Balochi Academy Quetta

بلوچی اکیڈمی کوئٹہ
بلوچی زبان کی ترویج اور ترقی کیلئے بلوچی اکیڈمی کے قیام میں پہلی قابل قدر کوشش جون 1957میں قلات کے مقام پر بلوچی زبان دوستوں نے "بلوچی دیوان"کے انعقاد سے شروع کی۔ واجہ عبدالقیوم بلوچ کو بلوچی اکیڈمی کا کنوینر مقرر کیا گیا ۔ مارچ 1958میں واجہ قیوم بلوچ کراچی گئے اور انہوں نے وہاں پر اکیڈمی کی بنیاد رکھدی۔ جس کیلئے ایک سات رکنی مجلسِ منتظمہ کا انتخاب عمل میں آیا۔ اگست 1958میں مستونگ میں ادیبوں، شاعروں، سیاسی قائدین اور قبائلی معتبرین پر مشتمل ایک بڑے اجتماع کا انعقاد عمل میں آیا جس کا مقصد بلوچی اکیڈمی کیلئے ان کی علمی، سیاسی ، اخلاقی اور مالی معاونت حاصل کرنا تھا۔ بعد میں 1961ء میں اس ادارہ کا باقاعدہ قیام عمل میں لایا گیا۔بلاشبہ ابتدائی سالوں میں بلوچی اکیڈمی کے سربراہ اور اس کے نیک نیت، دیانتدار اور پرخلوص ساتھیوں نے اسے ڈھانچے سے عملی اکیڈمی بنانے کے لئے ہرممکن کوشش کی تاہم وہ کوئی معجزہ دکھانے میں کامیاب نہ ہوسکے۔ لیکن 1995ء تبدیلیوں کا سال ثابت ہوا تبدیلی کی اسی ہوا میں ملکی سطح پر انتظامی اور اکیڈیمک تجربے کا حسین امتزاج رکھنے والا ایک سنجیدہ مدبر اورمعاملہ فہم منتظم واجہ جان محمد دشتی کی صورت میں اکیڈمی کا چیئرمین بنے۔الغرض پچاس سال قبل بلوچ،بلوچی اور بلوچستان میں علم وادب کی ترقی وترویج کے لئے بلوچی اکیڈمی کی شکل میں جوپودالگایا گیا تھا آج وہ بفضل خداتناور درخت بن چکا ہے۔بلوچی اکیڈمی نے علم وادب اورتہذیب وثقافت اور بلوچستانیت وغیرہ پر480 سے زائد کتابیں شائع کی ہیں۔ اکیڈمی کیلئے ایک دستوری خاکہ جو 1958میں تیار کیا گیا تھا اسکی روشنی میں بلوچی اکیڈمی کے ابتدائی دستور کوقانونی شکل دی گئی۔ اور دستور میں اعزازی رکنیت کے لئے ایک نئی دفعہ شامل کی گئی کہ جو بلوچ ادیب اور دانشور پاکستان سے باہر ہیں یاپاکستان میں موجود ہیں، اور ان کی علمی اور ادبی حیثیت بہت بلند ہے اور وہ اکیڈمی کے باقاعدہ ممبر نہیں بن سکتے۔ ان کو اعزازی رکنیت دی جائے۔ اکیڈمی کے سالانہ عمومی اجلاس کے لئے ایک مخصوص تاریخ یعنی سال کے ماہ اگست کے پہلے اتوار کو مقرر کیا گیا اور اسی طرح ہرتین سال کے بعد الیکشن کے لئے بھی اگست کے پہلے اتوار کو مقرر کیا گیا۔بلوچی اکیڈمی کے مختلف امور کی بہتر طور پر انجام دہی کے لئے فنانس کمیٹی‘ دستور کمیٹی‘املاورسم الخط کمیٹی ڈکشنری کمیٹی انسائیکلوپیڈیا کمیٹی ‘سیمینار کمیٹی‘ پبلشنگ کمیٹی اور مارکیٹنگ کمیٹی کے نام سے آٹھ کمیٹیاں تشکیل دی گئی ہیں۔ابتداء میں صوبائی حکومت نے اس کیلئے سالانہ پچیس ہزار روپے کی گرانٹ منظور کی تھی، جو بعد میں 95ہزار روپے سالانہ کر دی گئی۔ لیکن اکیڈمی کے اڑتیس سال گزرنے کے باوجود اس گرانٹ میں اضافہ نہیں کیا گیا۔مگر 1997میں بلوچستان کے زبان دوست وزیر اعلٰی جناب سرداراختر جان مینگل نے اکیڈمی کی گرانٹ کو بھی دس لاکھ روپے سالانہ تک بڑھا دیا۔ اس طرح2010ء میں صوبائی حکومت نے اکیڈمی کی گرانٹ کو20لاکھ اور2011میں 50 لاکھ روپے سالانہ تک بڑھادی ہے۔ اکیڈمی کی موجودہ مالی گرانٹ ڈیڑھ کروڑ سالانہ مقرر کی گئی ہے۔
