Jamia۔Mohi۔Ul۔Islam۔Siddiqia۔Astana۔Alia۔Salgran۔Sharif

🌹آج کی حدیث مبارکہ و کیلنڈر🌹

آج کا کیلنڈر

آج کا کیلنڈر

اظہار-تعزیت

آج کاکیلنڈر

السلام عليكم ورحمة الله وبركاته۔۔
عنوان۔۔۔۔۔۔۔۔۔۔۔
*شان* *نبوت* *ﷺ* و *عظمت* *صحابہ* *کرام* و *اھل* *بیت* *عظام* *رضوان* *اللہ* *تعالی* *علھیم* *اجمعین* ۔

'بندہ پرودگارِ امت احمد نبیﷺ
دوست دارِ چار یارَم تابع اولادِ علیؓ

مذھب حنفیہ دارم ملتِ حضرت خلیل ؓ
خاکپاۓ غوث اعظمؓ زیرِسایہ ھر ولی۔۔

انبیاء کرام تمام مخلوق ،یہاں تک رُسل و ملائکہ سے افضل ھیں۔

نبی کی تعظیم فرض عین ھے بلکہ اصل تمام فرائض ھے انبیاء کرام کے مختلف درجات ھیں بعض کو بعض پر فضیلت دی گئ ھے اور جماعت انبیاء میں سب سے افضل واعلی سید الانبیاء جناب محمد رسول اللہ ﷺ ھیں (القرآن3پارہ)
کوئ ولی ۔صحابی تابعی یا کوئ اور کتنا ھی بڑامرتبے والاھو کسی بھی نبی کے برابرنہیں ھوسکتا
کسی بھی نبی کی ادنی سی توھین یا تکذیب کفر ھے (بہار شریعت)
جو کسی غیر نبی کو کسی نبی سے افضل یا برابر بتاۓ وہ کافر ھے (بہار شریعت)
اللہ رب العزت نے قرآن مجید میں ارشاد فرمایا
بِسْمِ اللّٰهِ الرَّحْمٰنِ الرَّحِيْمِ

وَاعۡتَصِمُوۡا بِحَبۡلِ اللّٰهِ جَمِيۡعًا وَّلَا تَفَرَّقُوۡا‌ ۖ وَاذۡكُرُوۡا نِعۡمَتَ اللّٰهِ عَلَيۡكُمۡ اِذۡ كُنۡتُمۡ اَعۡدَآءً فَاَ لَّفَ بَيۡنَ قُلُوۡبِكُمۡ فَاَصۡبَحۡتُمۡ بِنِعۡمَتِهٖۤ اِخۡوَانًا ۚ وَكُنۡتُمۡ عَلٰى شَفَا حُفۡرَةٍ مِّنَ النَّارِ فَاَنۡقَذَكُمۡ مِّنۡهَا ‌ؕ كَذٰلِكَ يُبَيِّنُ اللّٰهُ لَـكُمۡ اٰيٰتِهٖ لَعَلَّكُمۡ تَهۡتَدُوۡنَ ۞
ترجمہ۔۔
اور اللہ کی رسی کو مضبوطی سے پکڑو اور جدا نہ ھونا اور یاد رکھو اللہ تعالی کی وہ نعمت جو اس نے تم پر فرمائ تھی (آپس میں)دشمن پس اس نے اُلفت پیدا کردی تمھارے دلوں میں تو بن گۓ تم اس کے احسان سے بھائ بھائ اور تم (کھڑے)تھے دوزخ کے گڑھے کے کنارے پرتو اس نے بچالیاتمھیں اس (میں گِرنے)سے یونہی بیان کرتاھے اللہ تعالی تمھارے لیے اپنی آیتیں تاکہ تم ھدایت پرثابت رھو۔(ضیاء القرآن)
حضرت سیدنا علی ؓ وابن مسعود وابوسعید خدری نے رسول کریم صلی اللہ علیہ والہ وسلم سے یہ روایت فرمائ ھے ۔کہ حَبلُ اللہ القرآنُ ۔ اللہ کی رسی سے مراد قرآن ھے۔
آیت کریمہ میں اللہ نے مسلمانوں کو متحد ھونے کا حکم دیاھے۔اور انکےلیے وہ مستحکم بنیاد مقرر فرمائ جس سے محکم تر کوئ بنیاد نہیں ھوسکتی۔وہ قرآن کریم ھی ھے۔قرآن کریم پر عمل کرنے کئلیے اس کا صحیح سمجھنا ضروری ھے ۔اور اسکی صحیح سمجھ اس ذات اقدس و اطہر کے بیان اور تفسیر کے بغیر ناممکن ھے جسے قرآن نازل کرنے والے خدا نے بھیجا ھی قرآن کو صحیح صحیح سمجھانے کئلیے تھا۔
اللہ تعالیﷻ نے حکم دیا ھے کہ ھم اعتقاداً اور عملاً کتاب و سنت کی رسی کو مضبوطی سے پکڑلیں۔
اس آیت مقدسہ کہ اولین مخاطب صحابہ کرام کی پاکیزہ نفوس ھیں اور انکے متعلق ھی خداۓ بزرگ و برتر فرمارھا ھے کہ میں نے انکے دل کو جوڑ دیا ھے اور تمھیں تمھیں بھائ بھائ بنادیا ھے ۔اور انکو دوزخ سے نکال لیا ھے۔
اب جو لوگ ان نفوس قدسیہ پر طرح طرح کے اعتراضات کرتے ھیں (بشمول جناب صدیق اکبرؓ و حضرت امیر معاویہؓ)انکو دائرہ اسلام سے خارج سمجھتے ھیں۔
وہ خود ھی ذرا انصاف کریں اور بتائیں کہ وہ کون لوگ تھے جن کو حضور صلى الله عليه واله وسلم نے شیر و شکر کیاتھا وہ کون تھے جن کو دوزخ کے کنارے سے ھٹاکر جنت میں پہنچایا تھا
جن کےبارے میں قرآن مجید دوسرے مقام پر رُحماءُ بینھم کے الفاظ کے ساتھ تذکرہ خیر کرتا ھے۔
حقیقت میں صحابہ کرام پر اِعتراض کرنا ان پر اِعتراض نہیں بلکہ قرآن پر اسلام پر اور پیغمبر اسلام پر اعتراض ھے

