ کو ٹیسٹ کی اہمیت سے آگاہ کیا اور محنت و دیانت داری سے امتحان دینے کی ہدایات دیں۔
بعد ازاں اساتذہ کرام نے ٹیسٹ چیک کرکے نتائج مرتب کیے۔ آخر میں اساتذہ کرام کی محنت اور خدمت کے اعتراف میں ان کی تکریم کے لیے طعام کا بھی بہترین بندوبست کیا گیا۔ اللہ تعالیٰ اقراء پبلک سکول پیرقیوم کو مزید ترقی عطا فرمائے اور اسے علم و تربیت کا روشن مرکز بنائے۔ آمین۔

12/05/2026

12/05/2026

آج کرم سٹوڈنٹ یونیٹی کی ٹیم نے اقراء پبلک سکول پیرقیوم کا دورہ کیا۔ جہاں بچوں کو محنت کی عظمت بتاتے ہوئے "نقل سے پاک امتحان" کی اہمیت پر زور دیا گیا۔ سکول کے بچوں کے بہترین اخلاق اور تعلیمی ذوق کو دیکھ کر ٹیم نے ان کی خوب تعریف کی اور نیک تمناؤں کا اظہار کیا۔