Maktab Taleem ul quran

حوریہ کا تعلق الجزائر سے ہے،کالج میں پڑھائی کے دوران ایک کلاس فیلو لڑکے سے انہیں محبت ہوئی،دونوں نے نکاح کرلیا ۔

شادی کو پندرہ سال گزر گئے اس دوران ان کے ہاں آٹھ بچوں کی پیدائش ہوئی لیکن اولاد کو لیکر یہ عجیب آزمائش سے گزرتے رہے،کوئی بچہ شادی کے چھ ماہ بعد وفات پاتا کوئی سال دو سال بعد اس طرح انکے آٹھ کے آٹھ بچے فوت ہوگیے ۔

شادی کے بعد گزرا ہر ماہ و سال ان کیلئے اذیت کا تھا،اولاد کی اموات کے بوجھ سے زندگی بوجھل تھی کہ حوریہ کا شوہر بھی اس دنیا سے چلا گیا ۔

شوہر کی جدائی کے کچھ عرصے بعد حوریہ کو کینسر کی تشخیص ہوئی حوریہ کیلئے گزری زندگی دکھوں سے بھری تھی ہی اب تو مستقبل بھی تاریک تھا ۔

اسپتال کے بیڈ میں پڑے کینسر سے لڑتی حوریہ کو خیال آیا ہے اس بیماری کو شکست دے کر چند سال جی بھی لوں تو کس کیلئے ؟
ماں باپ بچپن میں گزر گیے تھے،اولاد بھی بچپن میں یکے بعد دیگرے داغ مفارقت دیتے گیے،شوہر بھی چلا گیا ۔
اب جینا کس کیلئے ہے،جینے کا کوئی مقصد بھی تو نہیں ہے ۔

حوریہ انہی سوچوں میں خود سے لڑ رہی تھی کہ اچانک ان کے دماغ میں ایک خیال آیا یہ اسپتال سے نکلی اور سیدھا گھر پہنچی،ان کے جسم میں ایک عجیب توانائی امڈ آئی تھی،انہوں نے گھر کی سیٹنگ اور صفائی کرلی،کچھ چادریں ،بستر کمبل اضافی منگوا لیے،انہیں زندگی کا مقصد مل چکا تھا،اب انہیں جینا تھا،دوسروں کیلئے جینا تھا۔

حوریہ نے اپنے گھر کو “دارالایتام” قرار دیا،انہوں نے یتمیوں کی کفالت ،تربیت اور انکی پرورش کا کام شروع کر دیا ۔

یہ ماں بن کر ان یتمیوں کی نگہداشت کرتی ،کچھ عرصے میں دو سے چار اور چار سے آٹھ ہوتے یتمیوں کی خاصی تعداد انکے ساتھ رہنے لگی،یہ پورا پورا دن اور پوری پوری رات یتیم بچوں کے ساتھ گزارتی،ان بچوں کی چھوٹی چھوٹی خوشیوں کیلئے یہ خود بھاگ دوڑ کرتی،یتیم بچوں کیلئے کھلونے خرید لاتی ان بچوں کے ساتھ یہ گھنٹوں کھیلتی ۔

حوریہ کو دارالایتام کھولے کئی سال گزر چکے تھے اس دوران اللہ تعالی کی مدد سے انہوں نے کینسر کو بھی شکست دی،حوریہ اور اس کے کام کی شہرت پورے ملک میں پھیل گئی،جزائر کے لوگوں میں یہ “ام الايتام " یتمیوں کی ماں کے نام سے مشہور ہوئیں،حکومتی سطح پر انکی حوصلہ افزائی اور انکی خدمات کا اعتراف ہونے لگا۔

اب پورے جزائر میں حوریہ کی نگرانی میں درجنوں یتیم خانے چل رہے ہیں،یہ اب اپنی زندگی سے خوش ہیں،انہوں نے ایتام کی کفالت کے علاوہ بھی کئی فلاحی کام شروع کر رکھے ہیں۔

سبحان اللہ زندگی بھی عجیب گورکھ دھندا ہے جہاں لگے کہ سب کچھ ختم ہوچکا وہی سے ایک بھرپور آغاز ممکن ہے ۔

زندگی بہت خوبصورت ہے بس اسے جینے کا انداز ہمیں آنا چاہیے اس لیے دکھوں اور کلفتوں کے باوجود زندگی جینا سیکھیں،زندگی کا مقصد طے کرلیں،دوسروں کی خوشیوں کو اپنا مقصد بنانے والے کبھی مستقل غم میں نہیں رہ سکتے،یہ قانون قدرت ہے کہ پھول اگانے والے خوشبووں میں رہتے ہیں۔

گفتگو ایک فن ہے!
گفتگو کا فن وہ مہارت ہے
جو انسان کو دل میں جگہ دلاتی ہے۔
یہ صرف بات کرنے کا نہیں، بلکہ بات کہنے کے انداز کا ہنر ہے۔ ایک ہی جملہ کسی کے دل میں گہرائی سے اُتر سکتا ہے، اور وہی جملہ غلط انداز میں کہا جائے تو تعلقات میں تلخی پیدا کر سکتا ہے۔!

