Baseerah Institute

Rooted in the Quran and Sunnah, our programs are designed for people who have a contemporary educational background and are eager to learn and deepen their understanding of Islam. تعارف:
بصیرۃ انسٹیٹیوٹ ایک تعلیمی ادارہ ہے جس کا مقصد اسلام کی تعلیمات کو موجودہ دور کے تقاضوں کے مطابق اس انداز سے عام کرنا ہےکہ موجودہ دور میں پیش آنے والے تمام معاملات کا حل اسلام کی روشنی میں ممکن ہو۔ اس کے ساتھ س

اتھ دنیاوی تعلیم کو اسلام کی روشنی میں صحیح اور غلط کی تمیز کے ساتھ اس انداز سے پیش کرنا ہے کہ ایک تعلیم یافتہ انسان ایک اچھا اور باعمل مسلمان ہو، جسے اسلام پر دل و دماغ سے مکمل یقین حاصل ہو۔
بصیرۃ انسٹیٹیوٹ ایک جدید طرز کا ادارہ ہے جس کا اولین ہدف ایسے نوجوان ہیں جنہوں نے گریجوایشن یا اس سے زیادہ دنیاوی تعلیم حاصل کر لی ہے اوروہ اسلام کو جاننے کی طلب رکھتے ہیں۔ ایسے نوجوانوں کے لیے اسلام کی ابتدائی تعلیم سے لے کر اعلیٰ تعلیم تک کے مواقع پیدا کرنا ادارے کا اولین ہدف ہے۔ یہ نوجوان نہ صرف اپنی دنیاوی ذمہ داری اچھی طرح ادا کر پائیں گے بلکہ اس کے ساتھ ساتھ وہ اپنے دینی فرائض بھی بھرپورطریقہ سے انجام دے سکیں گے۔انسان کا مقصدِتخلیق قرآن کی رو سے اللہ کی بندگی کرنا ہے اور اللہ کی بندگی کرنے اور اس بندگی کا صحیح طریقہ جاننے کے لیے ضروری ہے کہ اللہ کی صحیح معرفت حاصل کی جائے اور اس کی دی ہوئی الہامی تعلیمات کو سیکھا جائے۔ ان تعلیمات کا اصل منبع، سرچشمہ اور مستند ترین ذریعہ قرآنِ مجید ہے ۔ لہذا بصیرۃ انسٹیٹیوٹ قرآن کی تعلیمات کو ہر سطح پر اس انداز سے عام کرے گا کہ ایک عام شخص سے لے کر اعلیٰ سے اعلیٰ تعلیم یافتہ ، ذہین سے ذہین ترین اور بااثر سے بااثر ترین شخص سب کے لیے ان کی ذہنی سطح کے مطابق قرآن کی تعلیم کا حصول ممکن ہو۔قرآن کی تعلیم میں سنت ، حدیث اور دیگر تمام اسلامی علوم کی تعلیم شامل ہے کیونکہ یہ تمام علوم قرآن کی تشریح پر مشتمل ہیں۔
اس کے ساتھ ساتھ بصیرۃ انسٹیٹیوٹ کے مقاصد میں یہ بھی شامل ہے کہ دنیاوی تعلیم کے لیے ایک ایسا پلیٹ فارم مہیا کیا جائے جہاں دنیاوی تعلیم کو اسلامی تعلیمات سے ہم آہنگ بنا کر، اسلامی تہذیب و ثقافت کے ساتھ، ایسے لوگوں کے ذریعے نئی نسل تک پہنچایا جائے جو اپنی ذات میں اچھے ، باعمل اور باشعور مسلمان ہوں۔ تا کہ نئی نسل کو اپنی دنیاوی کامیابی کے لئے آخرت کو تباہ کرنے سے بچایا جا سکے۔
بصیرۃ انسٹیٹیوٹ نہ صرف یہ کہ فرقہ بندی اور مسلکی تعصب سے پاک ہے بلکہ وہ امت کے تمام مکاتب فکر کے متعدل اہل علم کے لئے ایک ایسا پلیٹ فارم بننے کے لئے کوشاں رہے گا جس کے ذریعے آپس میں محبت، الفت اور اتحادواتفاق کی فضا ء پیدا ہو۔
بصیرۃ انسٹیٹیوٹ کی ان تمام کاوشوں کا حاصل یہ ہے کہ اسلام کو بطور نظامِ زندگی قائم کرنے کے لئے جاری کوششوں میں افراد کی تیاری کے ذریعے اپنا حصہ ڈالا جائے۔ کیونکہ ہمارے نزدیک یہ کام اللہ کی رضا اور اخروی نجات کے حصول کا ذریعہ ہے۔