Govt Boys High School Chakri District Education Authority Rawalpindi

16/12/2025

سر بلال احمد ( ای۔ ایس ۔ٹی) گورنمنٹ تعلیم القرآن ہائی سکول راولپنڈی بطور سٹیم سفیر گورنمنٹ ہائی سکول چکری میں

14/12/2025

سینیٹائزرز کی ضرورت اور اہمیت
سینیٹائزرز کو گھریلو سطح پر بنانے کا طریقہ، اجزائے ترکیبی اور استعمال کا طریقہ

13/12/2025

05/12/2025

STEAM Activity performance
Grade 8, Subject Geography

04/12/2025

STEAM Activity

28/11/2025

STEM Activity
Drip 🫟 Arrigation
Grade 7

21/11/2025

Selection of Class and School leaders + Monitors

13/11/2025

گورنمنٹ ہائی سکول چکری میں سٹیم کمپٹیشن کی تیاریوں کا مصروف دن (STEM)
آج گورنمنٹ ہائی سکول چکری میں طلبہ نے سٹیم (STEM) مقابلے کی تیاریوں میں نہایت مصروف اور پُرجوش دن گزارا۔ طلبہ کا جذبہ، دلچسپی اور لگن قابلِ دید تھی۔ سربراہِ ادارہ کی جانب سے دی گئی رہنمائی اور ہدایات کی روشنی میں بچے اپنی تعلیمی استعداد اور تخلیقی صلاحیتوں کو بروئے کار لاتے ہوئے لو کاسٹ، نو کاسٹ مواد کے ذریعے اپنے تعلیمی منصوبوں کی تکمیل میں مصروفِ عمل تھے۔
اسی دوران اے۔ای۔او مرکز چونترہ جناب راجہ توقیر صاحب نے سکول کا دورہ کیا۔ انہوں نے طلبہ کے جوش و خروش اور انہماک کو سراہا اور ان کی کوششوں کی تعریف کی۔ جناب راجہ توقیر صاحب نے اپنے عملی تجربات طلبہ کے ساتھ نہایت دلچسپ انداز میں شیئر کیے اور انہیں چند مفید اور رہنما مشورے بھی دیے تاکہ وہ مستقبل میں اپنی سائنسی اور تخلیقی کاوشوں کو مزید نکھار سکیں۔
یہ دن طلبہ کے لیے نہ صرف تعلیمی تجربہ تھا بلکہ عملی سیکھنے کا ایک یادگار موقع بھی ثابت ہوا، جس نے ان کے اندر تحقیق، جستجو اور جدت پسندی کی روح کو مزید جلا بخشی۔

28/10/2025

آب و ہوا کے لحاظ سے زمین کے مختلف حصوں کا مطالعہ

05/10/2025

گورنمنٹ بوائزہائی سکول چکری کا ایک اور اعزاز
سید تجمل حسین شاہ صاحب تحصیل راولپنڈی کو تمام ہائی سکولوں میں سے سٹار ٹیچر ایوارڈ کے لیے منتخب کیا گیا ہے. انہیں یہ ایوارڈ فزکس میں بہترین تدریسی پرفارمنس ، مہارت، قابلیت اور شاندار سالانہ نتائج، سکول میں موثر حکمت عملی، ایکٹیوٹی بیس ٹیچنگ اور بطور ماسٹر ٹرینرکی بنیاد پر پوری تحصیل کے بہترین ٹیچر قرار دیتے ہوئے ایک تقریب میں دیا گیا ہے. یہ تقریب گورنمنٹ مسلم ہائیر سیکنڈری سکول راولپنڈی میں منعقد ہوئی جس میں ایم پی اے عاصمہ عباسی صاحبہ، ایم پی اے ضیاء اللہ شاہ صاحب، جناب طارق محمود صاحب، CEO ایجوکیشن راولپنڈی نے سید تجمل حسین شاہ صاحب کو اس ایوارڈ سے نوازا.
ہائی سکول چکری کے انچارج ہیڈماسٹر سید مبشر حسن شاہ صاحب اور تمام سٹاف کی جانب سے ہم اپنے بہترین اور محنتی ٹیچر سید تجمل حسین شاہ صاحب کو مبارک باد پیش کرتے ہیں اور دعا گو ہیں کہ اللہ کریم ان کی علم و قابلیت میں اور مقام و مرتبہ میں اضافہ فرمائے. آمین

