Ahmad shah baba high school 1

principal of ahmad shah baba high school .dear ashrafi speeching about qualifiying of second year day

at the day of qualifying students of 12 th class/mr qari and dost mohammad and engineer hakim/

تاريخي نثري اثار:
ليکوال:محمود مرهون
په دا ډول نثر کي چي له نامه يې هم ښکاري د ټولني،قوم،ملت او خلکو سياسي،ټولنيز او علمي اړخونه څېړل کيږي په پښتو ادب کي ټول تاريخي کتابونه لکه د افغانستان لنډ تاريخ،افغانستان د تاريخ په اوږدو کي ،د خپلواکۍ لمر څرک،هوتکيان،د درانو امپراطوري،لودي پښتانه او داسي نور سلګونه اثار،زه اوس دلته د نمونې په توګه د افغانستان د اوسني تاريخ څخه چي عزيز احمد رهمند ليکلئ دئ يو کوچنۍ ټوټه را اخلم:
((داحمدشاه بابا له مړيني نه وروسته دهغه کوچنى زوى شهزاده سلېمان دخپل خسر اشرف الوزراشاولي خان په مرسته واک ته ورسېده .خو په دې وخت کي داحمدشاه بل زوى تيمور چي په هرت کي دواک په ګدۍ ناست وو.ژر دکندهار په لور راروان سو سلېمان يې له تخت نه کښته کړ شاولي خان يې و وژۍ او خپله دواکمنۍپه ګدۍ کښېناست .له شپږمياشتنۍ واکمنۍ نه وروسته يې پلازمينه له کندهارنه کابل ته نقل کړه قاضي فيض الله خان دولت شاهي يې دوزير په توګه او سردار پاينده خان يې درحيم دادخان پر ځاى د دراني قبايلو دسردارې لپاره وګمارل او دسر فرازخان په لقب يې مشرف کړ.تيمورشاه نه غوښتل چي قبيلوي مشران پر مهمودولتي دندو وګماري بلکي زياته تکيه يې په علما وو او نظامي ګاردباندي وه چي همدغه يې لامل سول چي دمرکزي حکومت او ولايتي حکمرانانو او قبيلوي مشرانو په منځ کي اختلافات او نارامۍ راولاړي سوې.او ښايې دپلازمېني دنقل هم همدا علت وو. په هر صورت تېمورشاه د خپلي واکمنۍ ټول (٢٠)کلونه يواځي دقبېلوي حاکمانو او مشرانو په سر کو بلواوټکولو تېرکړل.))
اوس تاسو په پورته نثري ټوټه کي وليدل چي د يوې تاريخي موضوع څخه يې بحث کوئ نو دې ډول نثر ته موږ تاريخي نثر وايو،ځني ليکوالو کله ناکله جغرافيه وي او تذکره وي نثر له دې نثر سره ګډ کړى دى مګر په اصل کي دا دواړه بېل نثرونه دي او هر يو ځانته ځانته موضوع ده.