معهد الندوة الاسلامي۔کوئٹہ بلوچستان

ابو ظہبی امارات کے مفتی و فاضلِ دیوبند کا ہمارے ادارے میں بابرکت دورہ۔
آج ہمارے ادارے کے لیے اعزاز کا دن تھا کہ میرے دوست بلوچستان سے تعلق رکھنے والے اور اس وقت ابو ظہبی (امارات) میں سرکاری اداروں کے مفتی کی حیثیت سے خدمات انجام دینے والے، دارالعلوم دیوبند کے فاضل حضرت مفتی فدامحمدصاحب نے ہمارے مدرسے کا دورہ فرمایا۔انہوں نے طلباء سے نہایت پُرمحبت انداز میں خطاب کیا، مدرسے کے تمام امور کا قریب سے جائزہ لیا اور بھرپور حوصلہ افزائی فرمائی۔اپنے خطاب میں انہوں نے اختلاف کے آداب، احترامِ علم، اور باہمی نرمی جیسے اہم موضوعات پر نصیحت فرمائی۔مزید برآں، انہوں نے مولانا زکریا صاحبؒ کی کتاب “الاعتدال فی مراتب الرجال” پر بھی گفتگو کی اور طلباء کی رہنمائی فرمائی۔طلباء کو قرآن و حدیث کی روشنی میں جوانی، صحت اور فراغت جیسی اللہ تعالیٰ کی قیمتی نعمتوں کا خوب فائدہ اٹھانے کی تلقین کی۔اللہ تعالیٰ ان کے علم و عمل میں مزید برکت عطا فرمائے۔

معھد الندوۃ الاسلامی کوئٹہ میں غزہ کے مظلوم مسلمانوں اور گلوبل سمود پروٹیلاکے لیے اجتماعی دعاوختم قرآن کریم
غزہ کے نہتے اور مظلوم مسلمان اس وقت دنیا کے بدترین حالات سے گزر رہے ہیں۔ ان پر ظلم و ستم کی انتہا کر دی گئی ہے، لیکن ان کا حق ہمارے اوپر باقی ہے کہ ہم ان کے لیے دعا کریں، ان کا ساتھ دیں اور ہر ممکن مدد کریں۔
اسی مقصد کے لیے ہمارے ادارے میں دعائیہ ختم اور قرآن کریم کی تلاوت کا اہتمام کیا گیا، جس میں اساتذہ و طلبہ نے بھرپور شرکت کی۔ سب نے اللہ تعالیٰ کے حضور دعا کی کہ وہ اہلِ غزہ کی مدد فرمائے، ان کے جان و مال کی حفاظت کرے اور ان پر ڈھائے جانے والے ظلم کو ختم کرے۔
بالخصوص ان جانثاروں کے لیے دعا کی جو سمندر کی بے رحم لہروں کا سامنا کرتے ہوئے اپنی جان خطرے میں ڈال کر امداد غزہ کے مسلمانوں تک پہنچانے جا رہے ہیں۔ یہ بہادر افراد پوری امت مسلمہ کا فخر ہیں۔
اللہ تعالیٰ سے دعا ہے کہ وہ اہلِ غزہ پر اپنا خاص فضل و کرم فرمائے اور ان کی قربانیوں کو امت مسلمہ کے حق میں رحمت کا سبب بنائے۔

معہد الندوۃ الاسلامی کوئٹہ 78 واں یوم جشن آزادی کی خوبصورت تقریب کا انعقاد کیا گیا،تقریب کا آغاز صبح سویرے ختم قرآن پاک سے ہوا،معہد کے اساتذہ،انتظامیہ اور طلبہ کرام نے پرچم کشائی کی،اس کے بعد طلبہ کرام نے قومی ترانہ اور ملی نغمےپیش کئیے،انگریزی اور اردوزبان میں علمائے کرام کے آزادی وطن میں کردار پر روشنی ڈالی ،آخر میں رئیس معہد الندوۃ الاسلامی مولانا سید محب اللہ آغا صاحب مدظلہ العالی نے وطن کی اہمیت،اس کے حصول کے لئے جدوجہد کرنے والوں کے کردار اور قربانیوں کو اجاگر کیا،پوری دنیا میں پاکستان کے اسلامی ،جغرافیائی اورسفارتی تشخص کو طلبہ کے سامنے تفصیل سے بیان فرمایا، اس موقع پر سہ ماہی امتحان کے نتائج کا بھی اعلان کیا گیا اور جو طلبہ نمایاں کامیابی حاصل کرنے والے تھے ان میں اساتذہ کرام نے انعامات تقسیم کیے، اس کے بعد تقریب کا اختتام جامعہ کے استاذ مفتی محمد زبیرصاحب کی دعا سے ہوا۔