دفاتر ور ریسرچ کمپلیکس
بلوچی اکیڈمی کا ہیڈ کوارٹر عدالت روڑ، کوئٹہ میں واقع ہے جس کی عمارت کے لیے زمین سابق وزیراعلی بلوچستان سردار اخترمینگل نے دی تھی جس ایک سہ منزلہ ریسرچ کمپلکش تعمیر کی گئی ہے۔
طباعت کتب:۔
بلوچی اکیڈمی نے اپنے قیام1961ء سے جولائی2011ء تک کل480کتابیں شائع کرائیں۔جو زیادہ تر بلوچی ادب وثقافت لوک کہانیوں‘ گرائمر‘ تاریخ‘ اور سوانح پر مشتمل ہیں۔بلوچی اکیڈمی کی جانب سے شائع شدہ کتابیں بلوچستان یونیورسٹی، کالجز اور اسکولوں کے علاوہ فیڈرل اور صوبائی پبلک سروس کمیشنز کے مقابلوں کے امتحانات کے کورسز میں شامل ہیں۔
ویب سائٹ:
بلوچی اکیڈمی کی تشہیرکے لئے www.balochiacademy.org
ویب سائٹ موجود ہے۔ اس ویب سائیٹ کے اندر بلوچی اکیڈمی کی کتابیں پی ڈی ایف میں موجود ہیں اس کے علاوہ بلوچستانیات جرنل اور بلوچی انگریزی ڈکشنری کے لنکس بھی دی گئی ہیں۔
بلوچی ڈکشنری
بلوچی اکیڈمی نے بلوچی زبان کی سب سے ضخیم اور مستند لبز بلد (ڈکشنری ) چھاپی ہے جبکہ بلوچی اور انگریزی ڈکشنری بھی شائع کی گئی ہے۔
علمی ادبی اداروں کو کتب کی تقسیم
بلوچی اکیڈمی اپنی مطبوعات ہر سال ہزاروں کتابیں بلوچستان کی لائبریوں ، ادبی اداروں اور طلبہ و طالبات کو مفت فراہم کرتی ہے ۔
تقریبات و سیمینار:۔
بلوچی اکیڈمی بلوچی زبان و ادب کی ترویج کے لیے مختلف مواقع پر تقریبات اور سیمینار منعقد کرتی ہے اس کے علاوہ بلوچی اکیڈمی کے ہال میں مختلف ادبی ادارے پروگرامز کرتی ہیں ۔
مستقبل کے منصوبے
۱۔ بلوچی زبان و ادب کو دنیا کی دیگر ترقی یافتہ زبانوں اور ادب کے برابر لانا ۔
۲۔ بلوچی کا ایک معیاری اور قابل عمل رسم الخط رائج کرنا۔
۳۔ زبان و ثقافت کے سلسلے میں قومی اور بین الاقوامی سیمینار منعقد کرنا۔
۴۔مخطوطات، قلمی نسخوں، مطبوعہ اور نایاب تحقیقی کتب، فلم ، آڈیو، وڈیو کیسٹ اور دیگر جدید سائنسی و علمی مواد پر مشتمل عصر حاضر کے تقاضو ںسے ہم آہنگ سائنسی انداز میں ایک وسیع تر لائبریری قائم کرنا۔
۵۔ اکیڈمی میں ایک مئوثر ، فعال اور جدید تقاضوں سے ہم آہنگ ریسرچ سیل قائم کرنا
۶۔ بلوچی سے بلوچی ڈکشنری کو مختلف زبانوں مثلاً بلوچی انگلش، بلوچی اُردو، بلوچی فارسی، بلوچی عربی، بلوچی براہوئی، بلوچی سندھی، بلوچی اور بلوچی پشتو وغیرہ میں بھی ترجمہ کیا جائے۔
اکیڈمی کے چیئرمین
گزشتہ50 سالوں کے دوران مندرجہ ذیل شخصیات اکیڈمی کے چیئرمین رہے ہیں۔
1۔میر محمد سردار خان گشکوری16 دسمبر1961ء تادسمبر1961۔ پدا1967تاں۔
2۔واجہ عبدالقیوم1967ء تاجون1968ء۔
3۔ملک محمد رمضان اکتوبر1983ء تاجولائی1986ء۔
4۔بشیر احمد بلوچ۔ جولائی1992ء۔
5۔عبداﷲ جان جمالدینی جولائی1992ء تاجولائی1995ء۔
6۔جان محمد دشتی7جولائی1995ء تا6جولائی2001ء
7۔عبدالواحد بندیگ اولی اگست2001ء تااولی اگست2007ء
8۔صدیق بلوچ 7اگست2007ء تا1اگست2010ء۔
9۔ اگست 2001 سے لے کر 2007 اور 2010 سے لے کر 2016 تک کے چیئرمین کو اکیڈمی کے خلاف سازش کرنے اور کرپشن کی پاداش میں اکیڈمی کے ریکارڈ سے نام خارج کردیا گیا ہے۔
10۔ ممتاز یوسف 01 اگست 2016 تا 30 اکتوبر 2020
11۔ سنگت رفیق 01 نومبر 2020 تاحال