Madrassa Hasaan-Bin-Sabit

انشاء اللہ ھفتہ کے دن شب اتوار کو 🏰🕍

دورِجدید کاسب سے بڑافتنہ،،اتحادادیان،،۔
بیان!مولانا مفتی *سید زبیر شاہ* صاحب حفظہ اللہ
مقام!مرکز دارالایمان کربوغہ شریف
تاریخ!10اپریل 2023/۔19رمضان المبارک 1444ھ
مرتب!شکیل احمد۔اسلام آباد
خطبہ مسنونہ کے بعد یہ آیت تلاوت فرمائی!
وَٱتَّقُواْ فِتْنَةً لَّا تُصِيبَنَّ ٱلَّذِينَ ظَلَمُواْ مِنكُمْ خَآصَّةً ۖ وَٱعْلَمُوٓاْ أَنَّ ٱللَّهَ شَدِيدُ ٱلْعِقَابِ(الانفال:25)
فرمایا!یہ دور فتنوں کا ہے،ایک فتنہ صبح مغرب میں پیدا ہوتاہے،شام تک مشرق میں پہنچ چکا ہوتا ہے،شمال میں پیدا ہوتا ہے تو جنوب تک پہنچ چکا ہوتا ہے۔
مغرب اورکفار کی طرف آنے والے یہ فتنےپہلےخوبصورت ٹاٹٹل ،اور دلکش عنوان کے ذریعے ہوتے تھے اور ان دلکش عنوانات کے پس پردہ کوئی سازش ہوتی تھی ،اوران کے پس پردہ ہمارے مقدسات پہ حملے ہوتے تھے،جیسے،،آزادی نسواں ،،کے خوبصورت عنوان کے پس پردہ ہمارے پورے خاندانی نظام کو تباہ کر کے رکھ دیا،اور ،،آزادی اظہار رائے،،کے دلکش عنوان کےذریعے ہماری مقدس ہستیوں کو نشانہ بنایا گیا یہانتک کہ رسول اکرم صلی اللہ علیہ وسلم کی مقدس اور مطہر ہستی کی شان مبارک پہ حملے کئے گئے۔
یہ خوبصورت ٹائٹل اور دلکش عنوانات کا سہارا اس لئے لیتے تھے کہ انہیں معلوم تھا کہ اگرمسلمانوں کے مقدسات پہ براہ راست حملہ کریں گے تو مسلمانوں کا ضمیراسے ہضم نہیں کرےگا،قے اور الٹی کر دےگا،پھر انہوں نے میڈیا کے ذریعہ ہمارے اوپر اتنی محنت کی کہ انہیں یقین ہوگیا کہ اب ہمیں پردوں کا سہارا لینے کی ضرورت نہیں اب اگر ہم براہ راست بھی ان کے مذہب اور مقدسات پہ حملہ کریں گے توان کا ضمیر اسے ہضم کرلے گا،چنانچہ انہوں نے براہ راست ہمارے مذہب اور مذہبی تعلیمات پہ حملے شروع کر دئے، ابھی آپ نے دیکھاکہ،،ٹرانس جینڈر،،اور ہم جنس پرستی کے نام سےہماری اسمبلی سے بل منظور کرایا۔
اب ایک نیا فتنہ جنم لے رہاہے،اس پہ اربوں ڈالر خرچ ہورہے ہیں،اور عالمی صدور،وزراء اعظم اور بڑے بڑے مغربی پوپ سرجوڑ کر محنت کررہے ہیں،وہ فتنہ سابقہ سب فتنوں سے بڑا فتنہ ہے،وہ فتنہ ہے،،وحدت ادیان،،کافتنہ۔
اس کو برطانیہ کے سابق وزیراعظم ٹونی بلیئر نے شروع کیا،اور اس کے معاون بنگلہ دیش کے،،عیدی حسین،،ہیں،یہ وہی عیدی حسین ہیں جن کے پاس اس سے پہلے اسلام کودہشت گرد مذہب ثابت کرنے کی مسئولیت تھی کہ میڈیا پہ یہ بات اس قدر پھیلادو کہ گویا اسلام اور دہشت گردی دو مترادف الفاظ بن جائیں۔
اسی منصوبہ کوعملی جامہ پہنانے کےلئے ابو ظہبی میں