مسابقہ الشیخ سیدباچاآغا رحمہ اللہ
حسب سابق اس سال پھر معہد الندوۃ الاسلامی کے تحت بروز بدھ بین طلبہ مسابقہ حسن صوت کا انعقاد کیا گیا تھا ،علماء کرام،قراء عظام،ڈاکٹرز،ماہرین تعلیم اور تاجر برادری کو بطور خاص اس عظیم الشان مجلس میں مدعو کیا گیا تھا،مسابقہ میں تقریبا 16 طلبہ نے شرکت کی،تمام طلبہ کو چار ہاؤسسز میں تقسیم کیا گیا تھا،فرقہ ابوبکر صدیق رض،فرقہ عمرفاروق رض،فرقہ ذوالنورین رض اور فرقہ حیدر رض
ہر ہاؤس سے چار طلبہ شریک ہوئے،جج کے فرائض ملک پاکستان کے مشہور قاری فخرالقراء قاری محمد سہیل ترین صاحب اور استاذ القراء قاری عبدالغفور مدظلہ نے انجام دئیے،
قاری محمد سہیل ترین صاحب مدظلہ کی خوبصورت اور دلنشین تلاوت نے پروگرام کے حسن کو مزید رونق بخشی
مہمان خاص سابق مسؤل وفاق المدارس العربیہ پاکستان شیخ الحدیث حضرت مولانا مفتی سیدمطیع اللہ آغا صاحب تھے آپ نے ،معہد الندوۃ الاسلامی کوئٹہ کو بلوچستان کا رول ماڈل مدرسہ قرار دیا،اپنے بیان میں چار باتوں کے اردگرد عوام کی توجہ مبذول کروائی،
*اپنی اوالاد کے لئے خصوصی طور پر دعا کا اہتمام فرمائے
*ان کو فرمان بردار بنانے کے لئے ہمیشہ انہیں حلال رزق کھلائیں
*گھر پر ان کو دینی ماحول مہیا کریں،وہ تمام اوزار گھر سے ختم کریں جو ان کی دینی اور تربیتی نشونما کو
ڈسٹرب کررہے ہیں،
*جو بھی استاذ یا والد اپنی اولاد یا شاگرد کو نیک دیکھنا چاہتا ہے وہ پہلے خود نیک بنیں
نتائج کا اعلان محترم جناب قاری عبدالغفور صاحب نے فرمایا
پہلی پوزیشن احراراللہ احرار(فرقہ عمرفاروق رض)
دوسری پوزیشن محمد بلال (فرقہ ذوالنورین رض)
تیسری پوزیشن سید محمد زاھد آغا بن محب اللہ آغا(فرقہ عمرفاروق رض)
نے حاصل کی،
رئیس معہد الندوہ الاسلامی نے تمام مہمانان گرامی کے لئے کلمات تشکر اداکئیے تقریب کااختتام مولانا مفتی نورلحق صاحب مدظلہ کی دعا سے ہوا ۔۔
از شعبہ نشرو اشاعت

🌟 معہد الندوۃ الاسلامی کوئٹہ میں فزیکل فٹنس سے متعلق ایک مفید ورکشاپ کا انعقاد 🌟

آج معہد الندوۃ الاسلامی کوئٹہ کو یہ سعادت حاصل ہوئی کہ شہر کے معروف فزیکل ٹرینر اور ماہرِ فٹنس پروفیسر ظہور احمد صاحب نے ادارے کا دورہ کیا اور طلبہ و اساتذہ کے لیے ایک نہایت مفید اور معلوماتی فزیکل ایجوکیشن ورکشاپ منعقد کیا۔

پروفیسر صاحب نہ صرف مختلف یونیورسٹیوں اور کالجوں میں فٹنس کوچ کی حیثیت سے خدمات انجام دے رہے ہیں بلکہ کوئٹہ کے اسپورٹس حلقوں میں ایک ممتاز مقام رکھتے ہیں۔

📌 اس ورکشاپ میں:

