Nutritional Facts

10/01/2026

اکثر ہم مٹر چھیلتے وقت اس کے چھلکے کو فضول سمجھ کر کچرے میں پھینک دیتے ہیں، مگر جب میں نے مٹر کے چھلکے پر تحقیق کی تو ایک حیران کن حقیقت سامنے آئی۔ بظاہر یہ چھلکا سخت اور بے ذائقہ لگتا ہے، مگر اس کے اندر چھپی غذائیت خاموشی سے جسم پر گہرا اثر ڈالتی ہے۔ مٹر کے چھلکے میں dietary fiber کی مقدار زیادہ ہوتی ہے، جو نظامِ ہاضمہ کے لیے نعمت ہے۔ یہ فائبر آنتوں کی صفائی میں مدد دیتا ہے، قبض سے بچاتا ہے اور کھانے کو آہستہ آہستہ ہضم ہونے میں مدد فراہم کرتا ہے۔ تحقیق بتاتی ہے کہ فائبر خون میں شوگر کے اچانک بڑھنے کو بھی روکتا ہے اور insulin پر دباؤ کم کرتا ہے، اسی لیے یہ شوگر کے مریضوں کے لیے بھی فائدہ مند ہے۔
مٹر کے چھلکے میں موجود plant compounds اور antioxidants جسم میں سوزش (inflammation) کم کرنے میں مدد دیتے ہیں، جو دل کی بیماریوں، موٹاپے اور ہارمونل مسائل کے خطرے کو کم کرتے ہیں۔ فائبر پیٹ کو دیر تک بھرا رکھنے کا احساس دیتا ہے، بار بار کھانے کی خواہش کم کرتا ہے اور وزن کے کنٹرول میں مددگار ثابت ہوتا ہے۔ علاوہ ازیں، مٹر کے چھلکے کا فائبر آنتوں میں موجود اچھے بیکٹیریا کے لیے خوراک کا کام کرتا ہے، جو نہ صرف ہاضمہ بہتر بناتے ہیں ہ immunity اور ذہنی صحت پر بھی اثر ڈالتے ہیں۔

آخر میں یہ سمجھ آتا ہے کہ مسئلہ غذاؤں کی کمی نہیں بلکہ ہمارے استعمال کے طریقے کا ہے۔ مٹر کا چھلکا جسے ہم عام طور پر ضائع کر دیتے ہیں، دراصل ایک قابلِ استعمال غذائی حصہ ہے۔ اسے اچھی طرح دھو کر سبزی میں باریک کاٹ کر شامل کیا جا سکتا ہے، خاص طور پر سوپ، یخنی، دال یا سالن میں، جہاں اس کا ذائقہ نمایاں نہیں ہوتا مگر غذائیت شامل ہو جاتی ہے۔ مٹر کے چھلکے کو ابال کر اس کا پانی بھی استعمال کیا جا سکتا ہے، جو فائبر اور قدرتی اجزاء کا ہلکا ذریعہ بنتا ہے۔ اگر اسے دھو کر سائے میں اچھی طرح سکھا لیا جائے تو اس کا پاؤڈر بھی بنایا جا سکتا ہے، جو تھوڑی مقدار میں نیم گرم پانی کے ساتھ لیا جا سکتا ہے۔ احتیاط کے ساتھ آدھا چائے کا چمچ سے آغاز بہتر ہے کیونکہ زیادہ مقدار لینے سے گیس یا پیٹ میں بھاری پن ہو سکتا ہے۔ یہ پاؤڈر دہی یا سوپ میں شامل کرنا بھی ایک محفوظ اور مؤثر طریقہ ہے۔

۔

10/01/2026

اکثر ہم روزمرہ خوراک میں بیجوں کو صرف ایک ہلکی پھلکی چیز سمجھ کر نظر انداز کر دیتے ہیں۔ کدو کے بیج بھی ایسے ہی سمجھے جاتے ہیں، حالانکہ جب میں نے ان پر غذائی تحقیق کی تو ایک بالکل مختلف حقیقت سامنے آئی۔ یہ چھوٹے، ہلکے سبز رنگ کے بیج دراصل غذائیت کا ایک خاموش خزانہ ہیں جو بغیر شور مچائے جسم کے اندر اپنا کام کرتے رہتے ہیں۔

کدو کے بیجوں کے اندر موجود میگنیشیم اعصابی نظام کو سکون دیتا ہے، ذہنی دباؤ کو کم کرتا ہے اور نیند کے قدرتی نظام کو بہتر بناتا ہے۔ شاید یہی وجہ ہے کہ پرانے وقتوں میں کمزوری، بے چینی اور تھکن کی حالت میں تخمِ کدو کو غذا کا حصہ بنایا جاتا تھا۔ جدید تحقیق بھی اس بات کی تائید کرتی ہے کہ میگنیشیم stress hormones کو کنٹرول کرنے میں اہم کردار ادا کرتا ہے۔

