Wijdan وجدان

یوم عاشور کا حقیقی پیغام
۔
میں نے لاہور کے بابوں میں بیٹھے ایک داستان سنی۔ سن سینتالیس کے اجاڑے کے بعد عید تھی اس وقت کے عمران خانوں کے پیچھے لگ کر قوم نے "حقیقی آزادی" لے لی تھی۔ خیر عید کی نماز ہوئی لوگ ایک دوسرے سےگلے مل رہے تھے۔ اچانک عید گاہ میں ایک چیخ نے سب کو اپنی طرف متوجہ کر لیا۔ ہوا ایسے کہ ایک شخص کے تمام ضبط کے بندھن ٹوٹ گئے اس نے روتے اور دھاڑتے ہوئے پنجابی میں کہا۔
ہائے لوکو کوئی مین وی تے ملے ہائے میرا کوئی وی نہیں جیہڑا مین جپھا مار کے ملے
(ہائے لوگو کوئی تو مجھے بھی گلے لگائے میرا کوئی بھی نہیں ہے)
ذرا چشم تصورات میں اس شخص کا کرب تو لائیں۔
ہم نے جو کچھ مولویوں اور ذاکروں سے واقعہ کربلا کی داستان سن رکھی ہے اس میں بھی امام زین العابدین اور دیگر خانوادے کی غریب الوطنی کے بارے میں بتایا جاتا ہے۔
میرے نذدیک کربلا کے جو درس ہیں ان میں ایک جو منظر کشی ہے وہ غریب الوطنی اور تنہائی کا کرب ہے،
بس عاشور پہ کسی ایسے جو زبان حال سے کہ رہا ہو

میں ہوں بے وطن مسافر میرا نام بے کسی ہے
میرا کوئی بھی نہیں ہے جو گلے لگا کے روئے

اسے گلے لگا کر آنسو پونچھ لیں
۔
از چودھی مبشر

اس عید پر شدت سے احساس ہو رہا ہے۔ اللہ کا نظام ہماری ناشکری پر حرکت میں آ چکا ہے۔ اجتماعی استغفار اور اجتماعی سجدہ شکر ادا کرنے کی ضرورت ہے۔
۔
از چودھری مبشر

اہل ایمان کو عید مبارک
۔
تحدیث نعمت
اس بار اللہ پاک کی جانب سے کچھ آزمائش تھی عید سے کچھ دن پہلے لٹنے کی واردات ہوئی پھر ایک ایکسیڈینٹ بھی۔ لیکن اللہ رب العزت نے ہمت دی اور الحمدللہ تمام گھر والوں نے حیثیت اور مقدور بھر قربانی کی۔ اللہ اور اس کے محبوب کی رضا کے دو جذبے کارفرما تھے۔
ایک تو سید عالم صلی اللہ علیہ والہ وسلم کی جد امجد سیدنا ابراہیم علیہ السلام اور تاجدار کائینات صلی اللہ علیہ والہ وسلم کی سنت کی ادائیگی
اور دوسرا قران کے حکم خداوندی کے تحت ملحدوں اور اللہ کے باغیوں کے دلوں کو جلانا۔
یقینا آج ملحد جتنا جلیں گے تڑپیں گے اس میں اللہ میرا بھی حصہ لکھے گا۔ آپ سے گذارش ہے کہ اللہ سے دعا فرمائیں کہ اللہ میرے اور آپ کے ٹوٹے پھوٹے جذبات کو بھی قبول کرے۔
۔
از چودھری مبشر

قربانی کی عید ہے ، زیادہ تر لوگ گوشت کے ساتھ سوفٹ ڈرنک استعمال کرتے ہیں ، جس دکان میں دس کریٹ اترتے ہیں وہ قربانی کی عید پر سو کریٹ اتارتا ہے ، اس عید پر مصالحے اور سوفٹ ڈرنک خوب بکتی ہے یہ ان کا سیزن ہے سیزن _
آگے کچھ بتانے کی ضرورت تو نہیں ؟ یقینا آپ لوگ سمجھ گئے ہوں گے _ اگر آپ نے اس عید پر سوفٹ ڈرنک والوں کا جم کر بائیکاٹ کردیا تو یہ گرتی ہوئی دیوار کو آخری دھکہ ثابت ہوگا کیونکہ سیزن ہے سیزن _ ایک جھٹکہ اور دیوار نیچے انشاءاللہ
سوفٹ ڈرنکس صرف پاکستان میڈ استعمال کریں کہ انکا حوصلہ بھی بڑھے گا اور مارکیٹ بھی کیپچر ہوگی _
Qasim Shah Muhammad

