SESA - Senior Educational Staff Assoication - SESA

*مبارکباد! مبارکباد! مبارکباد!*

الحمدللہ، مہینوں کے طویل انتظار کے بعد بالآخر آج پرونیشل سلیکشن بورڈ نے گریڈ 17 تا گریڈ 18 کے 157 میل آفیسران کی اگلے گریڈ میں ترقی کی منظوری دے دی۔

خصوصی طور پر تقریباً 755 میل ایس ایس ٹی اساتذہ کرام جن میں
SST جنرل / سائنس / ٹیک، SPET، SAT اور SDM شامل ہیں، کو گریڈ 17 سے اگلے گریڈ میں ترقی دی گئی ہے۔ یہ تمام اساتذہ کرام اپنی محنت، قابلیت اور خدمات کے اعتراف پر دلی مبارکباد کے مستحق ہیں۔

سیسا بلوچستان اس اہم پیشرفت پر معزز محترمہ راحیلہ حامد خان دُرانی صاحبہ (وزیر تعلیم بلوچستان)، جناب لعل جان جعفر صاحب (سیکرٹری تعلیم)،
جناب اختر کیتھران صاحب (ڈائریکٹر اسکولز)،
جناب محمد اکرم جعفر صاحب (ایس او ون)، جناب جمال الدین کاکڑ صاحب سُپرٹینڈینٹ، غلام شاہ
اور محکمہ تعلیم کے جملہ افسران و اسٹاف کا تہہ دل سے شکریہ ادا کرتی ہے جنہوں نے اس اہم معاملے کو پایۂ تکمیل تک پہنچانے میں اپنا بھرپور کردار ادا کیا۔

ہم اُمید کرتے ہیں کہ ترقی پانے والے تمام افسران و اساتذہ کرام مزید جذبے، ایمانداری اور لگن کے ساتھ اپنے فرائض سرانجام دیتے ہوئے نظامِ تعلیم کی بہتری میں مؤثر کردار ادا کریں گے۔

اللہ تعالیٰ آپ سب کو اپنی نئی ذمہ داریوں میں مزید کامیابیاں عطا فرمائے۔

*سیسا بلوچستان*

*بلوچستان سلیکشن بورڈ کا اجلاس تاخیر کا شکار، سینکڑوں افسران کی ترقی کے کیسز التوا کا شکار*

کوئٹہ: بلوچستان سلیکشن بورڈ کا اجلاس طویل عرصے سے منعقد نہ ہونے کے باعث مختلف سرکاری محکموں سے تعلق رکھنے والے سینکڑوں افسران کی ترقی کے کیسز التوا کا شکار ہو گئے ہیں، جس پر سرکاری ملازمین میں شدید بے چینی پائی جا رہی ہے۔

ذرائع کے مطابق صوبائی حکومت کی جانب سے باقاعدہ پالیسی کے تحت اعلان کیا گیا تھا کہ سلیکشن بورڈ کے سال میں کم از کم تین سے چار اجلاس منعقد کیے جائیں گے تاکہ افسران کے ترقیاتی کیسز بروقت نمٹائے جا سکیں، تاہم رواں سال اب تک ایک بھی اجلاس منعقد نہیں ہو سکا۔

ذرائع کا کہنا ہے کہ سلیکشن بورڈ کے اجلاس میں گریڈ 17 سے گریڈ 20 تک کے افسران کی ترقیوں، سنیارٹی، اور دیگر سروس معاملات زیر غور آتے ہیں، لیکن اجلاس نہ ہونے کے باعث یہ تمام امور تعطل کا شکار ہیں۔ اس تاخیر کے باعث متعدد محکموں کی کارکردگی بھی متاثر ہونے کا خدشہ ظاہر کیا جا رہا ہے۔

افسران کا کہنا ہے کہ بڑی تعداد میں ملازمین ریٹائرمنٹ کے قریب ہیں، اور اگر بروقت ترقی نہ ملی تو وہ بغیر پروموشن ریٹائر ہو جائیں گے، جس سے نہ صرف ان کی سروس ریکارڈ متاثر ہوگا بلکہ پنشن اور دیگر مالی مراعات پر بھی منفی اثرات مرتب ہوں گے۔

سرکاری ملازمین اور مختلف حلقوں نے چیف سیکرٹری بلوچستان سے مطالبہ کیا ہے کہ سلیکشن بورڈ کا اجلاس فوری طور پر طلب کیا جائے تاکہ زیر التوا کیسز نمٹائے جا سکیں اور افسران میں پائی جانے والی بے چینی کا خاتمہ ممکن ہو,
Civil Secretariat Balochistan
Sewa Sed Balochistan
Sesa District Quetta
Sesa Loralai.