فزیکل فٹنس کی اہمیت و ضرورت پر تفصیلی گفتگو ہوئی

صحت مند جسم کے تعلیمی کارکردگی اور ذاتی زندگی پر مثبت اثرات پر روشنی ڈالی گئی

طلبہ کو مختلف فٹنس سرگرمیاں سکھائی گئیں

اور ادارے میں ایک منظم اور مسلسل اسپورٹس سسٹم کے قیام کا اعلان کیا۔

ہم پروفیسر ظہور احمد صاحب کے شکر گزار ہیں کہ انہوں نے وقت نکالا اور طلبہ کی جسمانی تربیت میں دلچسپی لے کر ان کے روشن مستقبل کی بنیاد رکھی۔

📸 تصاویر میں سیشن کی جھلکیاں ملاحظہ فرمائیں۔




#پروفیسرظہوراحمد
#کوئٹہ

جدید،شفاف اور مؤثر مالیاتی نظام کی طرف بہترین اقدام۔۔

معہدالندوۃ الاسلامی کوئٹہ کا سنگ بنیاد سے لیکر اب تک پالیسی یہ رہی ہے کہ وہ اپنا سفر وژن،تعاون اور ثابت قدمی کے ساتھ آگے بڑھائے ،اس کے لئے بنیادی شرط آپ کا مالیاتی نظام کا شفاف ہونا ہے،بغیر کسی حکومتی فنڈ کے خالص عوام سے حاصل شدہ رقم کو ان کے حقیقی مصارف پر خرچ کیا جائے،گذشتہ دنوں اس مالیاتی نظام کی ایک پالیسی "اساتذہ کی تنخواہوں کا صاف اور شفاف ڈھانچہ متعارف کرایا گیا" حکومتی،عصری اور دینی اداروں کی پالیسیاں سامنے رکھ کر اپنے محدود وسائل کے اندر اساتذہ کی تنخواہوں کی ترتیب بنائی گئی،
جس میں بنیادی تنخواہ،ٹائم اسکیل،تجربہ وتعلیم،ذمہ داریاں،اور ٹائم،مہنگائی الاونس اور قیام وطعام الاونس کو شامل کیا گیا۔ہر چیز کے لئے الگ رقم مختص کی گئی ۔
ان شاءالله یہ پالیسی عوام کے اعتماد اور اساتذہ کی محنت و جدوجہد کو مزید نکھار فراہم کرے گا،اللہ دینی علوم اور اخلاقی تربیت کے عظیم مراکز کو اپنے دربارمیں قبول ومقبول بنائے،آمین۔

تکمیل قرآن کی تقریب ۔۔
آج معہد الندوۃ الاسلامی میں بسلسلہ تکمیل قرآن خوبصورت مجلس کا انعقاد کیا گیا۔پانچ طلبہ کرام نے قرآن کریم کی عظیم نعمت سے اپنے سینوں کو منور کیا،مجلس کا آغاز تلاوت کلام پاک سے ہوا،اس کے بعد شعبہ حفظ کے استاذ قاری سعادت اللہ صاحب نے طلبہ کو آخری سبق پڑھایا،بعد ازآں بانی ورئیس معہدالندوۃ مولانا سید محب اللہ آغا صاحب مدظلہ نے مجمع سے پر مغز خطاب کیا،فارغ التحصیل طلبہ کے والدین کو مبارک باد پیش کی،
آپ نے اپنے بیان میں دینی مدارس کی تابناک تاریخ،روشن خدمات اور اجھلے کردار پر روشنی ڈالی ،ملک وملت کے لئے ان کی قربانیوں کو اجاگر کیا، خاص کر ان تسلیم شدہ کارناموں کو اپنا موضوع سخن بنایا جس کی پوری دنیا معترف ہے،شرق سے لیکر غرب تک،دارالعلوم دیوبند سے معہدالندوۃ تک،درس وتدریس سے لیکر تشہیروتبلیغ تک،منبرومحراب سے لیکر پارلیمنٹ تک، ہر ہر شعبہ کو الگ واضح کرکے کیا،
پھر طلبہ کرام کو اعزازی جبے پہنائے گئے ۔۔اس مبارک مجلس کا اختتام مولانا محمد زبیرصاحب کی اختتامی دعا سے ہوا۔۔

السلام علیکم ورحمتہ اللہ وبرکاتہ ۔
معہد الندوۃ کے زیر انتظام اس مرتبہ وقف قربانی کا انتظام کیا گیا ہے۔قربانی شرعی اصولوں کے مطابق کی جائے گی۔گوشت ضرورت مند افراد اور طلبہ کرام میں تقسیم کیا جائے گا۔
اپنے لیے اور محرومین کے ایصال ثواب کے لئے اس میں حصہ لیں۔اور ثواب دارین حاصل کریں۔
جزاکم اللہ خیرا ۔