آگاہ ہو جاؤ! کسی عربی کو کسی عجمی پر، کسی عجمی کو کسی عربی پر، کسی سرخ رنگ والے کو کالے رنگ والے پر اور کسی سیاہ رنگ والے کو سرخ رنگ والے پر کوئی فضیلت و برتری حاصل نہیں، مگر تقویٰ کے ساتھ، جیسا کہ ارشاد باری تعالىٰ ہے: ”اللہ تعالىٰ کے ہاں تم میں سے وہ شخص سب سے زیادہ معزز ہے جو سب سے زیادہ پرہیزگار ہے

السلام اے قیمتی تر گوہر دریائے جود
السلام اے تازہ تر گلبرگ صحرائے وجود

عاشق صادق سیدی حضرت جامی رح کے کلام کا یہ شعر سید عالم صلی اللہ علیہ والہ وسلم کی بارگاہ میں لکھے سلام کا ایک ٹکڑا ہے۔ دلوں کی کھیتی اور بستی تپتی لو سے اجڑ گئی ہے رحمت عالم کی امت کی اجتماعیت سے لیکر میری بے ہستی ذات تک سب کچھ اجڑا پجڑا ہے۔
فتنوں کا دور ہے الحاد پھیل رہا ہے۔ ایمان کی فکر لاحق ہے۔ آج کے دن اپنے خاتمہ ایمان کی دعا کریں اور سید عالم صلی اللہ علیہ والہ وسلم کے دامن رحمت میں پناہ ڈھونڈیں۔
،
از چودھری مبشر

بات بلاوے کی ہے۔ ذرا اعزاز تو دیکھیں یہ "اللہ" کے مہمان ہیں

موسمیاتی تبدیلی سے سب سے زیادہ دنیا بھر میں متاثر ہونے والا خطہ برصغیر اس وقت تنور بنا ہوا ہے۔ ایک طرف ریکارڈ توڑ گرمی اور دوسری جانب خلیج بنگان میں سمندری طوفان ۔ ابھی جولائی میں شدید سیلابوں کی پیشین گوئی ہے۔ پاکستان بھارت بنگلہ دیش کو اس وقت سب اختلافات بھلا کر دنیا کے سامنے کھڑے ہونے کی ضرورت ہے کہ تمہاری ترقی کی قیمت ہم کیوں ادا کریں۔
ورنہ ماہرین کے مطابق دس سال بعد صرف ایکسٹریم یو وی ابزارشن سے یہاں ہر ساتواں بندہ کینسر کا مریض ہو گا۔
۔
از چودھری مبشر

پاکستان کے موسم پر اس سے بہتر گرپ میں نے کم ہی دیکھی ہے۔ اللہ رحم فرمائے آمین

میری جان سے پیاری طلباٗ تنظیم انجمن طلباٗ اسلام کا ایک اور شہزادہ ایک اور سجیلا جوان امت کے مظلوموں کے احتجاج کرتا ہوا اپنے رب کے حضور شہید ہو کر پیش ہو گیا۔
انجمن طلباٗ اسلام غزہ کے لیے دیگر طلبہ تنظیموں اسلامی جمعیت طلبہ کے ہمراہ ڈی چوک پر احتجاجی دھرنے میں شریک تھی ایک نا معلوم کار سوار اسلامک انٹرنیشنل یونیورسٹی کے طالبعلم رومان ساجد کو قتل کر کے فرار ہو گیا۔

کب سے ہیں ایک حرف پہ نظریں جمی ہوئی
میں پڑھ رہا ہوں جو نہیں لکھا کتاب میں

السلام علیکم