مسلمانوں کی مسجد اور یہودیوں و عیسائیوں کی عبادت گاہیں ایک ساتھ بنائی گئی ہیں،کہ جس کا جہاں چاہئے عبادت کرے،گویا کہ مذہب ہرفرد کاانفرادی معاملہ ہے،اور
اس کے لئے انہوں نے ،،ملت ابراہیمی،،کوبنیاد بنایاہے،
کیونکہ لاالہ الااللہ توتمام انبیاء میں مشترک ہے،اختلاف
دوسرے نبوت والے جز میں ہے،یعنی محمدرسول اللہ میں
اور حضرت ابراہیم وہ واحد پیغمبر ہیں جوتینوں مذاہب میں قابل تسلیم اور قابل قدر ہستی ہیں،گویا وہ تینوں
مذاہب کوملاکرایک ملغوبہ تیار کر رہے ہیں،اور قرآن و احادیث سے اس کے دلائل تلاش کرکے گمراہ کررہے ہیں،اور ،،حلف الفضول ،،کے نام سے ابوظہبی میں ایک اتحادی سنٹر بھی قائم کردیاہے،حالانکہ حلف الفضول تو ظلم کے خلاف ایک معاہدہ تھا،اس کا اتحاد مذہب کے ساتھ کوئی تعلق نہیں اور اب قرآن مجید،تورات اور انجیل تینوں کو ملا کر ایک کتاب تیارکررہے ہیں،لیکن ابھی اس پہ کام جاری ہے،اس کےبعداس کامیڈیا ٹرائل ہوگا،اور اس ،،اتحاد مذہب،،کواس قدر پھیلایا جائے گا کہ اس کی مخالفت کرنے والا دہشت گردشمارہوگا،مغرب یہ چاہتا ہے کہ جس طرح اقتصادی اصول دنیا کے لئے ہم بناتے ہیں،سیاسی اورانسانی حقوق بھی دنیاکے لئے ہم بناتے ہیں،اس طرح مذہب کے اصول میں بھی دنیاہماری محتاج ہو۔
یہ دجالی میڈیا کا دور ہے یہ اس دور کا فتنہ ہے،جس طرح دجال سچ کو جھوٹ اور جھوٹ کو سچ ثابت کردکھائےگا،اسی طرح یہ دجالی میڈیا بھی یہی کردار اداکررہاہے،
اگر کسی مدرسہ میں قاری صاحب کسی بچے کوماریں،
یا کسی عورت کوجھوٹی گولی لگ جائے تو یہ دجالی
میڈیا آسمان سر پہ اٹھالیتاہے،اور خود مغرب،،دہشت
گردی کے خلاف عالمی جنگ،،کے خوش کن عنوان سے
عراق،شام،لیبیا،اور افغانستان میں لاکھوں بے گناہ بچوں
،عورتوں اور بوڑھوں کوشہید کرکے بھی بے گناہ ہے۔
دجالی میڈیا یہ اس وقت کا زہراور سحر ہے،سحر،، نظر بندی،، کرتا ہے اور میڈیا ،،فکربندی،،کرتاہے۔
ان فتنوں سے بچنے کا واحد راستہ ایمان کومضبوط کرناہے،کیونکہ ایمانی فراست سے ہی انسان فتنوں کوپہچان سکتا ہے،حدیث مبارک میں ہے!
اِتَّقُوْا فَرَاسَۃَ الْمُؤْمِنِ فَاِنَّہٗ یَنْظُرُ بِنُوْرِ اللہِ'' (سنن الترمذی،حدیث نمبر:3127)
مومن کی فراست و دانائی سے ڈرو وہ اللہ کے نور سے دیکھتا ہے۔
اس وقت یہ ملک بھر کےعلماء،کالج یونیورسٹی کے اساتذہ،طلباءاورڈاکٹر حضرات کاچنیدہ مجمع ہے،آپ سے گزارش ہے کہ پورے ملک میں،،مراکزایمان وتقوی ،،قائم ہیں،آپ لوگوں کو انکے ساتھ جوڑنے کی کوشش کریں تاکہ
عوام کے ایمان مضبوط ہوں اوروہ ان فتنوں کوپہچان کر ان سے بچ سکیں،آپ محنت کریں تو آپ کی آواز پورے ملک بلکہ پوری دنیا میں پہنچ جائے گی،
وآخردعوانا ان الحمدللہ رب العلمین