29/06/2026
مسجد نبوی ﷺ میں زائرین اور نمازیوں کی سہولت کے لیے جدید ترین کولنگ سسٹم مکمل طور پر فعال کر دیا گیا ہے، جو چوبیس گھنٹے مسلسل اپنی مکمل صلاحیت کے ساتھ کام کر رہا ہے۔
عرب میڈیا کے مطابق اس جدید کولنگ سسٹم کی مجموعی استعداد 19 ہزار 300 ریفریجریشن ٹن سے زائد ہے، جسے دنیا کے جدید ترین کولنگ نظاموں میں شمار کیا جاتا ہے۔
حرمین شریفین جنرل اتھارٹی کے مطابق یہ نظام تقریباً 98 ہزار 700 مربع میٹر کے رقبے پر محیط ہے اور مسجد نبوی ﷺ کے اندرونی حصوں سمیت ستونوں کے نیچے نصب خصوصی ایئر ڈسٹری بیوشن سسٹم کے ذریعے ٹھنڈی اور معتدل ہوا فراہم کرتا ہے۔
حکام کا کہنا ہے کہ اس جدید نظام کی تنصیب کا مقصد مسجد نبوی ﷺ میں آنے والے لاکھوں زائرین اور نمازیوں کو ہر وقت آرام دہ، خوشگوار اور پُرسکون ماحول مہیا کرنا ہے، تاکہ وہ گرمی کے موسم میں بھی مکمل یکسوئی اور اطمینان کے ساتھ عبادت ادا کر سکیں۔