عاشقان او زخُوباں خوب تر
خوش تروزیبا ترو محبوب تر
(اقبال)
(کلیات اقبال فارسی اسرار خودی ۔ص 19)

اھل بیت عظام رضوان اللہ و صحابہ کرام رضوان اللہ کی شانیں وری الوری ھیں ھم ان نُفوس قُدسیہ کی شانیں کہاں بیان کرسکتے ھیں
!!

ھم تو دنیا و عقبی میں اپنی نجات کا سامان مہیا کرنے کئلیے اُن نُفوسِ قُدسیہ کا ذکر خیر کرتے ھیں۔
سرکاردوعالم ﷺ نے اپنی اھل بیت کی محبت کے بارے میں ارشاد فرمایا

وَعَن\أبي ذرٍ أَنَّهُ قَالَ وَهُوَ آخِذٌ بِبَابِ الْكَعْبَةِ: سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ: «أَلَا إِنَّ مِثْلَ أَهْلِ بَيْتِي فِيكُمْ مِثْلُ سَفِينَةِ نُوحٍ مَنْ رَكِبَهَا نَجَا وَمَنْ تَخَلَّفَ عَنْهَا هلك» .
(مشکوۃ المصابیح ۔6183)

میرے اھل بیت کی مثال نوح علیہ السلام کی کشتی کی ھے جو اس میں سوار ھوگیا نجات پاگیا اور جو پیچھے رہ گیا وہ ھلاک ھوگیا۔
حضور ﷺ کے جملہ قرابت داروں کی، خصوصاً اھل بیت کرام کی محبت،ان کا ادب و احترام عین ایمان بلکہ جان ایمان ھے۔
جس کے دل میں اھل بیت کے لیے محبت نہیں وہ یوں سمجھے کہ اسکے ایمان کی شمع بجھی ھوئ ھے اور وہ منافقت کے اندھیروں میں بھٹک رھا ھے جتنی کسی کی قرابت حضور ﷺ سے زیادی ھوگی اتنی ھی اسکی محبت و احترام زیادہ مطلوب ھوگا۔

بے شک اھل بیت ی محبت ھمارا ایمان ھے ۔
یہ اس خورشید کی چمک ھے جہاں ایمان ھوگا وھاں حُب آلِ مصطفی ﷺ ضرور ھوگی۔

اور پھر سرکار دوعالم ﷺ نے ارشاد فرمایا۔
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «أَصْحَابِي كَالنُّجُومِ فَبِأَيِّهِمُ اقْتَدَيْتُمْ اهْتَدَيْتُمْ» . رسول اللہ ﷺ نے فرمایا:’’ میرے صحابہ ستاروں کی مانند ہیں، تم ان میں سے جس کی بھی اقتدا کرو گے ہدایت پا جاؤ گے۔‘‘
(مشکوۃ المصابیح 6018)