جب بات ہارمونز کی آتی ہے تو کدو کے بیج ایک خاموش مددگار ثابت ہوتے ہیں۔ ان میں موجود زنک خواتین میں ہارمونل بیلنس کو سپورٹ کرتا ہے، خاص طور پر بے قاعدہ ماہواری، PCOS اور fertility سے جڑے مسائل میں۔ یہی زنک مردوں میں reproductive health اور جسمانی طاقت کے لیے بھی ضروری ہے، مگر ہم اکثر اس کی کمی کو معمولی سمجھ کر نظر انداز کر دیتے ہیں۔

دلچسپ بات یہ ہے کہ کدو کے بیج صرف ہارمونز ہی نہیں بلکہ دل اور شوگر کے نظام پر بھی اثر انداز ہوتے ہیں۔ ان میں پائے جانے والے صحت مند فیٹس اور فائبر خون میں خراب کولیسٹرول کو کم کرنے اور شوگر کے لیول کو متوازن رکھنے میں مدد دیتے ہیں۔ یہی وجہ ہے کہ حالیہ مطالعات میں انہیں metabolic health سے جوڑا جا رہا ہے۔

ایک اور پہلو جو کم بیان کیا جاتا ہے وہ ان بیجوں میں موجود tryptophan ہے، جو دماغ میں serotonin بڑھانے میں مدد دیتا ہے۔ یہی وہ کیمیکل ہے جو موڈ کو بہتر بناتا ہے اور اداسی و بے چینی کو کم کرتا ہے۔ یوں کدو کے بیج صرف جسمانی نہیں بلکہ ذہنی صحت پر بھی اثر ڈالتے ہیں۔

ہم عام طور پر فائبر کا ذکر آئے تو صرف اسبغول یا سبزیوں کو یاد کرتے ہیں، مگر حقیقت یہ ہے کہ کدو کے بیج بھی نظامِ ہاضمہ کو بہتر بنانے میں اپنا حصہ ڈالتے ہیں۔ یہ دیر تک پیٹ بھرے رہنے کا احساس دیتے ہیں، غیر ضروری بھوک کو کم کرتے ہیں اور وزن کے کنٹرول میں مددگار ثابت ہوتے ہیں۔

آخر میں یہ سمجھ آتا ہے کہ کدو کے بیج کوئی وقتی ٹرینڈ نہیں بلکہ قدرت کی طرف سے دیا گیا ایک متوازن غذائی تحفہ ہیں۔ اگر انہیں روزمرہ خوراک میں تھوڑی سی مقدار میں شامل کر لیا جائے تو یہ خاموشی سے جسم کے کئی مسائل پر کام شروع کر دیتے ہیں۔ اصل صحت شاید مہنگی دواؤں میں نہیں، بلکہ ایسی ہی سادہ مگر سمجھ داری سے چنی گئی غذاؤں میں چھپی ہوتی ہے۔

07/01/2026

07/01/2026

آج میں مورنگا پاؤڈر کی کہانی شیئر کروں گی۔ مورنگا، جسے سوہانجنا بھی کہا جاتا ہے، میں نے
یہ لفظ پہلی بار 2021 میں سنا تھا، جب میری ایک دوست کو اس پاؤڈر پر ریسرچ کرنے کا موضوع ملا۔

آہستہ آہستہ جب ہم نے اس پر کی گئی پرانی تحقیقات کا مطالعہ کیا تو معلوم ہوا کہ مورنگا دل کی صحت، کولیسٹرول، فیٹی لیور، ذیابیطس، موٹاپے اور اللہ جانے کتنی ہی بیماریوں میں مفید ثابت ہوتا ہے۔

یہ تحقیق کمیونٹی بیسڈ تھی اور دو ماہ کی شارٹ ٹرم اسٹڈی پر مشتمل تھی۔ اس میں فیٹی لیور گریڈ 2 کے مریضوں کو مورنگا کے کیپسول دیے گئے—ایک صبح اور ایک شام—اور دو ماہ بعد یہ دیکھا گیا کہ فیٹی لیور پر اس کا کیا اثر پڑتا ہے۔

ہاسٹل کی کچھ آیا تھیں جنہیں فیٹی لیور تشخیص ہوا تھا۔ کل 20 افراد سے ڈیٹا لیا گیا، جن میں سے 10 کنٹرول تھے (یعنی انہیں فیٹی لیور نہیں تھا) اور 10 کیسز تھے جنہیں فیٹی لیور تھا۔ کیسز کو دو ماہ تک باقاعدگی سے مورنگا کے کیپسول دیے گئے اور روزانہ پیغامات کے ذریعے انہیں یاد دہانی کروائی جاتی تھی کہ دوا (یا یوں کہہ لیں سپلیمنٹ) وقت پر لے لیں۔

دو ماہ بعد جب ان کا الٹراساؤنڈ کیا گیا تو حیران کن نتائج سامنے آئے۔ زیادہ تر افراد کا فیٹی لیور گریڈ 2 سے گریڈ 1 پر آ گیا، جبکہ کچھ کا تو بالکل ہی ختم ہو گیا۔ اس کے ساتھ ساتھ ان خواتین کا پیٹ بھی خاصی حد تک کم ہو گیا اور وہ مزید کیپسول مانگنے لگیں۔ لیکن چونکہ ہم غریب طالبات تھے، اس لیے مزید کیپسول فراہم کرنے سے معذرت کرنی پڑی۔

