پرائم ہائی سکول شہر سلطان

الحمدللہ ثم الحمدللہ تحصیل جتوئی میں پہلی پوزیشن برقرار

ہیں تلخ بہت بندہ مزدور کے اوقات۔
دنیا کے تمام محنت کشوں کو سلام۔

دوسروں کو نقصان پہنچائے بغیر ، اُن کو بدنام کئے بغیر، اُن سے حَسَد کئے بغیر، اُن سے اُلجھے بغیر، اُن سے آگے نکل جانے کا ہنر سیکھیے۔

یومِ شہادت سیدنا علی رضی اللہ تعالٰی عنہ

دامادِ رسول
سرتاجِ بتول

علی تو وہ خوش نصیب ہیں جن کو بچپن سے ہی ایمان کی دولت مل گئی. ان کے بارے میں نبی کریم صلی اللہ علیہ والہ وسلم فرماتے ہیں کہ جنت میں میرا اور علی کا گھر آمنے سامنے ہوگا. نبی کریم صلی اللہ علیہ والہ وسلم نے اپنا جگر کا گوشہ علی رضی اللہ تعالٰی عنہ کو سونپا. ان کے فضائل بیان کرنے بیٹھیں تو الفاظ کم پڑ جائیں.

نبی کریم صلی اللہ علیہ والہ وسلم ان کے لیے فرماتے ہیں کہ تم میرے لیے ایسے ہی ہو جیسے موسیٰ کے لیے ہارون. حالانکہ سیدنا علی، نبی کریم صلی اللہ علیہ والہ وسلم سے بتیس سال چھوٹے تھے. اللہ کے محبوب اپنی لاڈلی سے فرماتے ہیں کہ جنت میں میں، تم، یہ دونوں (حسنین کریمین) اور یہ جو سویا ہوا ہے ( اس وقت شیرِ خدا سوئے ہوئے تھے) ہم آخرت میں اکھٹے ہوں گے. اللہ اللہ ایسا رتبہ ایسی فضیلت.
شجاعت، دلیری اور عزم کا استعارہ ہونے کے ساتھ ساتھ اللہ تعالیٰ نے انہیں بے تحاشہ فہم و فراست سے بھی نوازا تھا. نبی کریم صلی اللہ علیہ والہ وسلم کے دنیا سے پردہ فرمانے کے بعد جید صحابہ کرام رضی اللہ تعالٰی عنہما بھی فقہی مسائل میں آپ ہی سے رجوع فرماتے تھے. شریعت میں قیاس کی ابتداء آپ ہی سے ہوئی ہے.

اسلامی تاریخ کی یہ بدنصیبی ہے کہ ہمارے تین خلفائے راشدین کو شہید کیا گیا جن میں سیدنا علی رضی اللہ تعالٰی عنہ بھی شامل ہیں. میرے نزدیک اسلامی تاریخ کی چند مظلوم ترین ہستیوں میں سیدنا علی رضی اللہ عنہ کا نام سرفہرست ہے.

آج ان کا یوم وصال ہے. اللہ ہم کو سیدنا علی رضی اللہ تعالٰی عنہ کی پیروی کرنے کی توفیق عطا فرمائے آمین ثم آمین!