یہی وجہ ہے کہ گفتگو کا ہنر سیکھنا
سمجھنا اور اور پر عمل کرنا کامیابی کی کنجی
بن جاتا ہے۔!

گفتگو کا سب سے پہلا سلیقہ یہ ہے
"بغیر بولے کہہ دینا"۔ یہ حقیقت ہے کہ الفاظ کے بغیر بھی بہت کچھ کہا جا سکتا ہے۔ آپ کا چہرہ، آپ کی آنکھیں اور آپ کا جسم کسی بات کو زیادہ بامعنی بنا سکتے ہیں۔ ایک نرم مسکراہٹ یا سر ہلا دینا سننے والے پر گہرا اثر ڈالتا ہے۔

دوسرا اہم ہنر ہے ہمدردی۔
جب آپ کسی کے جذبات کو سمجھ کر ان سے ہمدردی کا اظہار کرتے ہیں تو وہ آپ کی بات کو سنجیدگی سے لیتا ہے اور گفتگو میں وزن آ جاتا ہے۔

"سب سے میٹھا لفظ" اپنا نام لگتا ہے۔
جب آپ کسی کو اس کے نام سے پکارتے ہیں تو وہ خود کو خاص محسوس کرتا ہے اور اس کی توجہ آپ کی بات پر مرکوز ہو جاتی ہے۔

آواز کا اتار چڑھاؤ اور لہجہ بھی بہت اہم ہیں۔
ایک ہی جملہ مختلف انداز میں کہنے سے اس کے اثرات بدل جاتے ہیں۔ لہٰذا، آواز کے آہنگ، ردھم، لچک، ٹہراؤ اور لہجے پر قابو رکھنا ضروری ہے تاکہ گفتگو دلچسپ اور دلکش بنے۔

ایک اور مفید تکنیک "ایکو تکنیک" ہے،
جس میں آپ سننے والے کی بات کو دوبارہ دہراتے ہیں تاکہ اسے یہ احساس ہو کہ آپ نے اسے سمجھا اور اس کی بات کو اہمیت دی ہے۔ اس سے بات چیت میں اعتماد اور قربت آتی ہے۔

کہانی سنانے کا فن بھی اہم ہے۔
لوگ حقیقت سے زیادہ کہانیاں یاد رکھتے ہیں۔
اگر آپ اپنی بات کو کہانی کے طور پر پیش کریں تو وہ زیادہ دلچسپ اور یادگار بن جاتی ہے۔ اس سے سننے والے کی توجہ حاصل کی جا سکتی ہے۔

مزاح کا استعمال بھی گفتگو کا حصہ ہے،
لیکن اسے احتیاط سے استعمال کرنا ضروری ہے تاکہ وہ کسی کی دل آزاری کا سبب نہ بنے۔

گفتگو میں عاجزی اور انکساری
بھی بہت ضروری ہے۔ جب آپ خود کو عاجز ظاہر کرتے ہیں اور دوسروں کو بلند مقام دیتے ہیں تو تعلقات میں بہتری آتی ہے اور وہ آپ کی بات کو زیادہ پسند کرتے ہیں۔

"بروکن ریکارڈ تکنیک"
بھی ایک کارآمد طریقہ ہے، جس میں آپ کسی بات کو بار بار دہراتے ہیں تاکہ اس پر زور دیا جا سکے۔

اور آخری بات، جذباتی ذہانت۔
یہ وہ صلاحیت ہے جو آپ کو بتاتی ہے کہ کب خاموش رہنا ہے، کب بات کرنی ہے اور کب اپنی بات کو مضبوطی سے پیش کرنا ہے۔

یہ سب اصول مل کر گفتگو کو مؤثر بناتے ہیں۔ گفتگو ایک فن ہے، اور جو اسے سیکھ لیتا ہے، وہ واقعی دلوں پر راج کرتا ہے!

رنگ باتیں کریں اور باتوں سے خوشبو آئے

اللہ ، آپ کو آسانیاں عطا فرمائے...

(خوشخبری خوشخبری )
مکتب تعلیم القرآن ڈھوک کنترال میں مسلم سٹوڈنٹس آرگنائزیشن کے تعاون سے
(فہمِ دین کورس) کا آغاز کیا گیا ہے جس میں تین موضوعات کو زیر بحث لایا جائے گا ۔
1: توحید۔ 2:رسالت
3: صحابہ کرام رضوان اللہ علیہم اجمعین کا مختصر تعارف
اس کورس میں طلبہ کو پانچ کلاسیں دی جائیں گی اور ہر کلاس 5 دن کے وقفے سے ہوگی۔

الحمدللہ پہلی کلاس 12 رمضان المبارک بروز بدھ کو ہوئی تھی
جبکہ دوسری کلاس 16 رمضان المبارک بروز پیر کو ہوگی انشاء اللّٰہ الرحمٰن

مسلم سٹوڈنٹس آرگنائزیشن کا تہہ دل سے مشکور و ممنون ہوں
نوٹ: کورس کے اختتام پر طلبہ کو اسناد بھی دی جائیں گی ۔
مع السلام

Celebrating my 1st year on Facebook. Thank you for your continuing support. I could never have made it without you. 🙏🤗🎉