17/06/2026
گورنمنٹ بوائز ڈگری ڪاليج پیر جو ڳوٺ جی حالیہ ترقي ۽ ڪاميابيون مخلص قيادت، اڻٿڪ محنت ۽ بهترين ٽيم ورڪ جو هڪ چٽو ثبوت آهن. گذريل چند سالن دوران هن اداري تعليمي، انتظامي، هم نصابي ۽ راندين جي شعبن ۾ نمايان ڪاميابيون حاصل ڪيون آهن، جن جو سهرو اڳوڻي پرنسپال پروفيسر الطاف حسين کھوڙو، موجوده پرنسپال پروفيسر برڪت علي ڪانهر ۽ سندن پوري ٽيم جي سر تي سجهي ٿو.
جڏهن پروفيسر الطاف حسين کھوڙو بطور پرنسپال ڪاليج جي چارج سنڀالي، ته اهو ادارو مختلف انتظامي ۽ بنيادي مسئلن جو شڪار هو. هن وڏي عزم ۽ حوصلي سان ڪاليج جي بهتريءَ لاءِ عملي قدمن جو آغاز ڪيو. سڀ کان پهرين صفائي سٿرائيءَ جي هڪ خصوصي مهم هلائي وئي؛ ڪاليج جي ڇتن، ڪلاسن، عمارت ۽ اراصي تان سالن کان پيل ملبو ۽ غير ضروري سامان هٽايو ويو، جنهن سان اداري جي خوبصورتي ۽ تعليمي ماحول ۾ هڪ وڏي تبديلي آئي.
پروفيسر الطاف حسين کھوڙو پنهنجي دورِ تعيناتيءَ ۾ تعليمي معيار کي بلند ڪرڻ لاءِ ماهوار ٽيسٽن، تقريري مقابلن، علمي توڙي ادبي پروگرامن ۽ ٻين هاڪاري سرگرمين کي فروغ ڏنو. سندن سرپرستي ۾ شاگردن مختلف تعليمي، ثقافتي، اسپورٽس ۽ STEAM Exhibition جي مقابلن ۾ نمايان پوزيشنون حاصل ڪري ڪاليج جو نالو روشن ڪيو.
هن ترقياتي سفر ۾ موجوده پرنسپال پروفيسر برڪت علي ڪانهر جو ڪردار پڻ انتهائي اهم ۽ ساراهه جوڳو رهيو آهي. هن بطور سينيئر استاد ۽ بعد ۾ بطور پرنسپال اداري جي ترقي، نظم و ضبط، تدريسي معيار ۽ شاگردن جي ڀلائيءَ لاءِ ڀرپور محنت ڪئي. هن پروفيسر الطاف حسين کھوڙو سان گڏجي ڪاليج ۾ مثبت تبديلين کي اڳتي وڌايو ۽ اڄ به کيس ساڳئي جذبي سان اداري کي وڌيڪ ترقيءَ جي راهه تي گامزن رکيو اچي.
ڪاليج جي هن ڪاميابيءَ جي پٺيان هڪ مخلص ۽ محنتي ٽيم پڻ موجود رهي، جنهن ۾ پروفيسر ارشاد علي سولنگي پروفيسر غلام اڪبر ميمڻ ، پروفيسر نجم الحسن، پروفيسر محمد اڪرم لاشاري، ڊائريڪٽر فزيڪل ايجوڪيشن غلام مرتضيٰ ڏهوٽ، پروفيسر ارشاد علي ڪانهر، پروفيسر فريد احمد سومرو ۽ ٻيو تدريسي توڙي غير تدريسي عملو شامل آهي. تمام اسٽاف ميمبرن ڪاليج جي بهتري، شاگردن جي تربيت ۽ اداري جي نيڪ ناميءَ لاءِ پنهنجو ڀرپور ڪردار ادا ڪيو.
گورنمنٹ بوائز ڈگری ڪاليج پیر جو ڳوٺ جي موجوده ترقي ان حقيقت جي عڪاس آهي ته جڏهن قيادت مخلص هجي، ٽيم متحد هجي ۽ مقصد صرف اداري جي بهتري هجي ته ڪاميابيون پاڻ مرادو قدم چمنديون آهن. پروفيسر الطاف حسين کھوڙو ۽ پروفيسر برڪت علي ڪانهر ۽ سندن پوري ٽيم جون خدمتون يقينن قابلِ تحسين آهن، جيڪي ڪاليج جي تاريخ ۾ سونهري اکرن سان لکيون وينديون. شاگرد، استاد ۽ علائقي جا ماڻهو سندن انهن خدمتن کي هميشه قدر ۽ احترام جي نگاهه سان ياد رکندا.