جب میں نے یہ سارا واقعہ اپنے منگیتر (جو اب میری بیٹی کے بابا ہیں) کے ساتھ شیئر کیا تو انہوں نے بتایا کہ ان کے ابو بھی ہر کھانے کے بعد مورنگا بطور پھکی لیتے ہیں، اور ان کے گھر میں تو مورنگا کا درخت بھی لگا ہوا ہے۔ میری امی نے بتایا کہ میری ایک دوست تو اس کا ساگ بنا کر بھی کھاتی ہے۔

حیرت کی بات یہ ہے کہ اس کے باوجود بہت کم لوگ مورنگا کے ان حیران کن فوائد اور معجزاتی اثرات سے واقف ہیں۔

تحریر:
آمن گل

06/01/2026

میں نے تین ترش پھلوں (Citrus fruits) پر خود ریسرچ کی۔ ان کے چھلکوں کے اندر سے ایک سفید سا حصہ نکالا، جسے Albedo کہتے ہیں۔ یہ دراصل فائبر ہوتا ہے۔

ہم عام طور پر فائبر کا نام سنتے ہی صرف اسپغول کو ہی فائبر سمجھ لیتے ہیں، حالانکہ حقیقت یہ ہے کہ فائبر تقریباً تمام پھلوں اور سبزیوں کے چھلکوں میں بھی موجود ہوتا ہے۔

فائبر کی دو اقسام ہوتی ہیں:
ایک Soluble fiber اور دوسرا Insoluble fiber۔

Soluble fiber جسم کو پتلا کرنے میں مدد دیتا ہے اور جسم کی چربی کم کرتا ہے، جبکہ Insoluble fiber جسم کے اندر موجود فاضل مادہ باہر نکال دیتا ہے اور پاخانے کے ذریعے جسم کو صاف کرتا ہے۔

میری ریسرچ کے مطابق کینو، گریپ فروٹ اور Bitter Orange کے چھلکوں کے اندر موجود Albedo میں دونوں قسم کے فائبر پائے جاتے ہیں، یعنی soluble بھی اور insoluble بھی۔ اس سے نہ صرف وزن کم ہوتا ہے بلکہ جسم کی صفائی بھی بہتر ہوتی ہے۔

ریسرچ کے دوران میں اکثر Albedo کھا لیا کرتی تھی۔ آہستہ آہستہ مجھے اس کی عادت پڑ گئی، کیونکہ جتنی مقدار مجھے چاہیے ہوتی تھی، اللہ ہی جانتا ہے میں نے کتنے کینو، گریپ فروٹ اور Bitter Orange خریدے ہوں گے۔ چھلکے اتارتے ہوئے اکثر وہیں کھا بھی لیتی تھی اور یوں یہ میری روزمرہ عادت بن گئی۔

ریسرچ سے پہلے میرا وزن 89 کلو تھا۔ میں بچپن سے ہی overweight رہی ہوں۔ یقین کریں، 2 سے 3 مہینوں میں ڈائٹ کے ساتھ میرا وزن 70 کلو ہو گیا۔

اس دوران میں نے ایک اور چیز بھی استعمال کی تھی، جس کا ذکر میں اپنی اگلی پوسٹ میں کروں گی۔

میں یہ سمجھتی رہی کہ میرا وزن صرف ڈائٹ کی وجہ سے کم ہوا ہے، لیکن اصل وجہ فائبر تھا۔ اس بات کا اندازہ مجھے تب ہوا جب میں نے دو سال بعد دوبارہ بالکل ویسی ہی OMAD ڈائٹ کی۔

اس بار میں نے OMAD میں صرف انڈے اور چکن کا ایک پیس کھایا، جبکہ پہلی بار میری ڈائٹ اتنی سخت نہیں تھی۔ اس دفعہ ایک مہینے میں صرف 2 کلو وزن کم ہوا۔

میں بہت دل برداشتہ ہو گئی اور ڈائٹ چھوڑ دی۔ اس بار سستی کی وجہ سے میں نے Albedo بھی نکال کر استعمال نہیں کیا۔

یہ پوری بات میری خود کی کی گئی ریسرچ پر مبنی ہے، جو میں نے اپنے M.S کے دوران کی تھی، اور اس میں citrus fruits کے چھلکوں میں موجود فائبر کے فائدے بیان کیے گئے ہیں۔

اگلی پوسٹ میں میں اپنی اگلی ریسرچ کے بارے میں بات کروں گی 🙂
اگر کسی نے اس موضوع پر تحقیق کی ہو تو وہ بھی ضرور سب کے ساتھ شیئر کرے۔

07/11/2025

We are offering chicken corn soup in just 150 ruppees. Grab the offer and enjoy the taste. We are located in chugi no 08 sadiqabad.

Delivery available in 3km radius for UpTo 10 soups.

03/11/2025

https://maps.app.goo.gl/HuhL8pMKvDgw4tar8
shop location

★★★★★ · Juice shop