Arfa Public School System

18/02/2025

04/07/2024

Earth's atmosphere consists of five main layers from lowest to highest: troposphere, stratosphere, mesosphere, thermosphere and exosphere. ​

Get to learn a lot more with Oxford International Primary Science.​
​
Place your order now: https://tinyurl.com/Science-OIPS

04/07/2024

انٹرنیشنل اقبال سوسائٹی کی جانب سے آپ سب کو عید الاضحیٰ مبارک

یہ فیضانِ نظر تھا یا کہ مکتب کی کرامت تھی
سِکھائے کس نے اسمٰعیلؑ کو آدابِ فرزندی

تشریح:
انسان کی تربیت میں دو چیزوں کو مرکزی حیثیت حاصل ہوتی ہے۔ اس کے والدین، دوسرے درس گاہ۔
علامہ حضرت اسماعیل ؑ کی مثال دے کر سمجھاتے ہیں کہ حضرت اسماعیل ؑ کو آداب فرزندی کی تعلیم ان دونوں ذرائع سے ہی حاصل ہوئی تھی۔ یہ صلاحیت حضرت ابراہیم ؑ کی پدری صحبت اور تربیت سے ان کو حاصل ہوئی۔حضرت اسماعیل ؑ حضرت ابراہیم ؑ کے بیٹے تھے۔
اس شعر میں علامہ کے لیے قرآنی محرک سورۃ الصافات کی آیت نمبر 102ہے جس میں اللہ تعالیٰ کا ارشاد ہے:
حضرت ابراہیم ؑ نے اپنے بیٹے اسماعیل ؑ کو مخاطب ہو کر فرمایا: اے میرے بیٹے! مجھے خواب میں القا ہوا ہے کہ میں تجھے اللہ کے حکم سے اللہ کی راہ میں ذبح کروں، اب تو بتا اس بارے میں تیری کیا رائے ہے؟ بیٹے اسماعیل نے جواب دیا:
ابا جی! آپ کو جو حکم ملا ہے آپ اس پر عمل کر گزرئیے، آپ ان شاء اللہ اس معاملے میں مجھے صابر و شاکر پائیں گے۔
اسی واقعے کو علامہ منظوم کرتے ہوئے فرماتے ہیں:
سکھائے کس نے اسماعیل کو آدابِ فرزندی؟
انسان کی تربیت دو بنیادی زاویوں سے ہوتی ہے۔ علامہ اقبال اپنے شعر میں ان دونوں زاویوں کا تذکرہ سوالیہ انداز میں کرتے ہیں کہ حضرت اسماعیل ؑ نے فرزند ہونے کے آداب کہاں سے حاصل کئے۔ کیا یہ کسی درس گاہ میں ان کو سکھائے گئے یا صالح پدری نظر کا اثر تھا جو اسماعیل ؑ کی ذات پر اثر انداز ہوا۔
فکر اقبال کے شناسا ان دونوں زاویوں کو الگ کر کے بیان کرتے ہیں جبکہ ہمارے نزدیک یہ دونوں منابع کی کرشمہ سازی کا اثر تھا کیونکہ حضرت ابراہیم ؑ کی شکل میں یہ دونوں منابع جمع ہو گئے تھے۔ حضرت ابراہیم ؑ کی نظر بھی کیا پراثر تھی کہ آپ اولو العزم جد الانبیاء تھے۔ دوسری طرف وہ استاد کامل تھے۔
حضرت اسماعیل ؑ کو ان دونوں سے فیض حاصل تھا۔ یعنی فیض نظر اور مکتب نے مل کر حضرت اسماعیل ؑ کی کردار سازی کی تھی جن سے آپ کی ذات مجسم کمال کا درجہ اختیار کر گئی تھی۔ شاید یہی وجہ ہے کہ آپ کی صلب سے جناب محمدﷺجیسی شخصیت خاتم النبیین سالار انبیاء بن کر دنیا میں تشریف لائے۔
شرح پیشکش: ملک محمد عارف بارا