حضور ﷺ نے اپنے اھل بیت کی محبت کا اگر حکم دیا ھے تو اپنے صحابہ کے احترام و اکرام کی بھی تاکید فرمائ
فرمایاکہ میرے صحابہ درخشاں ستاروں کی طرح ھیں۔۔
(قرآن مجید نے سارے صحابہ کرام کی جماعت کےلیے رضی اللہ عنھم ورضو عنہ کے کلمات سے کے ساتھ ذکر خیر فرمایا
مراد سارے صحابہ ھیں)
ھمیں دنیا عقبی میں نجات حاصل کرنے کئلیے ایک کشتی کی ضرورت ھے اور ستاروں کی ضرورت ھے
سرکار دوعالم ﷺ کے فرامین مقدسہ کا نتیجہ یہ ھے کہ کشتی میرا گھرانہ ھے اور ستارے میرے صحابہ ھیں۔

یہ گِرہ اب تک نہ کھلی کہ بعض لوگوں کے نزدیک حب آل مصطفی علیہ اطیب التحیۃ والثناء کے لیے بُغض اصحاب کی شرط کہاں سے ماخوذ ھے۔؟
کامیاب وھی ھوگا جسے کشتی بھی ملی ستارہ بھی ملا
جسے کشتی ملی ستارے نہ ملے وہ بھی ناکام
اور جس نے ستاروں کا تو دامن تھام لیا لیکن کشتی میں سوار نہ ھوا وہ بھی ناکام۔

لہذا منزل کا رخ کا ٹھیک کرنے کئلیے صحابہ کرام کی محبت ضروری ھے اور استقامت پر قائم رھنے کئلیے ذوات اھل بیت کی محبت و الفت ضروری ھے۔

حضور شیخ العالم حضرت پیر علاؤالدین صدیقی ؒ نے ارشاد فرمایا
اھل بیت کرام ؓ کی محبت ھماری جان ھے۔
صحابہ کرام کی محبت ھماری شان ھے
نبی کریم ﷺ کی محبت ھماراایمان ھے۔
نہ ھم جان چھوڑ سکتے ھیں۔نہ ھم شان چھوڑ سکتے ھیں۔نہ ھم ایمان چھوڑ سکتے ھیں
یہ ھے اھل سنت کا عقیدہ اسکو یاد کرلو
(ماخوز از مفتاح الکنز)
اھل بیت کرام کی محبت کی آڑ میں صحابہ کا بُغض رکھ کر انکو برا بھلا کہہ کر بھی کامیابی ممکن نہیں۔
اور صحابہ کرام کی محبت کی آڑ میں اھل بیت عُظام کا بغض ھو پھر بھی کامیابی ممکن نہیں۔
سرکار دوعالم ﷺ نے ارشاد فرمایا حضرت علی ؓ کے چہرے کو دیکھنا عبادت
(مستدرک للحاکم)
سرکاردوعالم ﷺ نے ارشاد فرمایا میں نے سب کے احسانات کا بدلہ دے دیا ھے۔سواۓ ابو بکرکے ، جن کا بدلہ اللہ قیامت کے دن دے گا
(جامع ترمذی شریف 3161)
اور پھر سیدہ طیبہ طاھرہ عابدہ زاھدہ خاتون جنت فاطمۃ الزھرہ ؓ کے متعلق سرکار دوعالم ﷺ نے ارشاد فرمایا
کہ آپ جنتی عورتوں کی سردار ھیں۔

(مشکوۃالمصابیح۔6171)
سرکار دوعالم ﷺ نے ارشاد فرمایا
کہ اے اللہ۔تو انکے ھدایت دے اور ھدایت یافتہ بنادے اور انکے ذریعے اور لوگوں کو ھدایت دے۔۔
اُس ھستی کا نام امیر معاویہؓ ھے۔
(ترمذی شریف 3842)

لہذا ان تمام نُفوس قدسیہ حضرات صحابہ کرام کو طعن تشنیع کا نشانہ نہ بنایاجاۓ۔

خلاصہ کلام۔۔
صحابہ کرام بھی ھمارے ھیں اھل بیت اطہار بھی ھمارے ھیں۔
ان دونوں کے خلاف یا کسی ایک جماعت کے خلاف زبان درازی کرنا یادل میں انکے بارے میں میل رکھنا اپنے ایمان کو ضائع کرنے کےمترادف ھے۔
اللہ کریم صحابہ کرام۔اھل بیت عظام ۔اولیاء کرام کی محبت و مودّت میں زندگی اور موت نصیب فرماۓ آمین ثم آمین۔

راقم الحروف۔
صاحبزادہ حافظ منہاج الدین احمد صدیقی
فاضل دارالعلوم محمدیہ غوثیہ بھیرہ شریف
+923038169592

تمام اہل اسلام کو عید الفطر مبارک ہو۔ 🌙
Eid ul Fitr Mubarak to all - May Allah Pak accept our Fasting & Prayers. Ameen

آج کاکیلنڈر