13/05/2026
خیبر اسٹوڈنٹ یونین زرعی یونیورسٹی کے نوجوان بیج 2022 تا 2026 کے اختتامی پروگرام کا انعقاد یونیورسٹی کیمپس کی ہدایات کے مطابق کیا گیا۔ اس موقع پر خیبر اسٹوڈنٹ یونین زرعی یونیورسٹی کے جونیئر ممبران کی جانب سے ایک شاندار فیئر ویل پروگرام منعقد ہوا۔ پروگرام میں طلبہ کی کارکردگی کو سراہا گیا، انہیں اعزازات اور ہار پہنائے گئے، جبکہ شرکاء نے پرتپاک استقبال اور بھرپور محبت کا اظہار کیا۔ یہ تقریب خوشی، بھائی چارے اور یادگار لمحات سے بھرپور رہی۔
اس نوجوان بیج میں خیبر اسٹوڈنٹ یونین کے بہت ہی باصلاحیت، پُرجوش، محنتی اور انرجیٹک نوجوان شامل تھے، جنہوں نے نہ صرف اپنی تعلیم میں کامیابی حاصل کی بلکہ خیبرین کے لیے بے شمار قربانیاں بھی دیں۔ ان نوجوانوں نے یونین اور یونیورسٹی کے لیے ہمیشہ خلوص، اتحاد اور خدمت کے جذبے کے ساتھ کام کیا، جس کی بدولت ان کی خدمات ہمیشہ یاد رکھی جائیں گی۔
اس پروقار تقریب میں یونین کے معزز کیبینٹ عہدیداران بھی موجود تھے، جنہوں نے طلبہ کی خدمات کو خراجِ تحسین پیش کیا۔ یہ لمحہ ایک طرف خوشی کا تھا کہ طلبہ نے اپنی ڈگری مکمل کر لی اور اب اپنے روشن مستقبل اور کامیاب کیریئر کی جانب قدم بڑھائیں گے، جبکہ دوسری طرف یہ لمحہ اداسی کا بھی تھا کیونکہ یہی نوجوان اس یونیورسٹی اور یونین کے لیے بے شمار یادگاریں، قربانیاں اور خوبصورت لمحات چھوڑ کر جا رہے ہیں۔ ان کی محنت، بھائی چارہ اور خدمات ہمیشہ خیبر اسٹوڈنٹ یونین کی تاریخ کا قیمتی حصہ رہیں گی۔