05/10/2025

استاد: روشنی بانٹنے والا چراغ

دنیا کے ہر رشتے کی اپنی ایک پہچان، اپنی ایک اہمیت ہوتی ہے، مگر اگر کوئی رشتہ ایسا ہے جسے خالقِ کائنات نے پیغمبری پیشے کا درجہ عطا کیا، تو وہ استاد کا رشتہ ہے۔ استاد وہ ہستی ہے جو انسان کو جہالت کے اندھیروں سے نکال کر علم و آگہی کی روشنی سے منور کرتی ہے۔ وہ انسانی ذہن و دل کے پوشیدہ گوہر کو تراش کر اسے ایک قیمتی ہیرے میں بدل دیتا ہے۔
استاد کی عظمت کا اندازہ اس بات سے لگایا جا سکتا ہے کہ اللہ تعالیٰ نے اپنا تعارف ’’ربّ‘‘ یعنی تربیت دینے والے کے طور پر کرایا۔ یہ دراصل اُس کردار کی علامت ہے جو ایک استاد ادا کرتا ہے۔ پھر قرآنِ مجید کی پہلی وحی میں قلم اور علم کا ذکر ہوا — گویا علم، تربیت اور رہنمائی وہ بنیادیں ہیں جن پر انسانی تہذیب کی عمارت کھڑی ہے۔
آج جب ہم ترقی، تہذیب اور اخلاقی زوال کے موضوعات پر بحث کرتے ہیں تو ہمیں یاد رکھنا چاہیے کہ قوموں کی تعمیر میں سب سے پہلا کردار استاد کا ہوتا ہے۔ استاد صرف کتاب نہیں پڑھاتا، وہ کردار بناتا ہے، دلوں کو سنوارتا ہے، ذہنوں کو بیدار کرتا ہے۔ وہ ایمان، صبر، محنت اور خدمتِ خلق کے چراغ اپنے شاگردوں کے دل میں جلاتا ہے، اور یہی چراغ بعد میں معاشرے کو روشنی عطا کرتے ہیں۔
لیکن اس روشنی کو زندہ رکھنے کے لیے صرف استاد کا اخلاص کافی نہیں۔ اس میں والدین اور معاشرے کا بھی بنیادی کردار ہے۔ جب والدین اپنے بچوں کے سامنے استاد کا احترام کرتے ہیں، ان کے فیصلوں پر اعتماد ظاہر کرتے ہیں، اور بچوں کو استاد کی بات سننے کا سلیقہ سکھاتے ہیں، تو وہ دراصل علم کے احترام کی بنیاد رکھ رہے ہوتے ہیں۔ بچوں کے لیے استاد کی عزت کا پہلا سبق کتاب سے نہیں، گھر سے شروع ہوتا ہے۔
اسی طرح معاشرہ اگر استاد کو اس کا اصل مقام دے، اسے صرف ایک پیشہ ور نہیں بلکہ ایک رہنما سمجھے، تو قوموں کا کردار سنور سکتا ہے۔ میڈیا اور سماجی اداروں کو چاہیے کہ وہ استاد کو اُس کے حقیقی مقام پر پیش کریں — کیونکہ جس معاشرے میں استاد کو عزت ملتی ہے، وہاں علم کو وقار ملتا ہے اور اخلاق کو پختگی۔
یومِ اساتذہ صرف ایک دن منانے کا نام نہیں بلکہ ایک احساسِ شکرگزاری ہے اس چراغ کے لیے جو خود جل کر دوسروں کے راستے روشن کرتا ہے۔ استاد کے احترام میں دراصل علم کی حرمت چھپی ہے، اور علم وہ طاقت ہے جو قوموں کو زمانے کی قیادت عطا کرتی ہے۔
آخر میں یہی کہا جا سکتا ہے کہ:
> "استاد وہ چراغ ہے جو خود جل کر دوسروں کے لیے روشنی پھیلاتا ہے۔"
جو قوم اپنے استاد کو عزت دیتی ہے، دنیا خود اُس کے قدموں میں عزت کے پھول بچھا دیتی ہے۔
تحریک چوہدری نوید عباس
گورنمنٹ ہائی سکول چکری راولپنڈی

نوٹ:- اس پوسٹ کے توسط سے کے تمام
موجودہ سب کا طالب علم وں کو کمنٹ میں اپنے ماضی کے اور موجودہ اساتذہ کو کر کے خراج تحسین پیش کر یں